بەيسەنبى, 28 ناۋرىز 2024
3199 2 پىكىر 20 ءساۋىر, 2018 ساعات 09:51

تاجىكستان تاجىك-وزبەك شەكاراسىنداعى داۋلى ۋچاسكەلەرگە قاتىستى كەلىسىمدى بەكىتتى

تاجىكستان پارلامەنتىنىڭ تومەنگى پالاتاسى تاجىكستان مەن وزبەكستان شەكاراسىنداعى جەكەلەگەن ۋچاسكەلەرگە قاتىستى كەلىسىمدى بەكىتتى. بۇل كەلىسىمگە شاۆكات ميرزياەۆتىڭ دۋشانبەگە ساپارى كەزىندە ەكى ەل باسشىلارى قول قويعان.

كەلىسىم ەكى ەل اراسىنداعى داۋلى بولىپ كەلگەن 192 شاقىرىم ۋچاسكەنى دەماركاتسيالاۋ پروتسەسىن اياقتايدى.

قازىرگى كەزدە تاجىك-وزبەك شەكاراسىندا شەشىمى تابىلماعان تەك ءبىر ۋچاسكە قالعان.

تاجىك دەپۋتاتى جۋراحون ماجيدزودا شەشىمى تابىلماعان ۋچاسكەنىڭ كولەمى ءبىر شاقىرىمداي ەكەنىن، ول تاجىكستاننىڭ سوعدى وبلىسى مەن وزبەكستاننىڭ سىرداريا وبلىسىندا ورنالاسقانىن ايتادى. بۇل جەردە فارحاد گەس بوگەنى ورنالاسقان. ونىڭ سوزىنشە، وزبەك تارابى اتالعان ۋچاسكە فارحاد گەس جۇمىسشىلارىنىڭ ءدالىزى ءۇشىن اشىق قالدىرۋدى سۇراپ وتىر.

وتكەن اپتادا دۋشانبەدە ەكى ەل شەكاراسىنداعى ەڭ داۋلى جەر - فارحاد گەس ورنالاسقان ايماققا قاتىستى ۇكىمەتارالىق كوميسسيانىڭ وتىرىسى وتكەن. ەكى تاراپ بۇل ايماق تاجىكستان اۋماعى بولىپ مويىندالاتىنىن، ال گيدروەنەرگەتيكا ستانتسياسى وزبەكستان مەنشىگى بولىپ قالادى دەپ كەلىسكەن. نىسان قاۋىپسىزدىگىن تاجىك تارابى قورعاسا، ستانتسياداعى تەحنيكالىق جۇمىستى وزبەكستان اتقارادى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525