جۇما, 29 ناۋرىز 2024
3105 0 پىكىر 20 ءساۋىر, 2018 ساعات 09:52

تۇركىمەنستان ءتاپۇ گاز قۇبىرى جوباسىنا قاتىستى وزبەكستاننان قولداۋ كۇتەدى

تۇركىمەنستان پرەزيدەنتى گۋربانگۋلى بەردىمۇحامەدوۆ وزبەكستان باسشىسى شاۆكات ميرزياەۆتان ءتاپۇ (تۇركىمەنستان-اۋعانستان-پاكىستان-ءۇندىستان) گاز قۇبىرىن سالۋعا كومەك سۇراماق. بۇل جونىندە ازاتتىقتىڭ تۇركىمەن قىزمەتىنىڭ ۇكىمەتتەگى دەرەككوزى حابارلادى.

گۋربانگۋلى بەردىمۇحامەدوۆ قۇرامىندا ۇكىمەت مۇشەلەرى، كاسىپكەرلەر، مادەنيەت قىزمەتكەرلەرى بار دەلەگاتسيامەن وزبەكستان ساپارىنا دايىندالىپ جاتىر.

دەرەككوزدىڭ حابارلاۋىنشا، بەردىمۇحامەدوۆ ەكىجاقتى كەزدەسۋ كەزىندە ارىپتەسىنەن ءتاپۇ گازقۇبىرى جوباسىنىڭ قۇرىلىسىنا نەسيە سۇراماق.

بىلتىر 26 جەلتوقساندا "ينتەرفاكس" اگەنتتىگى بەردىمۇحامەدوۆتىڭ ءدال وسى ماسەلەمەن رەسەي پرەزيدەنتى ۆلاديمير پۋتيننەن كومەك سۇراعانىن جازعان. بىراق پۋتين بۇل جوباعا كۇدىكپەن قارايتىنىن جەتكىزگەن.

تۇركىمەنستان مەملەكەتتىك اقپارات اگەنتتىكتەرىنىڭ حابارلارىنا قاراعاندا، بەردىمۇحامەدوۆ تۇرىك كومپانيالارىمەن دە كەلىسسوز جۇرگىزىپ جاتقان كورىنەدى. ءتاپۇ جوباسى بويىنشا تۇركىمەنستان قۇرىلىستىڭ 85 پايىزىن ءوز جاۋاپكەرشىلىگىنە العان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606