شۆەتسيا راديوسىنىڭ حابارلاۋىنشا، ستوكگولم سوتى 2017 جىلدىڭ 7 ساۋىرىندە تەراكت بولعان كەزدە، سول جەردە بولعان كۋاگەرلەردى تىڭداعان. «اكيلوۆ 149 تالاپ قويۋشىنىڭ 130-ىنىڭ شاعىمىن مويىندادى. ايىپتالۋشى سونىمەن بىرگە جارىلىس كەزىندە بەس ادامدى ولتىرگەنىن دە مويىندادى»، – دەپ حابارلايدى شۆەتسيا راديوسى.

وسىنىڭ الدىندا راحمات اكيلوۆ شۆەتسيا استاناسىنداعى تەراكتىنى «يسلام مەملەكەتى» تەرروريستىك ۇيىمى ليدەرلەرىنىڭ ءبىرىنىڭ تالابى بويىنشا جاساعانىن مالىمدەگەن.

راحمات اكيلوۆ ىسىنە قاتىستى 13 اقپاندا باستالعان سوت وتىرىسى 9 مامىردا اياقتالادى. ال سوت ۇكىمى ماۋسىم ايىنىڭ ەكىنشى جارتىسىندا شىعادى.

40 جاستاعى وزبەكستان ازاماتى راحمات اكيلوۆ بىلتىر ءساۋىر ايىندا ستوكگولم ورتالىعىنداعى دروتتنينگگاتان كوشەسىندە جاياۋ جۇرگىنشىلەردى جۇك كولىگىمەن باسىپ وتكەن.

اكيلوۆتىڭ ادۆوكاتى يوحان ەريكسون ول تەراكت جاساۋ ارقىلى شۆەتسيا ۇكىمەتىن «يسلام مەملەكەتى» تەرروريستىك ۇيىمىنا قارسى كۇرەس جونىندەگى حالىقارالىق كواليتسيادان شىعارۋدى كوزدەگەن دەپ ايتقان.

Abai.kz