سامارقان قالاسىندا №71 ورتا مەكتەپتىڭ التىنشى سىنىپ وقۋشىسى جونيبەك حامراكۋلوۆ 4 مامىردا مەكتەپ اۋلاسىنداعى قايعىلى وقيعادان مەرت بولدى. جەرگىلىكتى كاسىپكەردىڭ مەكتەپكە زاڭسىز ورناتقان قاقپاسى بالانى باسىپ قالعان.

مارقۇمنىڭ تۋىستارى قاقپا دۇرىس ورناتىلماعاندىقتان، بالانىڭ ۇستىنە قۇلاپ كەتكەن دەپ ەسەپتەيدى.

"قاقپا دۇرىس ورناتىلماعان: ىرگەتاسى قۇيىلماعان، سول سەبەپتى قوزعالىپ تۇرعان. قاقپادان ءوتىپ بارا جاتقان بالا وندا اسىلىپ تۇرعىسى كەلگەن، بىراق سول كەزدە قاقپا قۇلاپ ءتۇسىپ، بالانىڭ باسىن مىجىپ كەتكەن", - مارقۇمنىڭ ءبىر تۋىسى.

ورتا مەكتەپ ديرەكتورى زەبيحون احمەدوۆا مەكتەپتىڭ شاعىن اۋماعى جەرگىلىكتى كاسىپكەرگە بەرىلگەنىن جارتىلاي مويىندادى.

– كاسىپكەر ماحاللا كوميتەتىنە ءوتىنىپ، سپورت زال تۇرعىزۋعا جەر سۇراعان. كوميتەت توراعاسى ماعان شىققاندا، قالالىق اكىمشىلىكتىڭ رۇقساتى بولسا، مەن قارسى ەمەس ەكەنىمدى ايتتىم. بىراق سپورتزال قۇرىلىسىنا جەرگىلىكتى بيلىكتىڭ رەسمي رۇقساتى شىققان جوق، - دەپ اقتالۋعا تىرىستى ديرەكتور.

سامارقان وبلىستىق ىشكى ىستەر دەپارتامەنتىنەن بۇل ماسەلەگە قاتىستى پىكىر الۋ مۇمكىن بولمادى.

Abai.kz اقپاراتتىق پورتالىندا جاريالانعان ماقالاعا پىكىر ايتىپ، ويىڭىزدى بىلدىرگىڭىز كەلسە، مىنا پاراقشاعا جازىپ قالدىرىڭىز!

Abai.kz