جۇما, 17 تامىز 2018
1639 2 پىكىر 15 مامىر, 2018 ساعات 08:34

تۇركىمەنستان: تارىققان حالىق التىن اشەكەيلەرىن ساتىپ جاتىر

تۇركىمەنستاندا اقشاعا تارىققان حالىق التىن اشەكەيلەرىن ساتا باستادى، دەپ حابارلادى ازاتتىقتىڭ تۇركىمەن قىزمەتى (ازاتلىك).

"بازارداعى ساۋداگەرلەردە سوۆەت زامانىنداعى التىن بۇيىمدار كوبەيدى. اقشاعا تارىققان حالىق التىن جۇزىكتەرى مەن سىرعالارىن ساتا باستاعان", - دەپ حابارلادى لەباپ وبلىسىنداعى ازاتلىك ءتىلشىسى. ونىڭ ايتۋىنشا، ساۋدالانىپ جاتقان التىن بۇيىمداردىڭ دەنى 80-جىلدارى نەمەسە ودان ەرتە ۋاقىتتا جاسالعان.​

"باعالى بۇيىمداردىڭ ءتۇسى سارى نەمەسە اق ەمەس، قىزعىلت-سارى ءتۇستى التىن. انارتاس ورناتىلعان جۇزىكتەر، "تاراقان" دەپ اتالاتىن سىرعالار. سىرعالار ءىلىنىپ جابىلادى، قايتا اشىلۋى قيىن. ارينە، ەشكىم وزىمەن بىرگە لۋپا الىپ جۇرگەن جوق، بىراق ونسىز دا جۇلدىز سىناماسىن بايقاۋعا بولادى", - دەدى تۇركىمەناباتتاعى التىن مامانى.

تۇركىمەنستاندا لومبارد جوق. حالىقتىڭ باعالى زاتتارىن التىن ساتۋشىلاردىڭ وزدەرى ساتىپ الىپ جاتىر. جەرگىلىكتى تۇرعىنداردىڭ ايتۋىنا قاراعاندا، 585 جانە 583 سىنامالى رەسەيلىك التىنعا سۇرانىس جاقسى.

ايماق تۇرعىندارى التىن باعاسى وسكەنىن ايتتى. جەكەلەگەن ادامداردان التىننىڭ ءبىر گراممىن قازىر شامامەن 200 ماناتقا (شامامەن 57 دوللار) ساتىپ الۋعا بولادى.

سوڭعى ۋاقىتتا تۇركىمەنستاننان شەتەلگە التىن كونترابانداسى جيىلەگەن. بۇعان دەيىن حابارلانعانداي، ءۇندىستان استاناسىنداعى حالىقارالىق اۋەجايدا 19 كەلى التىندى كونتراباندالىق جولمەن وتكىزۋگە تالپىنعان 28 تۇركىمەن ازاماتى ۇستالعان.

Abai.kz

2 پىكىر