“تاراپتار سيريا بويىنشا جوعارى دەڭگەيدەگى حالىقارالىق كەزدەسۋدى 2018 جىلى شىلدە ايىندا سوچيدە وتكىزۋگە كەلىستى” دەدى.

ول استاناداعى كەلىسسوزدىڭ ۋاقىتشا اياقتالعانىن حابارلاپ، الداعى ۋاقىتتا قايتا جالعاسۋى مۇمكىن ەكەنىن دە جوققا شىعارمادى.

“قازىر باسقا ورىنداردا وتەتىن (انكارا مەن سوچي) ەكى كەزدەسۋ بەلگىلەندى. بىراق كەيىنگى وتىرىستاردىڭ استانادا ءوتۋ مۇمكىندىگىن جوققا شىعارمايمىز. ازىرگە، وسى” دەدى ەرجان اشىقباەۆ.

ونىڭ ايتۋىنشا، سيريا بويىنشا جۇمىس توبىنىڭ كەزەكتى وتىرىسى ماۋسىم ايىندا انكارادا وتەدى.

يران، رەسەي جانە تۇركيانىڭ سيريا كەزدەسۋى بويىنشا جاساعان ورتاق مالىمدەمەسىندە سيريانىڭ تاۋەلسىزدىگى، بىرلىگى مەن تەرريتوريالىق تۇتاستىعىن ساقتاپ، 2017 جىلدىڭ 4 مامىرىندا قابىلدانعان دەەسكالاتسيا ايماعىن قۇرۋ تۋرالى مەموراندۋم جانە استاناداعى كەلىسسوزدەر بارىسىندا كەلىسىلگەن وزگە دە قۇجاتتاردى جۇزەگە اسىرۋدىڭ ماڭىزدىلىعى ايتىلعان.

ورتاق مالىمدەمەدە سونىمەن بىرگە بارلىق سيريالىقتاردىڭ قالىپتى، بەيبىت ومىرىنە ورالۋى ءۇشىن كومەك كورسەتىپ، وسى ماقساتتا جىلدام، قاۋىپسىز جانە توسقاۋىلسىز گۋمانيتارلىق كومەكپەن قامتاماسىز ەتۋ كەرەكتىگى باياندالعان. ولارعا مەديتسينالىق كومەك بەرىپ، بوسقىنداردىڭ ەرىكتى تۇردە قونىستارىنا ورالۋىنا جاعداي جاساۋ، ءال-كايدا نەمەسە يگيل-عا قاتىسى بار تەرروريستىك توپتار مەن ۇيىمدارمەن كۇرەستى جالعاستىرۋ سياقتى جايتتار جازىلعان.

14 مامىردا استانادا يران، رەسەي جانە تۇركيانىڭ قولداۋىمەن توعىزىنشى سيريا بەيبىت كەلىسسوزى باستالعان. ەكى كۇنگە سوزىلعان وتىرىسقا بۇۇ مەن سيريا دەلەگاتسيالارى، سيريا قارۋلى وپپوزيتسيا وكىلدەرى كەلگەن. اقش دەلەگاتسياسى بۇل جولعى كەزدەسۋگە قاتىسۋدان باس تارتقان.

ءسىم بۇعان دەيىن كەپىل ەلدەر كەلىسسوزدە سيرياداعى قازىرگى جاعدايدى، ونىڭ ىشىندە دەەسكالاتسيا ايماقتارىنداعى احۋال مەن گۋمانيتارلىق ماسەلەلەردى جانە ءوزارا سەنىمدى نىعايتۋ شارالارىن تالقىلايتىنىن حابارلاعان.

استانا كەلىسسوزىنەن بولەك، بۇۇ جەنەۆادا سيريا بەيبىت كەلىسسوزدەرىن تۇراقتى تۇردە وتكىزىپ كەلەدى.

Abai.kz