ۆاشينگتوندا قازاقستان ەلشىلىگىندە امەريكاندىق دىنباسىلارمەن كەزدەسۋ ءوتتى
استانا. 7 اقپان. قازاقپارات - ۆاشينگتوندا قازاقستان ەلشىلىگىندە امەريكاندىق دىنباسىلارىمەن ءداستۇرلى كەزدەسۋ ءوتتى،
دەپ حابارلادى ەلشىلىكتىڭ ءباسپاسوز قىزمەتىنەن.
2 اقپاندا وتكەن كەزدەسۋدە حريستيان، يسلام، يۋدايزم دىندەرىنىڭ باسشىلارى حالىقارالىق دىنارالىق ديالوگتىڭ وزەكتى ماسەلەلەرىن تالقىلادى. شاراعا اقش پرەزيدەنتى باراك وباما مەن مەملەكەتتىك حاتشى حيللاري كلينتوننىڭ مۇسىلمان الەمىندەگى وكىلدەرى - پرەزيدەنتتىڭ يسلام كونفەرەنتسياسى ۇيىمى جانىنداعى ارنايى ەلشىسى راشاد حۋسەين مەن مۇسىلمان قوعامداستىقتارىنداعى اقش-تىڭ ارنايى وكىلى فارا پانديت قاتىستى. 2011 جىلعى يسلام كونفەرەنتسياسى ۇيىمىنا توراعالىعى اياسىندا اتقارىپ وتىرعان وركەنيەتتەردى جاقىنداستىرۋ جونىندەگى جۇمىستارى وسىناۋ جارىسسوزگە ارقاۋ بولعان نەگىزگى تاقىرىپتاردىڭ ءبىرى بولدى.
استانا. 7 اقپان. قازاقپارات - ۆاشينگتوندا قازاقستان ەلشىلىگىندە امەريكاندىق دىنباسىلارىمەن ءداستۇرلى كەزدەسۋ ءوتتى،
دەپ حابارلادى ەلشىلىكتىڭ ءباسپاسوز قىزمەتىنەن.
2 اقپاندا وتكەن كەزدەسۋدە حريستيان، يسلام، يۋدايزم دىندەرىنىڭ باسشىلارى حالىقارالىق دىنارالىق ديالوگتىڭ وزەكتى ماسەلەلەرىن تالقىلادى. شاراعا اقش پرەزيدەنتى باراك وباما مەن مەملەكەتتىك حاتشى حيللاري كلينتوننىڭ مۇسىلمان الەمىندەگى وكىلدەرى - پرەزيدەنتتىڭ يسلام كونفەرەنتسياسى ۇيىمى جانىنداعى ارنايى ەلشىسى راشاد حۋسەين مەن مۇسىلمان قوعامداستىقتارىنداعى اقش-تىڭ ارنايى وكىلى فارا پانديت قاتىستى. 2011 جىلعى يسلام كونفەرەنتسياسى ۇيىمىنا توراعالىعى اياسىندا اتقارىپ وتىرعان وركەنيەتتەردى جاقىنداستىرۋ جونىندەگى جۇمىستارى وسىناۋ جارىسسوزگە ارقاۋ بولعان نەگىزگى تاقىرىپتاردىڭ ءبىرى بولدى.
جينالعان قاۋىمنىڭ الدىندا ءسوز سويلەگەن ەلشى ەرلان ىدىرىسوۆ، پرەزيدەنت باراك وبامانىڭ مۇسىلمان الەمىنە قاتىستى باسىمدىقتارىمەن سايكەس كەلەتىن قازاقستاننىڭ وركەنيەتارالىق ديالوگ سالاسىنداعى جۇمىسىنىڭ باسىمدىقتارىنا توقتالدى. 2011 جىلى 11 قىركۇيەكتەگى لاڭكەستىك وقيعا بولعان جەرگە يسلام مادەني ورتالىعىن سالۋ جونىندەگى تانىمال جوبانىڭ اۆتورى يمام فايزل ابدۋل راۋف وسى تاقىرىپتى ءوربىتتى. ول، 11 قىركۇيەكتەگى وقيعا تەك امەريكانى عانا ەمەس، بۇكىل الەمدى ەكىگە بولگەنىن جانە امەريكان-مۇسىلمان قاتىناسىن دامىتۋ تاريحىنداعى شۇعىل بەتبۇرىستى نۇكتە بولعانىن اتاپ كورسەتتى. نەگىزگى پروبلەما - دىندە ەمەس، ديالوگقا قابىلەتى جوق راديكالدى وكىلدەردە ەكەنىن ايتتى. «قازىرگى اقش پەن مۇسىلمان الەمىنىڭ اراسىنداعى ديالوگتا راديكالدار باسىم بولىپ تۇر جانە ءبىز بىرنەشە ءدىن مەن مادەني وركەنيەتتىڭ قاتار ءومىر ءسۇرۋ مۇمكىندىگىنە سەنەتىن سالماقتى جانە سارابدال مۇسىلمان باسشىلاردىڭ داۋسىنا مۇقتاجبىز. قازاقستان جاس تا بولسا، قارقىندى دامىپ كەلە جاتقان ەل، ءوزىنىڭ وڭ ەنەرگەتيكاسىمەن ماڭىزدى حالىقارالىق ۇدەرىستەرگە سەرپىن بەرىپ وتىرعان وسى ەل راديكالدى ريتوريكانىڭ ءورشۋىن توقتاتا الادى»، دەپ اتاپ كورسەتتى يمام ءوز سوزىندە.
اقش-تىڭ مۇسىلمان الەمىندەگى سەرىكتەسى رەتىندەگى قازاقستاننىڭ ماڭىزدىلىعىن اتاپ كورسەتكەن راشاد حۋسسەين مەن فارا پانديت، قازاقستاندى يسلام كونفەرەنتسياسى ۇيىمىنا توراعالىعىنىڭ بارىسىندا مۇسىلمان ەلدەرىندەگى ءبىلىم بەرۋ، الەۋمەتتىك-ەكونوميكالىق رەفورمالاردى دامىتۋعا ايرىقشا نازار اۋدارۋعا شاقىردى.
