2018 جىلدىڭ 18 مامىرى كۇنى الماتى قالاسى تىلدەردى دامىتۋ باسقارماسىنىڭ ۇيىمداستىرۋىمەن («قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى» اياسىندا) ءۇش ءتىلدى جەتىك بىلەتىن جاستار اراسىندا «ءتىلدارىن» قالالىق وليمپياداسى ءوتتى.

وليمپيادانىڭ ماقساتى: جاستاردىڭ اراسىندا مەملەكەتتىك ءتىل ساياساتىن كەڭىنەن ناسيحاتتاۋ جانە دارىندى جاستارعا جان-جاقتى قولداۋ كورسەتۋ، جاستاردىڭ قازاق، ورىس جانە اعىلشىن تىلدەرىن ۇيرەنۋىن ىنتالاندىرۋ.

وليپياداعا قاتىسۋشىلار تومەندەگىدەي كەزەڭدەر بويىنشا سايىسقا ءتۇستى:

1. تاڭداعان تاقىرىبى بويىنشا «تۇساۋكەسەر» (پرەزەنتاتسيا);

2. بەرىلگەن تاقىرىپ بويىنشا ەسسە جازۋ;

3. بەرىلگەن ءماتىن بويىنشا ىلەسپە اۋدارما جاساۋ.

وليمپياداعا قاتىسۋشىلار ءار كەزەڭنىڭ تاپسىرماسىن ءۇش تىلدە: قازاق، اعىلشىن جانە ورىس تىلدەرىندە ورىندادى. قۇرامىنا بەلگىلى ءتىلشى عالىمدار، ۇكىمەتتىك ەمەس ۇيىمداردىڭ وكىلدەرى، اۋدارما ءىسىنىڭ كاسىبي بىلىكتى ماماندارى بار قازىلار القاسى قاتىسۋشىلاردىڭ جازباشا ورىنداعان جۇمىستارىن تەكسەرىپ، اۋىزشا جاۋاپتارىن تىڭدادى. قازىلار شەشىمىمەن جۇزدەن جۇيرىك شىققان مىنا جەڭىمپازدار انىقتالدى:

باس جۇلدە – اشيماحۋن جۇپار، المالى اۋدانى

ءى ورىن – قاسەنوۆا ءدانيا، الاتاۋ اۋدانى

ءىى ورىن – قاليەۆا گۇلدەن، المالى اۋدانى

ءىىى ورىن – سەرىك سىرىم، تۇركسىب اۋدانى

بايقاۋ شارتتارى بويىنشا «ەسسە جازۋ شەبەرى» جانە «ىلەسپە اۋدارما شەبەرى» دەگەن ەكى نوميناتسيا بەلگىلەنگەن بولاتىن. ونى مەيرەنبەكوۆا انار (ناۋرىزباي اۋدانى) مەن سارقىتبەكوۆا گۇلىم (مەدەۋ اۋدانى) يەلەندى. ال، ماۋلەتقازى ميراس (تۇركسىب اۋدانى) پەن قۇراقباەۆا ديناراعا (مەدەۋ اۋدانى) ىنتالاندىرۋ سىيلىقتارى بەرىلدى. باس جۇلدەنى يەلەنگەن اشيماحۋن جۇپار استانا قالاسىندا وتەتىن رەسپۋبليكالىق بايقاۋعا قاتىسىپ الماتىنىڭ نامىسىن قورعايتىن بولادى.

وليمپياداعا قۇرمەتتى قوناق جانە كورەرمەن رەتىندە مەملەكەتتىك مەكەمەلەردىڭ رەسمي وكىلدەرى، عالىمدار مەن اقىن-جازۋشىلار، ونەر قايراتكەرلەرى، ۇكىمەتتىك ەمەس ۇيىمداردىڭ جەتەكشىلەرى مەن باق تىلشىلەرى جانە ستۋدەنت جاستار مەن وقۋشىلار قاتىستى.

Abai.kz