استانا. 10 اقپان. قازاقپارات - فۋتبولدان قازاقستان ۇلتتىق قۇراماسى انتالياداعى وقۋ-جاتتىعۋ جيىنى اياسىندا كەشە بەلارۋس قۇراماسىمەن جولداستىق كەزدەسۋ وتكىزىپ، 1:1 ەسەبىمەن تەڭ ءتۇستى.

بۇل ءبىزدىڭ كوماندانىڭ جاڭا باس جاتتىقتىرۋشى چەح مامانى ميروسلاۆ بەرانەكتىڭ قول استىنداعى العاشقى ويىنى بولدى. قازاقستان فۋتبول فەدەراتسياسىنىڭ مالىمەتىنشە، گولدى ءبىرىنشى بولىپ ويىننىڭ 45-مينۋتىندا پەنالتيدەن بەلارۋستار سوقتى. اۆتورى - ۆياچەسلاۆ گلەب. ءبىزدىڭ كوماندانىڭ تاراپىنان ماتچ اياقتالار تۇستا، ياعني كەزدەسۋدىڭ 90-مينۋتىندا سەرگەي وستاپەنكو مەرگەندىگىمەن كوزگە ءتۇستى. وسىلايشا قازاقستان قۇراماسى جاڭا باس جاتىقتىرۋشىنىڭ جەتەكشىلىگىمەن العاشقى كەزدەسۋىن تەڭ اياقتاپ وتىر.

استانا. 10 اقپان. قازاقپارات - فۋتبولدان قازاقستان ۇلتتىق قۇراماسى انتالياداعى وقۋ-جاتتىعۋ جيىنى اياسىندا كەشە بەلارۋس قۇراماسىمەن جولداستىق كەزدەسۋ وتكىزىپ، 1:1 ەسەبىمەن تەڭ ءتۇستى.

بۇل ءبىزدىڭ كوماندانىڭ جاڭا باس جاتتىقتىرۋشى چەح مامانى ميروسلاۆ بەرانەكتىڭ قول استىنداعى العاشقى ويىنى بولدى. قازاقستان فۋتبول فەدەراتسياسىنىڭ مالىمەتىنشە، گولدى ءبىرىنشى بولىپ ويىننىڭ 45-مينۋتىندا پەنالتيدەن بەلارۋستار سوقتى. اۆتورى - ۆياچەسلاۆ گلەب. ءبىزدىڭ كوماندانىڭ تاراپىنان ماتچ اياقتالار تۇستا، ياعني كەزدەسۋدىڭ 90-مينۋتىندا سەرگەي وستاپەنكو مەرگەندىگىمەن كوزگە ءتۇستى. وسىلايشا قازاقستان قۇراماسى جاڭا باس جاتىقتىرۋشىنىڭ جەتەكشىلىگىمەن العاشقى كەزدەسۋىن تەڭ اياقتاپ وتىر.

ايتا كەتەيىك، 2012 جىلعى ەۋروپا چەمپيوناتىنىڭ ىرىكتەۋ ءتۋرنيرى اياسىندا قازاقستان گەرمانيا، تۇركيا، بەلگيا، اۆستريا جانە ءازىربايجان كوماندالارىمەن بىرگە «ا» توبىندا سىنعا تۇسۋدە. وسى ىرىكتەۋ ءتۋرنيرى اياسىندا جەرلەستەرىمىز بۇعان دەيىن 4 ويىن وتكىزىپ، سونىڭ بارلىعىندا جەڭىلىپ قالدى. قازاقستان قۇراماسى ءبىرىنشى ويىنىندا 2010 جىلدىڭ 3 قىركۇيەگىندە ەلوردادا تۇركيانى قابىلداپ، 0:3 ەسەبىمەن ۇتىلىپ قالسا، سودان كەيىن 6 قىركۇيەكتە سىرت الاڭدا 0:2 ەسەبىمەن اۆسترياعا ەسە جىبەردى. ال، 8 قازاندا بولعان ءۇشىنشى ماتچتا ءوز الاڭىندا بەلگياعا 0:2 ەسەبىمەن ۇتىلدى، 12 قازاندا استانادا وتكەن ماتچتا گەرمانيادان، 0:3 ەسەبىمەن ۇتىلدى. وسىلايشا ءالى بىردە-ءبىر ۇپاي ەنشىلەمەگەن جەرلەستەرىمىز ءوز توبىندا سوڭعى ورىندا كەلەدى.  ءبىزدىڭ كوماندا ىىرىكتەۋ ءتۋرنيرى اياسىنداعى كەزەكتى ويىنىن 26 ناۋرىزدا سىرت الاڭدا گەرمانيامەن وتكىزەدى.