قازاقستاندىق كەلىنشەك جەتى جاسار قىزىن سيرياداعى اسكەري وپەراتسيالار ايماعىنا جاسىرىن تۇردە الىپ كەتكەن. بۇل تۋرالى ءبۇلدىرشىننىڭ تۋىستارى ەۋرازيا ءبىرىنشى ارناسىنداعى «كۇت مەنى، قازاقستان» باعدارلاماسى ارقىلى مالىمدەدى.

قىزدىڭ اناسى كۇيەۋىمەن اجىراسقاننان كەيىن جەزقازعان قالاسىندا تۇرعان ەكەن. سودان كەيىن ول راديكالدى ءدىني نانىمداردى ۇستاناتىن ازاماتقا ەكىنشى رەت تۇرمىسقا شىققان. سول كۇيەۋى قايتىس بولعاننان كەيىن، كەلىنشەك قىزىن سيرياداعى سوعىس اۋماعىنا جاسىرىن تۇردە الىپ كەتكەن.

«ماعان بارلىق جەردەن ونىڭ كەتىپ قالعانى تۋرالى جاۋاپ كەلدى. ولار ماعان ەشتەڭە ايتپاي كەتىپ قالعان. ال ەگەر بىردەڭە بولسا شە؟ وندا ولاردىڭ ءوز زاڭدارى بار. كىشكەنتاي بالانىڭ وندا قالاي ءومىر ءسۇرىپ جاتقانىن ەلەستەتىپ كورىڭىزدەرشى»، – دەدى قىزدىڭ اپايى ءلايلا عابدۋلينا.

گابدۋلينا وتباسى 7 جاستاعى ءبۇلدىرشىندى ءوز بالاسىنداي باعىپ-قاعۋعا دايىن.

قوش! ەندى مىنا دەرەككە قاراڭىز. تەرروريزمگە قارسى كوميتەت» رەسپۋبليكالىق قوعامدىق بىرلەستىگىنىڭ مالىمەتىنە سۇيەنسەك ، سوڭعى ەكى جىل ىشىندە قازاقستانعا جاۋىنگەرلىك ايماقتان 78 كامەلەتتىك جاسقا تولماعان بالالار قايتارىلىپتى.

ءشارىپحان قايسار

Abai.kz