جەكسەنبى, 16 مامىر 2021
2431 0 پىكىر 31 مامىر, 2018 ساعات 09:31

گۇلشارا ابدىقالىقوۆا سينگاپۋر ۇلتتىق ۋنيۆەرسيتەتىنىڭ پروفەسسورى ليم سيونگ گۋانمەن كەزدەستى

مەملەكەتتىك حاتشى گۇلشارا ابدىقالىقوۆا سينگاپۋر ۇلتتىق ۋنيۆەرسيتەتىنىڭ پروفەسسورى ليم سيونگ گۋانمەن كەزدەستى.

كەزدەسۋ بارىسىندا گۇلشارا ابدىقالىقوۆا بيىل قازاقستان مەن سينگاپۋر اراسىنداعى ديپلوماتيالىق قارىم-قاتىناسقا 25 جىل تولعانىنا توقتالىپ، ەلباسىنىڭ تاپسىرماسىمەن ەلىمىزدى دامىعان 30 مەملەكەتتىڭ قاتارىنا قوسۋعا باعىتتالعان «قازاقستان – 2050» ستراتەگياسىنىڭ جۇزەگە اسىرىلىپ جاتقانى، ەكونوميكانى، ساياساتتى جانە قوعامدىق سانانى قامتيتىن جۇيەلى جاڭعىرۋ جۇرگىزىلىپ وتىرعانى، سونداي-اق مەملەكەتتىك قىزمەت پەن سىبايلاس جەمقورلىققا قارسى ءىس-قيمىل سالالارىندا اۋقىمدى وزگەرىستەر قولعا الىنعانى جونىندە ايتتى.

مەملەكەتتىك حاتشى سينگاپۋردىڭ الەۋمەتتىك-ەكونوميكالىق دامۋ ىسىندەگى تاجىريبەسىنىڭ قازاقستان ءۇشىن ءمانى زور ەكەنىن، اسىرەسە  مەملەكەتتىك قىزمەتتى رەفورمالاۋعا، ادامي رەسۋرستاردىڭ ساپاسىن ارتتىرۋعا جانە ۇلتتىق ەكونوميكانى تسيفرلاندىرۋعا قاتىستى ماسەلەلەردى اتاپ ءوتتى.

– استاناداعى ءسىزدىڭ سەمينارلارىڭىز بىزگە «مەريتوكراتيانىڭ» سينگاپۋرلىق  مودەلىنىڭ نەگىزدەرىن تەرەڭىرەك تۇسىنۋگە مۇمكىندىك بەرەدى جانە قازاقستاننىڭ مەملەكەتتىك قىزمەتشىلەرىنىڭ بىلىكتىلىگىن ارتتىرۋعا سەپتىگىن تيگىزەدى دەپ سەنەمىن، – دەدى گۇلشارا ابدىقالىقوۆا.

مەملەكەتتىك حاتشى «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋدا ادامي كاپيتالدىڭ دامۋى باسىمدىققا يە مىندەتتەردىڭ ءبىرى بولعانىن اتاپ ءوتىپ، قازاقستاندا حالىقارالىق دەڭگەيدەگى ءوز ۋنيۆەرسيتەتتەرىمىز – تاجىريبەسى ەلىمىزدىڭ بارلىق جوعارى وقۋ ورىندارىندا قولدانىلاتىن نازارباەۆ ۋنيۆەرسيتەتى، قازاقستان-بريتان تەحنيكالىق ۋنيۆەرسيتەتى، قازاقستان مەنەدجمەنت، ەكونوميكا جانە جوسپارلاۋ ينستيتۋتى جانە باسقا دا ءبىلىم وردالارىنىڭ اشىلعانىن ايتتى.

– لي كۋان يۋ مەملەكەتتىك ساياسات مەكتەبى قازاقستانداعى سينگاپۋردىڭ وزىندىك «Education Ambassador» سەكىلدى بولادى جانە قازاقستان مەن سينگاپۋردىڭ ءبىلىم بەرۋ مەكەمەلەرى اراسىنداعى سەرىكتەستىك بايلانىستاردى كەڭەيتۋگە ىقپال ەتەدى دەپ ۇمىتتەنەمىز، – دەدى مەملەكەتتىك حاتشى.

كەزدەسۋ سوڭىندا گۇلشارا ابدىقالىقوۆا پروفەسسور ليم سيونگ گۋانعا زور تابىس تىلەپ، سىندارلى ىنتىماقتاستىقتىڭ ودان ءارى جالعاسا بەرەتىنىنە نيەتتەستىك ءبىلدىردى.

Abai.kz

0 پىكىر