"سارىوزەكتە قىتاي قاپتاپتى!" وسى ىسپەتتەس جازبالار مەن اقپاراتتار الەۋمەتتىك جەلىدە جەلدەي ەسىپ، ساعات سايىن جەكەگە كەلىپ جاتىر.

حالىق الاڭداۋلى! حالىق ۇرەيلەنىپ، قاۋىپتەنىپ وتىر. الىپ-قاشپا اقپاراتتىڭ اراسىنان قايسىسى دۇرىس، قايسىسى بۇرىس ەكەنىن اجىراتا الماي دال بولۋدا.

حالىقتى تىنىشتاندىرۋ ماقساتىندا بۇل اقپاراتتاردى نە راستايتىن، نە جوققا شىعارۋعا ءتيىس باق-تا، بيلىك تە ءۇنسىز. اۋزىن بۋعان وگىزدەي ۇندەمەيدى. بۇل - دۇرىس ستراتەگيا ەمەس. حالىقتىڭ بيلىككە دەگەن سەنىمى ونسىز دا جىڭىشكەرگەن جىپتەي ۇزىلەيىن دەپ تۇر. سونى ءۇزىپ الماۋ ءۇشىن بارىن جاساۋدىڭ ورنىنا ەشتەڭەنى بايقاماعانداي كەيىپ تانىتۋ باسىن قۇمعا تىققان تۇيەقۇستىڭ ارەكەتى. سەنىم ءجىبى ۇزىلگەن ەلدەردىڭ جەلكەسى قيىلعانىن كورىپ ءجۇرمىز.

حالىققا قانداي جاعداي بولماسىن شىنايى اقپارات تاراتىلۋى مىندەتتى!

اسحات قاسەنعاليدىڭ Facebook-تەگى پاراقشاسىنان

Abai.kz