جۇما, 29 ناۋرىز 2024
5265 0 پىكىر 30 ماۋسىم, 2018 ساعات 13:29

جيۋلەت بينوش قاسىم امانجولوۆتىڭ «سارىارقا» اتتى ايگىلى ولەڭىن وقىدى

«وسكار» سىيلىعىنىڭ لاۋرەاتى جانە كانن فەستيۆالىنىڭ «التىن پالما» يەگەرى جيۋلەت بينوش استاناعا كەلدى.

«تەاتر مەن كينو سالاسىنىڭ تانىمال فرانتسۋز اكتريساسى ءبىزدىڭ استانامىزدى 20 جىلدىق مەرەيتويىمەن قۇتتىقتاپ، فەستيۆال اياسىندا «Des mots pour le dire» - «جۇرەكتەن شىققان سىرلى ءسوز» اتتى مونوسپەكتاكلىمەن ساحناعا شىقتى. جيۋلەت بينوش قازاق اقىنى قاسىم امانجولوۆتىڭ «سارىارقا» اتتى ايگىلى ولەڭىن وقىپ كورەرمەندەردى ءوز ونەرىمەن تاڭقالدىردى. بۇل فرانتسۋز اكتريساسى مەن قازاق اقىنىنىڭ شىعارماشىلىعىن ۇناتاتىندار ءۇشىن ۇلكەن توسىنسىي بولدى»، - دەپ جازدى مادەنيەت جانە سپورت ءمينيسترى ارىستانبەك مۇحامەديۇلى فەيسبۋك پاراقشاسىندا.

;feature=youtu.be

سونداي-اق، مينيستر اتاپ وتكەندەي، اكتريسا فرانتسۋز ءانشىسى باربارا ءومىربايانىنان فراگمەنتتەردى ورىنداپ، ايگىلى اكتريسانى ءبىرىنشى الەمدىك فورتەپيانو مەن كامەرالىق مۋزىكا سىيلىعىنىڭ لاۋرەاتى ۆينسەنت لەتەرم فورتەپيانومەن سۇيەمەلدەدى.

«جيۋلەت بينوشتىڭ پىكىرىنشە، ول ءبىزدىڭ ەلىمىز تۋرالى جاعىمدى اسەردە، ول ءبىزدىڭ ەلىمىزگە جانە استانانىڭ باتىل، سەرپىندى ساۋلەتىنە تاڭ قالدى. اكتريسا مەيىرىمدى جانە قوناقجاي قازاقستان حالقىنا وتە ريزا بولدى، ول ۇزاق ساپارمەن تاعى دا ءبىزدىڭ ەلگە كەلۋگە نيەت ءبىلدىردى. بۇدان باسقا، جيۋلەت بينوش ءبىزدىڭ وتانداسىمىز سامال ەسلياموۆانىڭ ۇلكەن جەتىستىكتەرىمەن، كانن فەستيۆالىندە جەڭىسكە جەتۋىمەن جانە تاۋەلسىز قازاقستاننىڭ استاناسىن مەرەيتويىمەن شىن جۇرەكتەن قۇتتىقتادى»، - دەدى ا. مۇحامەديۇلى.

ءمينيستردىڭ ايتۋىنشا، دۇنيەجۇزىلىك «استانا» تەاتر فەستيۆالىنە استانانىڭ 20 جىلدىق مەرەيتويىمەن قۇتتىقتاۋ ءۇشىن يتاليا، ۇلىبريتانيا، ليتۆا، پولشا، گەرمانيادان تانىمال الەمدىك تەاترلار كەلدى، ءارتۇرلى ەلدەردىڭ 17 تەاترى 18 اتاقتى قويىلىمدى ۇسىندى.

«فەستيۆالدىڭ سالتاناتتى جابىلۋى بەيبىتشىلىك جانە كەلىسىم سارايىندا ءوتتى. ءبىز قوشتاسپايمىز، ءبىر جىلدان سوڭ وسى الاڭدا قايتا كەزدەسەمىز. ەندىگىسى جاڭا ءۇشىنشى دۇنيەجۇزىلىك «استانا» تەاتر فەستيۆالىندە كەزدەسكەنشە»، - دەپ اياقتادى مينيستر.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616