جۇما, 29 ناۋرىز 2024
3248 2 پىكىر 10 شىلدە, 2018 ساعات 11:03

قىرعىزستان ءدىن تۋرالى زاڭدى وزگەرتىپ جاتىر

مەشىت پەن شىركەۋگە بالالار اتا-انالارىمەن عانا بارادى، نامازحانالار تىركەۋگە الىنادى، ال ءدىني بىلىمگە مەكتەپ پاندەرى قوسىلادى.

قىرعىزستاندا دىنگە بەت بۇرعىندار سانى كوبەيىپ كەلەدى، ال ءدىن تۋرالى زاڭعا ون جىل بويى وزگەرىس ەنگىزىلمەگەن. سول سەبەپتى ءدىنتانۋشىلار ءتورت جىل بويى زاڭگەرلەرمەن بىرگە جاڭا زاڭ جوباسىن دايىندادى.

زاڭداعى نەگىزگى وزگەرتۋلەر كامەلەت جاسقا تولماعاندارعا قاتىستى بولادى. زاڭنىڭ وسى نۇسقاسى قابىلدانعان جاعدايدا، بالالار ءدىني ۇيىمداردىڭ جۇمىسىنا قايتىسا المايتىن بولادى. شىركەۋلەر مەن مەشىتتەرگە ولار اتا-انالارىمەن بىرگە بارۋى ءتيىس.

"بۇل رەتتە ءبىز ءدىني ۇيىمدارعا جاۋاپكەرشىلىك جۇكتەيمىز. ەگەر كامەلەت جاسقا تولماعان بالا كەلەتىن بولسا، ۇيىم ونىڭ اتا-اناسى رۇقسات بەرگەنىن ناقتىلاۋى كەرەك. اتا-انالار دا بالاسى ءۇشىن جاۋاپتى بولۋى كەرەك. كەيدە وقۋشىلار ءدىني راسىمدەرگە قاتىسۋ ءۇشىن ساباقتان قاشىپ كەتىپ جاتادى", - دەدى قىرعىزستاننىڭ ءدىن ىستەرى جونىندەگى مەملەكەتتىك كوميسسياسى ديرەكتورىنىڭ ورىنباسارى زاكير چوتاەۆ.

بۇعان قوسا بارلىق ءدىني وقۋ مەكەمەلەرى ليتسەنزيا نەمەسە كۋالىك الۋى ءتيىس. زاڭ اياسىندا جۇمىس ىستەۋ ءۇشىن مۇنداي مەكەمەلەر وقۋ جوسپارىن قايتا قاراۋى كەرەك بولادى.

قىرعىز پارلامەنتى ءدىن تۋرالى زاڭ جوباسىن قىركۇيەكتە قاراي باستايدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616