جۇما, 29 ناۋرىز 2024
4418 2 پىكىر 10 شىلدە, 2018 ساعات 11:20

استانانىڭ 20 جىلدىعىنا كورشىلەردەن كىمدەر كەلدى؟

سالتاناتتى قابىلداۋعا قىرعىز رەسپۋبليكاسىنىڭ، تاجىكستان رەسپۋبليكاسىنىڭ جانە وزبەكستان رەسپۋبليكاسىنىڭ پرەزيدەنتتەرى دە قاتىستى.

نۇرسۇلتان نازارباەۆ بارشا قازاقستاندىقتاردى استانانىڭ 20 جىلدىعىمەن قۇتتىقتادى.

ەلباسى «قازاقستان»، «تاۋەلسىزدىك» جانە «استانا» سوزدەرىنىڭ ءمانى ەلىمىزدىڭ ءار ازاماتى ءۇشىن ايرىقشا ەكەنىن اتاپ ءوتتى.

مەملەكەت باسشىسى استانانىڭ تاريحىنا ەرەكشە توقتالىپ، قازاقستاننىڭ قازىرگى ەلورداسى كونە بوزوق قالاشىعىنان باستاۋ الاتىنىن اتاپ ءوتتى.

– استانا ەل قامىن جەگەن ەدىگەدەن باستاپ ءاز-تاۋكەگە دەيىنگى قازاق حاندارىنىڭ ورداسى بولعان. مەنىڭ تاپسىرمام بويىنشا زەرتتەۋ جۇرگىزگەن استانالىق ارحەولوگتار ەسىلدىڭ بويىنداعى كۇيگەنجار اۋىلىنىڭ تۇسىنان ءاز تاۋكە حاننىڭ جازعى ورداسىنىڭ ورنىن تاپتى، – دەدى قازاقستان پرەزيدەنتى.

نۇرسۇلتان نازارباەۆ قازاقستاننىڭ جاڭا ەلورداسىنىڭ قۇرىلىسىنا اتسالىسقانداردىڭ بارىنە ريزاشىلىق ءبىلدىرىپ، ەلىمىزدىڭ بارلىق وڭىرىنە استانانىڭ مەرەيتويىنا جاساعان سىيلىقتارى ءۇشىن العىس ايتتى.

– استانانىڭ سالىنۋىمەن قازاقستاننىڭ جاڭا ءداۋىرى باستالدى. بىرىنشىدەن، تاۋەلسىزدىكتىڭ العاشقى جىلدارىنان باستاپ مەملەكەتتىلىگىمىزدىڭ بارلىق ينستيتۋتتارى ورنىقتى. استانا بۇكىل الەم تانىعان جاڭا ساياسي ورتالىققا اينالدى، – دەدى ەلباسى.

سونداي-اق، مەملەكەت باسشىسى قازاقستاننىڭ بۇكىل الەمگە تاۋەلسىزدىك پەن استانانىڭ ارقاسىندا تانىلعانىن ايتتى.

قازاقستان پرەزيدەنتى استانا قازاقستاننىڭ گەوستراتەگيالىق ورتالىعى رەتىندە ساياسي، ەكونوميكالىق جانە الەۋمەتتىك دامۋدىڭ جاڭا مودەلىنىڭ نەگىزىن قالاعانىن اتاپ ءوتتى.

– ەلوردا الەمدىك ساۋلەت ونەرىندە قالا مەن دالانى ۇيلەستىرە بىلگەن جاڭا لاندشافتى ەستەتيكانى قالىپتاستىردى. استانا كۇللى الەمگە جاڭا بەيبىتشىلىك پەن كەلىسىم ورتالىعى رەتىندە تانىلدى. باس قالامىز ەلىمىزدىڭ تاتۋ ءارى كوپۇلتتى حالقى ءۇشىن تۋعان قالاسىنا اينالدى، – دەدى نۇرسۇلتان نازارباەۆ.

سونىمەن قاتار، ەلباسى استانانىڭ ەلىمىزدەگى جاڭا كوشى-قون ۇدەرىسىنە جول اشقانىن ايتتى.

– 20 جىل ىشىندە استانا حالقى 4 ەسە ءوسىپ، ءبىر ميلليونعا جەتتى. بۇكىل ەل باس قالانى ماقتان تۇتىپ، ەلورداعا قاراپ بوي تۇزەيدى. استانانىڭ قارىشتاپ دامۋى وڭىرلەردىڭ ەكونوميكاسىن وركەندەتتى، – دەدى مەملەكەت باسشىسى.

قازاقستان پرەزيدەنتى ەلوردادا جاڭا ءومىر سالتى قالىپتاسقانىن ايتىپ، تۇرعىنداردىڭ جايلى تۇرمىسى ءۇشىن ءتيىستى جاعداي جاسالعانىن اتاپ ءوتتى.

سونداي-اق، مەملەكەت باسشىسى جاڭا يدەيالار مەن يننوۆاتسيالارعا سەرپىن بەرگەن استانانىڭ جەتىستىكتەرىنە توقتالدى.

– ەلوردادا جاھاندىق ەكونوميكالىق دامۋدىڭ وزەكتى ماسەلەلەرىن تالقىلايتىن استانا ەكونوميكالىق فورۋمى وتكىزىلۋدە. باس قالامىز بۇگىندە كۇللى ادامزات دامۋىنا ىقپال ەتەتىن ءارى تاريحي شەشىمدەر قابىلداناتىن ورتالىققا اينالدى. مۇندا شانحاي ىنتىماقتاستىق ۇيىمى، ازياداعى ءوزارا ىقپالداستىق جانە سەنىم شارالارى كەڭەسى، ەۋرازيالىق ەكونوميكالىق وداق قابىلداعان تاريحي قۇجاتتار كۇللى الەمنىڭ ساياسي-ەكونوميكالىق دامۋىنا اسەر ەتتى، – دەدى ەلباسى.

نۇرسۇلتان نازارباەۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ءسامميتىن جانە يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءسامميتىن وتكىزۋ ناتيجەسىندە «استانا دەكلاراتسياسى» قابىلدانعانى تۋرالى ايتتى.

– جيىرما جىل ىشىندە استانا جاھاندىق ينتەگراتسيانىڭ، قاۋىپسىزدىك پەن بىتىمگەرشىلىكتىڭ ورتالىعىنا اينالدى. ەۋروپاداعى قاۋىپسىزدىك جانە ىنتىماقتاستىق ۇيىمىنىڭ تاريحي سامميتىنەن كەيىن الەمدىك ساياسات لەكسيكونىنا «استانا رۋحى» دەگەن تۇسىنىك بەرىك ەندى. ءبىزدىڭ يادروسىز الەم جانە ءادىل حالىقارالىق ءتارتىپ جولىنداعى سىندارلى باستامالارىمىز قازاقستاننىڭ بىرىككەن ۇلتتار ۇيىمىنىڭ تۇراقتى ەمەس مۇشەسى بولىپ سايلانۋىنا جانە وسى بەدەلدى ۇيىمعا توراعالىق ەتۋىنە سەپتىگىن تيگىزدى، – دەدى مەملەكەت باسشىسى.

قازاقستان پرەزيدەنتى سوڭعى 20 جىل ىشىندە استاناعا 22 مونارح، 180 پرەزيدەنت، 109 ۇكىمەت باسشىلارى جانە 114 حالىقارالىق ۇيىم باسشىلارى كەلگەنىن اتاپ ءوتتى.

– مەملەكەتتەر باسشىلارى مەن جوعارى لاۋازىمدى جاۋاپتى تۇلعالاردىڭ ساپارلارى ەلدەر اراسىنداعى دوستىق قارىم-قاتىناستاردىڭ ماڭىزدى كورسەتكىشى سانالادى. وسىنداي ءار ساپاردىڭ ارقاسىندا استانانىڭ بۇكىل الەم بويىنشا دوستارى كوبەيە ءتۇستى، – دەدى نۇرسۇلتان نازارباەۆ.

مەملەكەت باسشىسى شەت ەل كوشباسشىلارىمەن جەكە دوستىعى جونىندە ايتىپ، ولاردىڭ قازاقستان استاناسى تۋرالى وي-پىكىرلەرىن ورتاعا سالدى.

نۇرسۇلتان نازارباەۆ استانا مەن قازاقستان قالىڭ جۇرتشىلىق پەن كوپتەگەن حالىقتاردىڭ جۇرەگىنەن ورىن العانىن اتاپ ءوتتى.

قازاقستان پرەزيدەنتى ەلوردانىڭ ءتورتىنشى ونەركاسىپتىك رەۆوليۋتسيا جاعدايىنداعى ەكونوميكانى جاڭعىرتۋ ىسىندە جانە ەلىمىزدىڭ جاھاندىق ەكونوميكالىق كەڭىستىككە كىرىگۋ جولىندا نەگىزگى ءرول اتقاراتىنىن اتاپ ءوتتى.

– قالا 4.0 يندۋسترياسىنىڭ جاھاندىق تەحنولوگيالىق ۇردىسىنە ساي دامىپ كەلەدى. وڭىرلىك جالپى ءونىم وسى جىلدار ىشىندە 190 ەسە ءوستى. ول نومينالدى تۇردە 5 تريلليون تەڭگەگە جەتىپ، ناقتى ايتقاندا 5,5 ەسە ارتتى. 20 جىل ىشىندە ينۆەستيتسيا كولەمى شامامەن 8 تريلليون تەڭگەنى قۇرادى. جالپى، باس قالانى دامىتۋعا جۇمسالعان مەملەكەت قارجىسى شامامەن 2,5 ەسە اقتالدى، – دەدى نۇرسۇلتان نازارباەۆ.

سوڭىندا مەملەكەت باسشىسى قازاقستاندىقتاردى ەلوردانىڭ 20 جىلدىق مەرەيتويىمەن تاعى دا قۇتتىقتاپ، بۇكىل حالقىمىزعا باق-بەرەكە تىلەدى.

سالتاناتتى قابىلداۋدان كەيىن قازاقستان پرەزيدەنتى ەلوردانىڭ مەرەيتويىنا ارنالعان مەرەكەلىك گالا-كونتسەرتتى تاماشالادى.

مەملەكەت باسشىسىنىڭ استانانىڭ 20 جىلدىعىنا ارنالعان سالتاناتتى قابىلداۋدا سويلەگەن ءسوزىنىڭ تولىق ءماتىنىن مىنا جەردەن كورە الاسىزدار.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2274
عيبىرات

قايسار رۋحتى عازيز جان

مۇحتار قۇل-مۇحاممەد 3591