ەرتەرەكتە كوكشەتاۋ جەرىندە اپپاق، ادەمى بۋرا مەكەن ەتىپتى. ول وزگەلەردەن ساياق، جالعىز جۇرەتىن. بۋرا قالىڭ ورمان ءىشىن كەزىپ، شولىركەگەندە كۇمىسكولگە كەلىپ ءشولىن باساتىن ەدى. كۇمىسكول - ونىڭ تىنىستايتىن سۇيىكتى جەرى.

بۋرا ەرەكشە قاسيەتكە يە بولعان. ەلگە قاۋىپ-قاتەر، سوعىس، جۇت تونگەندە، بوزداپ، ەلدىڭ تىنىشىن الاتىن. ونىڭ بەلگىسىنە ۇيرەنىسكەن حالىق بۋرانى ايرىقشا جاقسى كورىپ، قادىرلەگەن.

كۇندەردىڭ كۇنىندە ەلگە زۇلىم جاۋ شابادى. بۋرا ادەتتەگىدەي بەلگى بەرىپ، بءارى تىعىلىپ ۇلگەرىپ، جان ساقتاپ قالادى. بارىنە بۋرا سەبەپ ەكەنىن بىلگەن زۇلىمدار ونىڭ ىزىنەن ءتۇسىپ، ولتىرمەك بولادى. نۋ ورماندا جۇرگەن بۋرا زالىمدەرگە كەز بولادى. ولاردىڭ ءبىرى ساداعىن كەزەپ، ءدال بۋرانىڭ جۇرەك تۇسىن كوزدەيدى. ساداعىن اتىپ كەپ جىبەرگەندە جەبە كەۋدە تۇسىنان كىرىپ، وركەشىنەن شىعادى. جان داۋىسى شىعا اڭىراپ، بوزداعان بۋرا زۇلىمدارعا قاراي جۇگىرەدى. اتىنا قامشىسىن باسقان ولار بىتىراي قاشا جونەلەدى. ءبىر ساتتە بۋرا كەرى بۇرىلىپ، كۇمىسكولگە بەتتەيدى. سۇيىكتى مەكەنىنە كەلىپ، جاتا كەتەدى. وسىلايشا جان تاپسىرادى.

مۇنان كەيىن جۇرت بۇل جەردى بۋراباي اتاپ كەتكەن.

اسەل قارجاۋبايدىڭ Facebook-تەگى پاراقشاسىنان الىندى

Abai.kz