امەريكا ليدەرى دونالد ترامپ ەۋروپالىق ساپارىنىڭ ىشىندە رەسەي ليدەرى ۆلاديمير پۋتينمەن كەزدەسۋ الدەقايدا جەڭىل بولاتىن سەكىلدى دەپ، ءارى ول دوسىنا اينالۋى مۇمكىن دەگەن ءۇمىتىن جەتكىزدى. ترامپ ناتو بويىنشا وداقتاس ەلدەر باسشىلارى ءوزىنىڭ پۋتينمەن كەزدەسۋىنە رازى دەپ اتاپ ءوتتى.
قىرىمعا قاتىستى سۇراققا ترامپ كەزەكتى رەت تۇبەكتى اننەكسيالاۋ وقيعاسى بارام وبامانىڭ كەزىندە ورىن العانىن قايتالادى. "مەن مۇنداي وقيعاعا جول بەرەر مە ەدىم؟ جوق، جول بەرمەۋشى ەدىم. ەندى قىرىمنىڭ جاعدايى قالاي بولاتىنىن مەن ايتا المايمىن. بىراق قىرىمداعى جاعدايعا كوڭىلىم تولمايدى", – دەدى ترامپ.
رەسەي جانە اقش پرەزيدەنتتەرىنىڭ كەزدەسۋى 16 شىلدەدە حەلسينكيدە وتەدى. ۆلاديمير پۋتين مەن دونالد ترامپ ەكىجاقتى ىنتىماقتاستىق پەن سيرياداعى جانە ۋكراينا شىعىسىنداعى جاعدايدى تالقىلايدى دەپ كۇتىلەدى.
Abai.kz
