ات قويۋدا، قازاقتا ەلىكتەۋدەن بۇرىن قازاقتىڭ ىرىمشىلدىعى الدا تۇر دەپ ويلايمىن.

بۇرىنعى راديكالدانباعان سوپىلىق ءدىن كەزىندە ءدىن قازاق بولمىسىنان الشاق بولماپ ەدى. سوندىقتان قازاق دىننەن "جاماندىق" ىزدەمەگەن، بىراق، ءدىننىڭ كەيبىر تۇستارىن اشىق ءاجۋالاپ، قورىقپاي سىناپ وتىرعان. اسىرەسە، دۇمشە مولداسىماقتاردى جەر عىپ تاستاۋعا قايمىقپاعان.

ءسوز جۇزىندە مولدانىڭ ايتقان "اللانىڭ قۇلىسىڭ" دەگەنگە باس شۇلعي سالعانىمەن، ءوز رۋحاني دۇنيەسىندە قازاق ەشقاشان ءوزىن "قۇل" سەزىنبەگەن. "قۇلسىڭ!" دەگەنگە تەك "اللا رازى بولسىن" دەپ قانا ءۇنسىز مويىنسىنعان: "ودان قۇل بولىپ قالماسپىن" دەپ...

ال كۇندەلىكتى تىرلىكتە قازاقتى حالىق رەتىندە بىرىكتىرىپ، ورتاق ىسكە شاقىراتىن رۋحاني الەم "ۇلتتىق تاربيە جۇيەسى" بولعان. سوندىقتان، قازاق بيلەرى ۇنەمى دە "جاقسى نە؟، جامان نە؟" دەگەن سارىندا وسيەتتى تولعاۋلار ايتىپ، ۇلتتىق سانانىڭ بىرتەكتى جانە ءبىرتۇتاس بولىپ قالىپتاسۋىنا اسەر ەتكەن.

ونىمەن قوسا، بۇكىل 40 رۋلى قازاققا ءتان ورتاق ماقال-ماتەلدەرى بولدى. ولاردى ءاربىر تىرشىلىك سيتۋاتسيالارىنا جانە جاعدايلارعا ساي ورىندى قولدانا وتىرىپ، حالىق ءوزىنىڭ بولشەكتەنبەگەن دۇنيەتانىمىن قالىپتاستىرعان.

نەنىڭ ارلى، نەنىڭ ارسىز ەكەندىگىن وسى ولشەمدەرمەن ساناعا ءسىڭدىرىپ وتىرعان...

ال قازىر بولسا، وسى جۇيەنى ارابي نۇسقاداعى ولشەمدەر الماستىرىپ بارادى. ونداعى ايتىلاتىن كەيبىر "مىنەز-قۇلىق ستاندارتتارى" تىپتەن، قازاق ۇعىمىنا جات، انايى ەكەنى دە راس.!

مىسالى، ونىڭ جارقىن كورىنىسى - قىز بالاعا تەك "ەركەكتىڭ قۇمارلىق وبەكتىسى" دەپ سانايتىن اراب دۇنيەتانىمى!

قازاق حالقى رۋلاسىپ وتىرعاندىقتان، ءارى، رۋلاسىنا ۇيلەنۋگە تيىم بولعاندىقتان، قىز بالاسىنا (بىرەۋگە اكپە، بىرەۋگە قارىنداس) ەشقاشان ء"ناپسا وبەكتىسى" دەپ قاراماعان. "قىز - جات جۇرتتىق" دەپ ءبىرشاما ەركىن ۇستاعان، "قىزعا قىرىق ۇيدەن تيىم" دەپ، قىزدى تاربيە شەڭبەرىندە ۇستاپ، ەلدىڭ ابىرويلى بولۋىن دا ويلاپ وتىرعان. كەتكەن قىزعا "تاستاي باتىپ، سۋداي ءسىڭ" دەۋ ارقىلى "سول ەلدىڭ ۇرپاعىن جالعاستىر" دەپ قىزدىڭ بارعان جەرى مەن ەلىنە دە قۇرمەت كورسەتىپ، "مىڭ جىلدىق" قۇدالار بولۋعا ۇمتىلعان...
مىنە، مۇنىڭ ءبىرى دە اراب حالقىندا جوق.

ال ارابتاردىڭ ىستىق قۇمدا سالىپ العان جەرتەلولەرىنىڭ ىشىندە نەندەي ايۋاندىق بولىپ جاتقاندارىن كىم بىلگەن؟...

ەندى سول "ايۋاندىقتار" ارابتار ارقىلى ء"دىني پاتۋالارعا" اينالىپ، ءبىزدىڭ دە باسىمىزدى قاتىرا باستادى.

ءبىر جاعىنان باتىستىڭ اشىق پورنوگرافياسى، ەكىنشى جاعىنان "ارابتىڭ ناپسىقۇمارلىق دۇنيەتانىمى" قازاقتىڭ ساناسىن سانسىراتىپ جىبەردى!
قازاق ەجەلدەن ايەل بالاسىنا انا دەۋمەن بىرگە، سەرىكتەس، قاناتتاس جاۋىنگەر دەپ قاراعان. ايەل قازاق ءۇشىن تەك قۇمارلىق وبەكتىسى ەمەس (ماحابباتتى، اسەمدىككە ۇمتىلىس سەزىمىن جوققا شىعارمايمىن), ول ۇرپاق جالعاسۋىن قامتاماسىز ەتەتىن انا، جار، قوساق جانە ت.ت.

مىنەكي، وسى دۇنيەتانىمدى قۇرتۋ - ارابقا دا، قىتايعا دا، باتىسقا دا قازاقتىڭ كەڭ دالاسى مەن ايەل-قىزدارىنىڭ ىستىق قۇشاعىنا ەنۋگە جول اشادى ەكەن. ولار سونى جاساپ جاتىر.

ال ولاردىڭ "اگەنتتەرى - ءوزىمىزدىڭ راديكالدانعان دۇمشەلەرىمىز.

سەنبەسەڭىزدەر "دۇمشەنىڭ" اڭگىمەسىنە قۇلاق سالىڭىزدار - سوزدەرىنىڭ 90 پايىزى "سەكس" تۋرالى.باسقاشا ايتقاندا: 1. كوپ قاتىن الۋ. 2. "ايەلدەر، قولدارىڭدى جاسىرىڭدار، بەتتەرىڭدى جاسىرىڭدار، جاسىرماساڭدار شارۋالارىڭ بىتكەنى، ويتكەنى، ەركەك دەگەن حايۋان بار، بىردەن ساعان اسىلا جونەلەدى" دەيدى...

ەندەشە، وسى ۋاعىزدا ايتىلعانداي: "ەركەك - ەسەك، ايەل - توسەك" بولعانى ما؟!
قازاقتىڭ ادامگەرشىلىك ۇعىمى قايدا قالعان؟

ءابدىراشيت باكىرۇلى

Abai.kz