جاپ-جاس جىگىتتى، جالىنداپ تۇرعان جىگىتتى، قالانىڭ قاق ورتاسىندا ءولتىرىپ كەتتى. ۇرىلار...

بۇل ەلدى ۇرىلار قۇرتىپ بىتەدى. ساۋدا ورتالىقتارىندا كۇندە قالتا ۇرىلارى حالىقتى زار ەڭىرەتەدى. قوعامدىق كولىكتە تاعى ۇرلايدى. پودەزدەردە تاعى ۇرلىق. كولىكتىڭ اينەگىن، ونىڭ ىشىندەگى زاتتى تاعى ۇرلايدى. اۋىلدا ول جىلقىنى ۇيىرىمەن بارىمتالاپ جاتىر. باس جاقتا ول ميلليونداپ، سومكەلەپ ۇرلاپ، شەتەلگە تايىپ جاتىر. بارلىق جەردە ۇرلىق. ۇرلىقشىلار قوعامى...

دەنيس تە سونداي ۇرىلاردىڭ قولىنان قازا تاپتى. كولىكتىڭ اينەگى ءۇشىن، بار-جوعى 100 مىڭدىق اينەك ءۇشىن جالىنداعان جاس عۇمىردى كەسە سالدى. ويلانباستان. نەگە؟ ويتكەنى بۇل ۇرىلار مەن كىسى ولتىرگىشتەردىڭ قوعامى. بۇل قوعامدا ادام ءيتتى، مىسىقتى، جانۋاردى اياۋى مۇمكىن، بىراق ءبىر-ءبىرىن ايامايدى. شىبىن ولتىرگەندەي ولتىرە سالادى. بۇل قوعامدا ءتىپتى بەس جاسار بالانى كولىكپەن تاپتاپ، كىلەمگە وراي سالادى. بۇل قوعامدا بەس وقيتىن بالانى زورلاپ، جىلى جاۋىپ قويا سالادى. بۇل قوعامدا بەسىكتەن بەلى شىقپاعاندار بەس تەڭگە ءۇشىن بەس ادامدى ويلانباستان اتا سالادى. بۇل قوعامدا ىزگىلىك جوق.

اسحات قاسەنعاليدىڭ Facebook-تەگى پاراقشاسىنان