سەنبى, 8 تامىز 2020
COVID-19 قازاقستاندا. جۇقتىرعاندار — 96922. جازىلعاندار — 70680. قايتىس بولعاندار — 1058
انە، كوردىڭ بە؟ 2676 4 پىكىر 26 شىلدە, 2018 ساعات 09:36

رەسەيدە وزگە تىلدەردى وقىتۋ ءتارتىبى جويىلادى

رەسەيدە وزگە تىلدەردى وقىتۋ ءتارتىبى جويىلادى. ەندى رەسەيدەگى قازاقتار انا تىلىندە بالالارىن وقىتۋ ءۇشىن مەكتەپكە جەكە ءوتىنىش جازاتىن بولادى.

25 شىلدەدە رەسەي مەملەكەتتىك دۋماسى انا تىلدەر تۋرالى زاڭ جوباسىن ءۇشىنشى وقىلىمدا قابىلدادى. ەكى دەپۋتات قارسى بولعان، قالعان 388 دەپۋتات قولداعان.

ەگەر زاڭ جوباسىن پارلامەنتتىڭ جوعارعى پالاتاسى قولداپ، پرەزيدەنت قول قوياتىن بولسا، وندا رەسەيدىڭ بارلىق ايماقتارىندا تۇپكىلىكتى ۇلتتىڭ ءتىلىن مىندەتتى وقىتۋ ءتارتىبى جويىلادى.

ۇلتتىق رەسپۋبليكالار مەن ايماقتاردا تۇراتىن ورىس حالقىنىڭ "بالالارىمىز باسقا تىلدەردى وقۋعا ءماجبۇر" دەگەن شاعىمدارىنا، پرەزيدەنت ۆلاديمير پۋتين بالالاردى انا ءتىلى بولماعان ءتىلدى وقىتۋعا ماجبۇرلەمەۋ كەرەك دەگەن.

رەسەي پرەزيدەنتىنىڭ بۇل نۇقساۋى ايماقتاردارعى مەكتەپتەردە تۇپكىلىكتى ۇلتتىڭ تىلدەرىن وقىتۋدى جويۋعا الىپ كەلدى.

بيىل 10 ساۋىردە زاڭ جوباسى دۋماعا تۇسكەننەن كەيىن، «مەكتەپتەردە انا تىلدەردى مىندەتتى تۇردە وقىتۋ ساقتالۋى كەرەك» دەگەندى قولدايتىن باستاماشىل توپ Change.org سايتىنا پەتيتسيا جاريالاعان. ونىڭ اۆتورلارى ۆلاديمير پۋتيننەن مەكتەپتەردە انا تىلدەرىن مىندەتتى وقۋ ءتارتىبىن جويۋعا جول بەرمەۋدى سۇراعان.

مەملەكەتتىك دۋما زاڭ جوباسىن تالقىلاۋ كەزىندە تاتارستان ساراپشىلارىنىڭ ۇسىنىستارىن قابىلدامادى. ەندى تاتار بالالارىنا تاتار ءتىلىن وقىتۋ ءۇشىن، اتا-انالارى مەكتەپكە جەكە ءوتىنىش جازاتىن بولادى.

Abai.kz

4 پىكىر