جۇما, 29 ناۋرىز 2024
كۇبىرتكە 6203 3 پىكىر 26 شىلدە, 2018 ساعات 11:38

قاسكەلەڭ پەرزەنتحاناسى جاڭا تۋعان سابيلەردى ساتىپ كەلگەن

قاسكەلەڭ پەرزەنتحاناسىنىڭ قىزمەتكەرلەرى جاڭا تۋعان سابيلەردى ساتىپ كەلگەن. بۇل تۋرالى الماتى وبلىستىق ءىىد ءباسپاسوز قىزمەتىنىڭ باسشىسى سەرگەي نەزناەۆ حابارلادى.

ءىىد ۇيىمداسقان قىلمىسپەن كۇرەس باسقارماسىنىڭ جانە قاراساي اۋدانى پوليتسياسىنىڭ قىزمەتكەرلەرى جۇرگىزگەن ارنايى وپەراتسيا ناتيجەسىندە، جاڭا تۋعان نارەستەلەردى ساتۋدى ۇيىمداستىرىپ جۇرگەن توپ قۇرىقتالىپتى.

قاسىموۆ باسقاراتىن مينيسترلىك بۇل ىسكە قاتىستى تەرگەۋ قۇپيا تۇردە جۇرگىزىلىپ جاتقاندىقتان وزگە اقپاراتتى جاريالامايتىندىعىن ەسكەرتتى. بىراق، كۇدىكتى رەتىندە بىرنەشە مەديتسينا قىزمەتكەرىنىڭ اتى-جوندەرى اتالعان.

سوندا ولار كىمدەر؟

سابيلەردى كىمگە، قانشاعا “ساۋدالادى"?

ونىڭ ارتىندا قانداي توپ تۇر؟

بۇل ءىس تۋرالى تاعدىرى تارازىعا تارتىلىپ تۇرعان ىشكى ىستەر ءمينيسترى قالمۇحامبەت قاسىموۆ نە ايتادى؟ دەنساۋلىق ساقتاۋ ءمينيسترى ەلجان ءبىرتانوۆ شە؟

ءبىزدىڭ قازاق ازاتتىق العالى بەرى "ساۋداگەرلىكتى" كاسىپ ەتتى. استى-ءۇستى بايلىقتارىمىزدى ساتقانىمىز ازداي، شەت ەلگە جەتىم ساتىپ ماسقارا بولدىق. سوندا دا ەل التىن ساندىقتىڭ ۇستىندە ءالى كۇنگە جالاڭاش وتىر...

ەندى مىنە، پەرزەنتحانالار ەسكى اۋەنىنە قايتا سالىپ، شاقالاق ساتۋدى تاعى باستاپتى. اناسىنان جاڭا تۋعان ءسابي ساتىلىپ جاتقاندا قۇپيا تەرگەۋ مەن قۇپيا سوت ساتىلمايدى دەي الامىز با؟

اتالعان مينيسترلىكتەر مۇنداي ءىستى اشىق، جاريا تۇردە جۇرگىزۋى كەرەك. بالا ساتقىشتاردىڭ جازاسىن قانداي بولاتىنىن ەلدىڭ بىلگىسى كەلەدى.

نۇربيكە بەكسۇلتانقىزى

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2278
عيبىرات

قايسار رۋحتى عازيز جان

مۇحتار قۇل-مۇحاممەد 3596