جۇما, 7 تامىز 2020
COVID-19 قازاقستاندا. جۇقتىرعاندار — 96922. جازىلعاندار — 70680. قايتىس بولعاندار — 1058
46 - ءسوز 2274 1 پىكىر 27 شىلدە, 2018 ساعات 11:07

قىتايداعى اقش ەلشىلىگى الدىندا جارىلىس بولدى

قىتايداعى اقش ەلشىلىگى الدىندا جارىلىس بولدى. كىم جاسادى؟ نە ءۇشىن؟ قانداي ۇيىم؟ بۇل سۇراقتارعا ءالى جاۋاپ جوق. بىراق جارىلىستىڭ بولعانى انىق. ونىڭ كۇشى دە، قانشا ادامدى و دۇنيەگە الىپ كەتكەنى دە ماڭىزدى ەمەس. ماڭىزدىسى بولعاندىعى. الەمدەگى ءنومىر 1 دەرجاۆانىڭ ەلشىلىگىنىڭ الدىندا جارىلىس جاساماق تۇگەلى، تۇشكىرۋگە قورقىپ جۇرەتىن ەلدەر كوپ. دەمەك بۇل ۇلكەن ماڭىزعا يە وقيعا بولدى.

وسىدان ءبىر اي بۇرىن قىتايداعى اقش ديپلوماتتارى اكۋستيكالىق قارۋ شابۋىلىنان زارداپ شەگىپ، جارتىسى ەستۋ قابىلەتىنەن ايىرىلدى. قازىرگى تاڭدا بۇل ءىس بويىنشا تەكسەرۋ ءجۇرىپ جاتىر. تەكسەرۋدى تسرۋ ءوز قولىنا العان. ەگەر بۇگىنگى جارىلىس پەن اكۋستيكالىق قارۋ راس بولىپ شىقسا، وندا بۇل اقش-تا ەكى مارتە ديۆەرسيا جاسالدى دەپ قابىلدانارى انىق.

بۇگىن ءتۇس اۋا اقش-تىڭ مەمحاتشىسى پومپەو "الداعى ونجىلدىقتاعى ەڭ قاۋىپتى قارسىلاسىمىز قىتاي بولماق" دەپ كەسىپ ايتتى.

كەشە عانا ترامپ "قىتايدىڭ ادىلەتسىز ساۋدا جۇرگىزۋىنەن اقش 817 ملرد دوللار جوعالتتى" دەپ جازدى. ءسويتىپ بەيجىڭدى اقش فەرمەرلەرىنە قىسىم كورسەتۋدە دەپ ايىپتادى.

ءبىر اي بۇرىن اقش قىتايدىڭ تاۋارلارىنا پوشلينا ەنگىزۋدى باستادى. بەيجىڭ بۋمەرانگ ءادىسىن قولداندى.

بىلتىر ترامپ كەلە سالا تايۆانعا قارۋ ساتۋدى قولدايتىنىن ايتتى. بۇل ەكى ەل اراسىن سۋىتقان ساياسي قادام بولدى. جاۋاپ رەتىندە قىتاي الەمدىك نارىقتاعى دوللاردىڭ 30% وزىندە ەكەنىن ەسكەرتتى.

قىسقاسى ەكەۋىنىڭ اراسىنداعى تەكەتىرەس كۇشەيۋ ۇستىندە.قىتايدىڭ باسشىسى بولعان دەن ءسياوپيننىڭ ء"بىر جوتادا ەكى جولبارىس بيلىك قۇرا المايدى" دەگەن ءسوزى بار. ەندەشە ءبىر جاھاندا كۇشتەرى بىردەي قوس دەرجاۆا دا بولماسى انىق. كىم جەڭەدى؟

اسحات قاسەنعاليدىڭ Facebook-تەگى پاراقشاسىنان

Abai.kz

1 پىكىر