بەيسەنبى, 28 ناۋرىز 2024
3605 0 پىكىر 30 شىلدە, 2018 ساعات 09:01

وزبەكستان بيلىگى جەكەمەنشىك تەلەارنانى جاپتى

وزبەكستان بيلىگى سامارقان قالاسىنداعى جەكەمەنشىك STV تەلەارناسىن "كورگەنسىزدىك پەن زورلىق-زومبىلىق" حابارلارىن تاراتقانى ءۇشىن جاپقان دەپ "ينتەرفاكس" اگەنتتىگى وزبەكستان اقپاراتتىق تەحنولوگيالار جانە كوممۋنيكاتسيا مينيسترلىگىنە سىلتەمە جاساپ حابارلادى.

"سامارقانداعى STV تەلەارناسىنىڭ جۇمىسى بەلگىسىز مەرزىمگە توقتاتىلدى. تاشكەنتتەگى Sevimli (سۇيىكتى) تەلەارناسىنا قاتاڭ ەسكەرتۋ جاسالدى", – دەپ حابارلايدى اگەنتتىك.

اقپاراتتىق تەحنولوگيالار جانە كوممۋنيكاتسيا مينيسترلىگى ءباسپاسوز قىزمەتىنىڭ مالىمدەۋىنشە، تەلەارنا ماتەريالدارىندا "كورگەنسىزدىك پەن زورلىق-زومبىلىق كورىنىستەرى" بارى انىقتالعان. تەلەارنا جۇمىسىنا مونيتورينگ جۇرگىزگەن شەنەۋنىكتەر ەفيردەن بەرىلگەن كەي فيلمدەر مەن مۋزىكالىق كليپتەر "ۇلتتىق مەنتاليتەتكە قايشى جانە جاستار تاربيەسىنە مورالدىق تۇرعىدان زيان تيگىزەدى" دەپ تاپقان.

مينيسترلىك "باق تۋرالى", "اقپارات ەركىندىگى پرينتسيپتەرى مەن كەپىلدىكتەرى تۋرالى", "مەملەكەتتىك جاستار ساياساتى تۋرالى" جانە "بالالاردى دەنساۋلىعىنا زيان كەلتىرەتىن اقپاراتتان قورعاۋ تۋرالى" زاڭداردىڭ بۇزىلعانى تۋرالى مالىمدەگەن.

بۇدان بىرنەشە اپتا بۇرىن Sevimli جەكەمەنشىك تەلەارناسى سەكسۋالدىق سيپاتتاعى كورىنىستەرى بار امەريكالىق "كراسوتكا نا ۆسيۋ گولوۆۋ" ءفيلمىن ەفيردەن تاراتقانى ءۇشىن كوپشىلىكتەن كەشىرىم سۇراپ، بىرنەشە قىزمەتكەرىن جۇمىستان بوساتقان. فيلمدەگى كەيىپكەرلەردىڭ سۇيىسكەن ءساتى جانە باس كەيىپكەر ايەلدىڭ توسەك قاتىناسى كورسەتىلەتىن تۇستارى سول قالپىندا ەفيردەن بەرىلگەن.

وسى ءۇشىن الەۋمەتتىك جەلى قولدانۋشىلارى تەلەارنانى سىنعا العان.

"ادەتتە شەتەلدىك فيلمدەردى كورسەتەر الدىندا قىزمەتكەرلەرىمىز وزدەرى قاراپ شىعىپ، ۇلتتىق مەنتاليتەتكە قايشى تۇستارىن كەسىپ الىپ تاستايتىن. فيلم ەفيردەن كورسەتىلگەن جەكسەنبى كۇنى قىزمەتكەرلەرىمىز از بولعاندىقتان ولار فيلمگە مونتاج جاساۋدى ۇمىتىپ كەتكەن", - دەپ حابارلاعان تەلەارنا قىزمەتكەرلەرىنىڭ ءبىرى وزودليك (ازاتتىقتىڭ وزبەك قىزمەتى) راديوسىنا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532