بىراق جازانى جۇزەگە اسىرۋ جۇيەسىندەگىلەر كولونيالاردىڭ جابىلۋىن بيۋدجەت ماسەلەلەرىمەن ەمەس، 31 شىلدەدە قىلمىستىق جانە قىلمىستىق-پروتسەسسۋالدىق زاڭنامالاردى گۋمانيزاتسيالاۋعا باعىتتالعان زاڭنىڭ كۇشىنە ەنۋىمەن بايلانىستىردى.

زاڭعا سايكەس، ەكونوميكالىق جانە جەمقورلىق قىلمىسىن جاساعان بەس مىڭ جازاسىن وتەۋشى شىعىننىڭ 80 پايىزىن وتەپ، جەڭىلدىك الا الادى.

"ولاردى ەشكىم بوساتقالى جاتقان جوق، شىعىن وتەلگەن جاعدايدا، ولار قونىس كولونياسىندا قالا بەرەدى. ءبىز ولاردى باسقا دا قىلمىسكەرلەردەن وقشاۋلايمىز. بىراق ولار بۇرىنعىداي كۇندەلىكتى جۇمىستارىن اتقارا بەرەدى", – دەپ ءتۇسىندىردى قازاقستان باس پروكۋراتۋراسىنىڭ ورىنباسارى مارات احمەتجانوۆ.

قىلمىستىق ساياساتتى گۋمانيزاتسيالاۋ تۋرالى جاڭا زاڭدا قازاقستاندا قوعامعا قاۋىپتىلەردى عانا وقشاۋلاۋ قاجەتتىگى ايتىلعان. ال قالعادارى تۇرمەدە وتىرماي، قوعامعا پايداسىن تيگىزۋى كەرەك، دەپ ەسەپتەيدى باس پروكۋراتۋراداعىلار. مىسالى – قوعامدىق جۇمىستارمەن اينالىسۋىنا بولادى. زاڭ كۇشىنە ەنگەن سوڭ، مۇنداي جۇمىستارعا مىڭداعان ادام تارتىلادى.

Abai.kz