سەيسەنبى, 22 قازان 2019
46 - ءسوز 1892 3 پىكىر 30 شىلدە, 2018 ساعات 17:57

فاتيما عابيتوۆا تۋعان ءۇي قاراۋسىز قالعان

وركەنيەتتىڭ قادىرىن بىلمەيتىن ەل بولىپ كەتىپپىز عوي. كەلەر ۇرپاققا نە كورسەتەمىز بىلمەيمىز. بولاشاعىن ويلايتىن ورازدى ەلدىڭ بالاسى بولساق، تاريحقا جاناشىرلىق تانىتار ەدىك...

زامانىندا قاپال قالا بولاتىن. قاپال قالاسىندا اتاقتى ءبىلال سۇلەيۇلى دۇنيەگە كەلگەن، مىنا ۇيدە فاتيما عابيتوۆا تۋعان، تۇرعان ەدى. بيىل ءبىلالدىڭ مەرەيتويى، ەشكىم ۇندەمەدى. ارحيۆتەن ءبىلال سۇلەيۇلى مەن فاتيما قاتىستى مول قازىناسىن تاۋىپ وتىرمىن، بىراق ولاردى الۋعا ەش قاراجات تاپپادىم. قالتالى ازاماتتارعا ءوتىنىش ايتىپ ەدىم، ول دا بولمادى. بويىمىزدا تالاپ، قابىلەت بولعانىمەن، قالتامىز تەسىك. قايتەيىك... وزىڭدە جوق بولسا، اكەڭ دە جات دەگەن وسى.

مىنا 1 سۋرەتتەگى ءۇي بىرنەشە جىل بۇرىن فاتيما انامىزدىڭ مۋزەي بولعان، بۇگىنگى ءحالى ەكىنشى سۋرەتتەگىدەي.... وسى ءۇيدى ساقتاسا، مۋزەي قىلىپ، وعان جەتىسۋ تۇلعالارىنا قاتىستى ارحيۆ مۇرالارىن جيناستىرساق دەپ ەدىك... عالىمى، جازۋشىسىمەن بايلانىسقا تۇسپەيتىن جەرگىلىكتى بيلىك وكىلدەرىنىڭ "قىزمەتى" كوڭىل قۋانتپاي تۇر.

"رۋحاني جاڭعىرۋ" اياسىندا نە ىستەيىك؟ قايتپەك كەرەك!

ەلدوس توقتارباي

Abai.kz

3 پىكىر