قازىرگى قوعام اراسىندا كۇردەلى قۇبىلىستار وتۋدە. بيلىك پەن حالىق اراسىندا كوپتەگەن تۇسىنبەستىك تۋىنداپ وتىر. مۇنىڭ ءمانىسى نەدە؟ كوپ ادامدار، ءبىر عانا سەبەپتى، جۇمىسسىزدىقتى ايتادى. ەگەر ءسىز دە سولاي ويلايتىن بولساڭىز مۇلدە قاتەلەسەسىز. ۇرلىق ىستەپ، ادام ءولتىرۋ، بۇلدىرشىندەردى زورلاۋ سەكىلدى قىلمىستىڭ ءبارى اشتىقتىڭ كەسىرىنەن بولىپ جاتقان جوق!

ءبىزدىڭ قوعام جاڭارعان قوعام، سونى ادامدار دۇرىس قابىلداي الماي وتىر. ونىڭ سەبەبى، ادامدار وزدەرىنە قىزمەت ەتۋ كەرەك. سۇيىكتى ىسىمەن اينالىسۋ قاجەت، سول جولدا ءوزىنىڭ بار كۇشىن سارپ ەتەتىن بولسا جەڭىس سول ادامدىكى بولماق.

بۇل جەردە، سانانىڭ ءوسۋ جولى ەرەكشە ورىن الادى. قازىر جۇمىس جوق دەپ قاراپ ءجۇرىپ، تەرىس جولعا كەتۋگە ۋاقىت جوق. سەبەبى، جىلدان-جىلعا وزگەرىستەر تولاستاپ اعىلىپ كەلەدى. ءبىزدىڭ قازاقتا مىناداي ءسوز بار: "اشىققاندان قۇنىققان جامان".

بۇگىنگى  كۇندە اشتىق جوق، ادامدار ءوز ءومىرىنىڭ ءمانىن تابا الماي ءجۇر. سەبەبى، بەيبىت زاماندا بايلار مەن كەدەيلەر قاتار ءومىر سۇرگەن ۋاقىتتا، اشتىق بولۋى مۇمكىن ەمەس جاعداي. ەندى وسىنداي سانا ارقىلى كەلەڭسىز وقيعالاردىڭ ورىن الۋىنا باسشىلىققا كىنا ارتۋدىڭ ەش قاجەتى جوق. ءاربىر ادام ءوز ىسىنە جاۋاپ بەرۋى ءتيىس.

قاراقشىلاردان سونداي قاتتى قورىقسا كۇزەتشىلەردى وزدەرى سايلاپ السىن. ىشكى ىستەر ءمينيسترى قالمۇحانبەت قاسىموۆ مىرزاعا كىنا ارتۋ ەشبىر قيسىنعا سايكەس كەلمەيدى. بىلىكتى مامان، تاجىريبەسى مول باسشى رەتىندە بىلەمىز. ول كىسى تەك ءباسپاسوز بايانداماسىن وتكىزىپ، ءىستى قاتاڭ قاداعالاۋعا ءسوز بەرە وتىرىپ، جۇمىس جاساسا حالىق مۇنشا شۇيلىكپەس دەپ ويلايمىن.

مەنينگيت جايىندا حالىق اراسىندا ۇلكەن داۋ تۋىنداعاندا دەنساۋلىق ساقتاۋ ءمينيسترى ەلجان ءبىرتانوۆ مىرزا سولاي ءباسپاسوز بايانداماسىن جاساپ، اۋرۋحانانى ارالاپ ءوزى تەكسەرىپ شىققان بولاتىن. وسى كىسىدەن ۇلگى الۋ كەرەكپىز. دەنيس تەنگە جاسالعان وتانىڭ دا باسى قاسىندا بولعان. مەن ءوز باسىم، كوبىنە باسشى اق حالاتتى جاندارعا ريزامىن. ولار باسشىمىز دەپ وتىرماي اۋرۋلارمەن تىكەلەي جۇمىس جاسايدى.

استانا قالاسى ونكولوگيا ورتالعىنىڭ باسىشىسى مۇحتار ەسەنجانۇلى مىرزادان سۇحبات الۋعا بارعانىمدا، اۋرۋلاردىڭ شۇعىل كەلگەنىن ەسكەرتىپ، ماعان كۇتە تۇرۋىمدى ءوتىندى. ارينە، ونداي كەزدە تۇسىنىسىتىك تانىتامىز. باسشىنىڭ وسى جاساپ وتىرعان ىسىنە ريزا بولدىم.

بىلىكتى ىسكەر كىسىلەردەن ۇلگى الىپ وتىرۋىمىز كەرەك. سونداي باسشىلاردىڭ ءبىرى اقاپارات جانە كوممۋنيكاتسيا ءمينيسترى داۋرەن اباەۆ مىرزانى دا قوسا الامىز. سۇراققا  دۇرىس ءارى ناقتى جاۋاپ بەرىپ وتىرادى. ياعني، ءىستىڭ جاعدايىنا قاراي جاسايدى. ءبىزدىڭ حالىقتىڭ كەمشىلىگى تەك ءبىر جاقتى قارايدى. سوندىقتان سانانى جاڭعىرتۋدا حالىقپەن كوپ جۇمىس جاسالۋ قاجەت.

تاعى ءبىر ەسكەرتە كەتەتىن جايت، قىز بالاسىنىڭ جۇمىس باستى بولا بەرۋى بالا تاربيەسىنە كەرى اسەر ەتەدى. بولاشاقتى ويلاساق وسى ماسەلەلرگە باسا نازار اۋدارۋ كەرەكپىز!

جادىرا مۇساباي

Abai.kz