رەسەي فەدەراتسياسىنىڭ زىمىراندارىن قۇلاتۋ ءۇشىن قازاقستان اۋماعىنان تاعى دا جەر بەرىلۋى مۇمكىن. بۇل تۋرالى ru.sputniknews.kz سايتى ريا نوۆوستي باسىلىمىنا سىلتەمە جاساپ حابارلادى.

ەكى مەملەكەت الداعى ۋاقىتتا جاڭا زىمىران ايماعى تۋرالى كەلىسىم جاسادى. ول ايماق قوستاناي وبلىسى جانگەلدين اۋدانىندا بولۋى مۇمكىن ەكەنى بولجانىپ وتىر.

قازاقستان مەن رەسەي بىرلەسىپ، اۋەلى بايقوڭىر عارىش ايلاعىنان باستاپ، راكەتالاردىڭ قۇلاۋ اۋداندارىن انىقتايدى. سونىڭ نەگىزىندە كەلىسىمدەر جاسالادى.

بۇل جەردە نەگىزگى اڭگىمە OneWeb سپۋتنيكتەرىمەن بىرگە ۇشىرىلاتىن  «سويۋز» زىمىرانى تۋرالى بولىپ وتىر. رەسەي باق وكىلدەرىنىڭ جازۋىنشا، بۇل زىمىران جاڭا تراەكتوريا بويىنشا قوستاناي وبلىسى، جانگەلدين اۋدانىنا قۇلاتىلۋى (باسقا اۋداندار دا تاڭدالۋى) مۇمكىن.

بۇل ماسەلە بويىنشا بۇعان دەيىن رەسەيلىك جانە قازاقستاندىق تاراپتار اراسىنداعى كەلىسپەۋشىلىكتەر بولعانىن بىرقاتار باسىلىمدار حابارلاعان ەدى.

قازاقستان تاراپى ءوز كەزەگىندە روسكوسموس پەن OneWeb اراسىنداعى كەلىسىمشارتقا قاۋىپ توندىرەتىن جاڭا اۋداندى قامتاماسىز ەتپەيتىنىن اتاپ ءوتتى.

الايدا، كەيىنىرەك «ريا نوۆوستي» روسكوسموستىڭ ءباسپاسوز قىزمەتىنە تۇسىنىكتەمە بەردى. وعان سايكەس، قازاقستان قورعانىس مينيسترلىگىنىڭ اەروعارىش كوميتەتى OneWeb-پەن كەلىسىم-شارت ۇكىمەتارالىق كەلىسىم جاسالعاننان كەيىن ورىندالاتىنىن ايتقان.

ەستەرىڭىزگە سالا كەتەيىك، وتكەن جازدا جەزقازعان ماڭىندا رەسەيلىك

«سويۋز-2.1 ا» زىمىرانى قۇلاپ، ءورت شىققان بولاتىن. سونىڭ سالدارىنان زىمىران بولىكتەرىن جيناۋمەن اينالىساتىن ەكى جۇمىسشى قايتىس بولعان ەدى.

نۇربيكە بەكسۇلتانقىزى

Abai.kz