جۇما, 29 ناۋرىز 2024
46 - ءسوز 4251 1 پىكىر 12 تامىز, 2018 ساعات 21:51

ءبىزدىڭ حالىق نەگە از ءومىر سۇرەدى؟

ءبىزدىڭ حالقىمىزدىڭ ءومىرىنىڭ ۇزاقتىعى 60-تىڭ ماڭايىندا، ال كوپتەگەن وركەنيەتتى ەلدەردە 80-نەن اسادى!

سەبەبى نەدە دەپ ويلايسىزدار؟

(بىزدە مەديتسينا ناشار، الەۋمەتتىك جاعداي جامان دەگەن كوممەنتەردى جازباي-اق قويىڭىزدار). تابيعات اياسىنان ءبىزدىڭ قارا كوزدەردى، تاڭەرتەن ەرتە تۇرىپ جۇگىرىپ جۇرگەن قارا كوزدەردى كورە المايسىز! سونىڭ سالدارى ەمەس پە؟

سوناۋ ىقىلىم زاماننان بەرى، ادام بالاسى ۇزاق ءومىر ءسۇرۋدىڭ جولىن قاراستىرۋدا. كەزىندە وسى قاعيدانىڭ نەگىزى بولعان اريستوتەلدىڭ ىلىمىنە سۇيەنسەك: «جاندى دەنە قوزعالماسا ولەدى» دەگەن تۇجىرىمداماسى سول داۋىردەن بەرى ادامزاتتىڭ ۇزاق جاساۋىنىڭ، ياعني، سالاۋاتتى ءومىر ءسۇرۋدىڭ نەگىزگى ءىلىمى بولىپ تابىلادى

حالىقارالىق دەنساۋلىق ساقتاۋ ۇيىمىنىڭ ەسەبى بويىنشا ادام دەنساۋلىعىنىڭ 10% — دارىگەرلىك كومەكتەن، 15% — تۇقىم قۋالاۋشىلىقتان، 25% — قورشاعان ورتادان، ال 50% — ادامنىڭ وزىنە، ءومىر ءسۇرۋ قالپىنا بايلانىستى ەكەن

دەنساۋلىقتى ساقتاپ، ۇزاق ءومىر ءسۇرۋدىڭ ءبىر-اق جولى بار. ول — سالاۋاتتى ءومىر ءسۇرۋ سالتى. ومىرلىك كۇش — قوزعالىستا. ءورشىپ اققان تاۋ وزەنىن مىسالعا الايىق. سۋ مۇراتى - جەتۋ. اعىن سۋ­دىڭ ارامى جوق. سونىڭ ءبارى - ۇزدىكسىز قيمىل-قوزعالىستىڭ ارقاسى. اقپاعان سۋ بورسىپ، ساسيدى.

سوندىقتان ادام بالاسى ۇنەمى قوزعالىستا بولۋ كەرەك . تابيعات اياسىنا ساياحاتقا شىققان ادام بالاسىنا كۇندەلىكتى كۇيبەڭ تىرشىلىكتى ۇمىتتىرادى، جۇيكەسى قالىپقا كەلەدى

سالاۋاتتى ءومىر سۇرۋگە بىزگە ەشكىم كەدەرگى جاساپ جاتقان جوق! مەنىڭ 100-دەن اسا تانىسىم بار جاقىن تانيتىن. سونىڭ ارى كەتسە 5% cالاۋاتتى ءومىر سۇرەدى، قالعانى ءوز ءومىرىن، ءوز دەنساۋلىعىن قۇرتىپ جاتقان ادامدار: تەمەكى شەگەدى، اراق-شاراپ ىشەدى، ارتىق تاماق جەيدى، كوپ جاتادى، ارتىق سالماعى بار، تابيعات اياسىندا ساياحاتتاۋ، سپورتپەن اينالىسۋ ميلارىنا دا كىرمەيدى!

كىنانى سىرتتان ىزدەيدى دە، جاسى ۇلعايعان سوڭ اۋرۋ سىراۋدى جاماپ الىپ، ءومىرىنىڭ ساپاسى ساپا ەمەس، قاپا بولاتىنىن ويلاعىسى دا كەلمەيدى! ەشقانداي قاراجات تالاپ ەتپەي-اق دۇرىس تا، سالاۋاتتى ءومىر سالتىن كەز-كەلگەن ادام قالىپتاستىرا الادى! تاڭەرتەڭ ەرتە تۇرىپ دەنە شىنىقتىرۋمەن اينالىسۋدىڭ، زياندى تاماق پەن سۋسىن ىشپەۋدىڭ ەش قيىندىعى جوق!

بويعا بىتكەن جالقاۋلىق سورلىلىق، سودان قۇتىلۋ كەرەك!
جاستارعا ايتاتىنىم: جاستارىڭ ۇلعايعاندا ساپالى ءومىر سۇرگىلەرىڭ كەلسە، سالاۋاتتى ءومىر ءسۇرۋدى قازىرگە كەزدەن قولعا الىڭدار!

احمەتبەك نۇرسيلانىڭ Facebook-تەگى پاراقشاسىنان

Abai.kz

 

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2278
عيبىرات

قايسار رۋحتى عازيز جان

مۇحتار قۇل-مۇحاممەد 3596