قالالىق سوت اقپاراتىنا قاراعاندا، تەرگەۋ كوميتەتىنەن داميربەك اسىلبەكۋلىن قاماۋدا ۇستاۋ مەرزىمىن 2018 جىلدىڭ 15 قازانىنا دەيىن ۇزارتۋ تۋرالى ءوتىنىش تۇسكەن. سوت تەرگەۋشىلەردىڭ ءوتىنىشىن قاناعاتتاندىرۋ تۋرالى قاۋلىسىن 9 تامىزدا شىعارعان.

2018 جىلى 15-16 اقپان كۇندەرى سول كەزدەگى وڭتۇستىك قازاقستان وبلىسى مەن جامبىل وبلىسىندا وتكەن ارنايى وپەراتسيا بارىسىندا 35 ادام ۇستالعان. ولاردىڭ اراسىندا كەدەن ورگاندارى، شەكارا قىزمەتىنىڭ لاۋازىمدى تۇلعالارى، بروكەرلەر بولعان. ۇستالعانداردىڭ ۇشەۋى – قىرعىزستان ازاماتى.

الماتى قالاسىنىڭ المالى اۋداندىق سوتى 17 اقپاندا قىرعىزستان ازاماتتارىن ەكى ايعا قاماۋ تۋرالى سوت شەشىمىن شىعارعان. تەرگەۋ ۇستالعانداردى “شەكارادان كونتراباندالىق تاۋار وتكىزبەك بولدى" جانە “ترانسۇلتتىق ۇيىمداسقان توپقا قاتىستى” دەپ كۇدىكتەنەدى.

16 ساۋىردە قىرعىزستاننىڭ ورتالىق سايلاۋ كوميسسياسى “وزگە ەل ازاماتتىعىن العان بولۋى مۇمكىن” دەگەن سەبەپپەن اسىلبەكۇلىن دەپۋتاتتىق مانداتتان ايىرعان.

Abai.kz