جۇما, 29 ناۋرىز 2024
7991 2 پىكىر 16 تامىز, 2018 ساعات 16:46

«حابار» تەلەارناسىندا «توپجارعان» مۋزىكالىق بايقاۋى باستالدى

23 قىركۇيەكتەن باستاپ «حابار» تەلەارناسىندا «توپجارعان» مۋزىكالىق بايقاۋى ەفيرگە شىعادى. اتالمىش شوۋ بۇعان دەيىن اقش («The Four: Battle for Stardom»), رەسەي («ۋسپەح») جانە وزگە مەملەكەتتەردە كورەرمەن تاراپىنان جاقسى قابىلداندى.  جوبانى يزرايلدىك Armoza Formats كومپانياسى جاساعان.

«توپجارعان» - بۇل جۇلدىز بولۋعا لايىقتى ءتورت قاتىسۋشى بىردەن انىقتالاتىن جالعىز مۋزىكالىق شوۋ،  ياعني، بايقاۋدىڭ  فيناليستەرى العاشقى كەزەڭدە بەلگىلى بولادى. الايدا بۇدان جوبانىڭ قىزىعى ازايمايدى، كەرىسىنشە فيناليستەر ءار شىعارىلىم سايىن جاڭادان كەلگەندەردىڭ الدىندا ءوزىنىڭ جوباعا لايىق ەكەنىن دالەلدەۋى كەرەك.

ەرەجە بويىنشا شوۋعا كەلگەن جاڭا قاتىسۋشىلار فيناليستەردى جەكپە-جەككە شاقىرىپ، مۋزىكا الاڭىندا كۇرەسۋگە قۇقى بار. ال  جاڭا قاتىسۋشىلاردىڭ اراسىنان كىمنىڭ تالابى جوعارى ەكەنىن قازىلار شەشەدى. مۋزىكالىق سايىستان سوڭ زالداعى كورەرمەندەر داۋىس بەرىپ، انشىلەردىڭ تاعدىرى شەشىلەدى.

«قازاقستاندا وزگە مۋزىكالىق جوبالارعا ۇقسامايتىن جاڭا شوۋدىڭ پايدا بولعانىن قۋانىشپەن حابارلايمىز. ءبىزدىڭ اۋديتوريامىز قاشاندا جاڭا تالانتتاردىڭ باعىن اشاتىن باعدارلامالاردى قىزىعۋشىلىقپەن تاماشالايدى، سوندىقتان بۇل جوبانى دا لايىقتى باعالايدى جانە وسى بايقاۋ ارقىلى جاڭا جۇلدىزدار جانادى دەگەن  ۇمىتتەمىز»، - دەيدى «حابار» اگەنتتىگىنىڭ باسقارما توراعاسى الان اجىباەۆ.

جوبانىڭ قازىلار القاسىنىڭ قۇرامىندا قازاقستاننىڭ حالىق ءارتىسى روزا رىمباەۆا، كومپوزيتور ءارى پروديۋسەر رينات گايسين، جاس رەپپەر Baller بار.

شوۋدى ءانشى كامشات جولدىباەۆا جۇرگىزەدى.

;feature=youtu.be

بايقاۋعا قاتىسۋ ءۇشىن www.khabar.kz. سايتىندا وتىنىمدەر قابىلدانۋدا.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565