قاراعاندىدا «نۇر وتان» پارتياسى باستاۋىش پارتيا ۇيىمدارىنىڭ بىرىنشى ايماقتىق فورۋمىن وتكىزدى.

«نۇر وتان» پارتياسىن جاڭعىرتۋ شەڭبەرىندە قاراعاندىدا 2018 جىلدىڭ 27 تامىزىندا پارتيا حاتشىسى تامارا قاسىموۆنا دۇيسەنوۆانىڭ قاتىسۋىمەن باستاۋىش پارتيا ۇيىمدارىنىڭ ءبىرىنشى ايماقتىق فورۋمى ءوتتى.

قاراعاندىدا ايماقتى فورۋمدا ءىرى باستاۋىش پارتيا ۇيىمدارىنىڭ توراعالارى مەن استانا، الماتى قالالارىنىڭ، قوستاناي جانە قاراعاندى وبلىستارىنداعى اۋماقتىق فيليالدار توراعالارىنىڭ ءبىرىنشى ورىنباسارلارى، جالپى 250-گە جۋىق پارتيالىق قاتىستى.

فورۋم جۇمىسى 4 سەكتسيا بويىنشا ءجۇردى. ءبىرىنشى سەكتسيادا پارتيا حاتشىسى تامارا قاسىموۆنا دۇيسەنوۆانىڭ قاتىسۋىمەن باستاۋىش پارتيا ۇيىمدارىن بەلسەندى ەتۋ تۇجىرىمداماسى تالقىلاندى. قاتىسۋشىلارعا پارتيانىڭ بارلىق قىزمەتىن تسيفرلاندىرۋعا، پارتيا مۇشەلەرىنىڭ بىرىڭعاي بازاسىن قۇرىپ، قۇجات اينالىمىن ازايتۋعا جانە پارتيا قىزمەتىنىڭ تيىمدىلىگىن ارتتىرۋعا باعىتتالعان «ساندىق پارتيا» جوباسىمەن تانىستىرىلدى. ەكىنشى سەكتسيادا قاتىسۋشىلار پارتيانىڭ پارتيالىق ءبىلىم بەرۋ جۇيەسىن، بپۇ مەن پارتيا مۇشەلەرى قىزمەتىن بەلسەندى ەتۋ تۇجىرىمداماسىن تالدادى. ءۇشىنشى پارتيانىڭ يدەولوگيالىق جوبالارى، تسيفرلاندىرۋعا، حالىقتىڭ ساندىق ساۋاتىن ارتتىرۋعا، ءۇش تىلدىلىككە كوشۋ، بيزنەستىڭ گەواقپاراتتىق ونلاين-سەرۆيسى، كىشى جانە ورتا بيزنەستى دامىتۋ، مەملەكەتتىك جاستار ساياساتى، «رۋحاني جاڭعىرۋ»، ت.ب. باعدارلامالاردى قولداۋ جانە جۇزەگە اسىرۋعا باعىتتالعان پارتيالىق 22  جاڭا جوبانى جۇزەگە اسىرۋ بويىنشا جۇمىس فورمالارى مەن ادىستەردى تالقىلاندى.  

«جاڭا جوبالار – بىركۇندىك اكتسيا نەمەسە كەڭسەلىك شارالار ەمەس، پارتيا مۇشەلەرىنىڭ ەڭبەگى، ناتيجەسىندە قازاقستاندىقتاردىڭ ءومىرى مەن تۇرمىسى جاقسارۋى ءتيىس»، - دەپ اتاپ ءوتتى تامارا دۇيسەنوۆا.  

ءتورتىنشى سەكتسيا جۇمىسى ادامي رەسۋرستاردى باسقارۋ مەن پارتيانىڭ كادرلىق رەزەرۆىن قالىپتاستىرۋ  ماسەلەسىنە، باستاۋىش پارتيا ۇيىمدارى مەن پارتيا مۇشەلەرىنىڭ دەرەكتەر بازاسىن بەلسەندى ەتۋ، باستاۋىش پارتيا ۇيىمدارىن ىنتالاندىرۋ مەن جەتىلدىرۋ  ءۇشىن باعالاۋ جۇيەسىن ەنگىزۋگە ارنالدى. بپۇ بەلسەندى ەتۋدىڭ نەگىزگى پرنتسيپتەرى كەشەندىلىك، ناقتىلىق، اشىقتىق بولىپ تابىلادى.

ايماقتىق فورۋمنىڭ قاتىسۋشىلارى ءۇشىن «نۇر وتان» پارتياسىنىڭ  ورتالىق اپپاراتىنىڭ قۇرىلىمدىق بولىنىستەرىنىڭ جەتەكشىلەرى، پارتيانىڭ ساياسي مەنەدجمەنت اكادەمياسىنىڭ وقىتۋشىلارى، تانىمال ترەنەرلەر مەن ساياساتكەرلەر ءارتۇرلى باستاۋىش پارتيا ۇيىمدارىنىڭ وكىلدەرىنە «شەشەندىك ونەر»، «ساياسي كوممۋنيكاتسيا» جانە ت.ب. تاقىرىپتار بويىنشا ترەنينگتەر وتكىزىلدى.  

انىقتاما ءۇشىن: 2018 جىلدىڭ 1 شىلدەسى بويىنشا ەلىمىزدە 1 ميلليوننان اسا مۇشەسى بار 5839 باستاۋىش پارتيا ۇيىمى جۇمىس ىستەيدى (بپۇ). پارتيا قۇرىلىمىن جەتىلدىرۋ ماقساتىندا كىشىرەك ۇيىمداردى ىرىلەندىرۋ ارقىلى باستاۋىش پارتيا ۇيىمدارى جۇيەسىن وڭتايلاندىرۋ پروتسەسى ءجۇرىپ جاتىر. بۇگىنگى تاڭدا باستاۋىش پارتيا ۇيىمدارىنىڭ جالپى كولەمىنىڭ 51,3% (3001 بىرلىك) 3-تەن 100-گە دەيىنگى مۇشەسى بار، 41,6% (2432 بىرلىك) 100-دەن 500-گە دەيىن مۇشەسى بار باستاۋىش پارتيا ۇيىمدارى قۇرايدى.

باستاۋىش پارتيا ۇيىمدارى جۇمىسىن ۇيىمداستىرۋدا ماڭىزدى رول بپۇ توراعاسىنا بەرىلەدى. تۇراقتى تۇردە بپۇ توراعالارىن، پارتيا مۇشەلەرىن ءارتۇرلى پارتيالىق وقۋ ادىستەرمەن (ونلاين-وقۋ، سەمينار-ترەنينگتەر، سونداي اق جيناقى) وقىتىلادى. 2017 جانە 2018 جىلدارى 4 مىڭعا جۋىق بپۇ توراعاسى ءبىلىم جەتىلدىردى.

Abai.kz