بىلتىر ەرتە كوكتەمدە قىزىلاعاشتاعى قايعىلى وقيعادان كەيىن ىلە-شالا شىعىستىڭ شىرقىن بۇزعان سۋ تاسقىنى ەلدىڭ ەسىن العان ەدى. اقسۋات «ارالعا» اينالىپ، سول ماڭداعى اۋىلداردىڭ ادامدارى جان ساۋعالاي قاشىپ، مال-مۇلىك پەن ءۇي-جاي، قورا-قوپسى قىزىل سۋدىڭ استىندا قالعان بولاتىن. سول تۇستا العاشقى سۋ تاسقىنى تۋرالى دابىل قاققان اباي.كز اقپاراتتىق پورتالى جاريا ەتكەن رەسمي دەرەكتەر بويىنشا، 6 ەلدى مەكەندى سۋ العان. تاسقىن سالدارىنان 650 ءۇي، 748 قورا-جاي، 50 مال قىستاعى سۋ استىندا قالىپ، 423 تۇرعىن ءۇي، 465 قورا-جاي، 24 مال قىستاعى ءبۇلىنىپ، قۇلاعان. سۋ تاسقىنى سالدارىنان 1800 ءىرى قارا، 9200 قوي مەن ەشكى، 513 جىلقى ولگەن.

تارباعاتاي تاۋىنىڭ ەتەگىن مەكەندەگەن ەلدىڭ  اق قار كوك مۇزدا باسىنا تۇسكەن اۋىر كۇندەردى بار قازاق ءبىر اتانىڭ بالاسىنداي تەڭ سەزىندى. قارىنداس باۋىرعا قولىنان كەلگەنشە كومەك قىلدى. جەرگىلىكتى بيلىك  تە قول استىنداعى حالقىنىڭ سۋدان زارداپ شەككەن ازاماتتارىن جەدەلدەتىپ قۇتقارىپ، سۋ قايتقان سوڭ ەلدى-مەكەندەردى قايتا قالپىنا كەلتىرۋگە ۇمتىلىپ، سۋ شايعان اۋىلدى قايتادان سالىپ شىقتى.

ال، جۇرت بولىپ جۇمىلعان ەل جيعان، تەرگەنىنىن قىزىل سۋدىڭ قورشاۋىندا قالعان اۋىلدارعا جونەلتىپ وتىردى. شىعىستا تاۋدىڭ قۋىسىندا، قۇدايدىڭ ۋىسىندا جاتقان ءار جان جاردەمىنەن تىس قالمادى.

بىلتىر ەرتە كوكتەمدە قىزىلاعاشتاعى قايعىلى وقيعادان كەيىن ىلە-شالا شىعىستىڭ شىرقىن بۇزعان سۋ تاسقىنى ەلدىڭ ەسىن العان ەدى. اقسۋات «ارالعا» اينالىپ، سول ماڭداعى اۋىلداردىڭ ادامدارى جان ساۋعالاي قاشىپ، مال-مۇلىك پەن ءۇي-جاي، قورا-قوپسى قىزىل سۋدىڭ استىندا قالعان بولاتىن. سول تۇستا العاشقى سۋ تاسقىنى تۋرالى دابىل قاققان اباي.كز اقپاراتتىق پورتالى جاريا ەتكەن رەسمي دەرەكتەر بويىنشا، 6 ەلدى مەكەندى سۋ العان. تاسقىن سالدارىنان 650 ءۇي، 748 قورا-جاي، 50 مال قىستاعى سۋ استىندا قالىپ، 423 تۇرعىن ءۇي، 465 قورا-جاي، 24 مال قىستاعى ءبۇلىنىپ، قۇلاعان. سۋ تاسقىنى سالدارىنان 1800 ءىرى قارا، 9200 قوي مەن ەشكى، 513 جىلقى ولگەن.

تارباعاتاي تاۋىنىڭ ەتەگىن مەكەندەگەن ەلدىڭ  اق قار كوك مۇزدا باسىنا تۇسكەن اۋىر كۇندەردى بار قازاق ءبىر اتانىڭ بالاسىنداي تەڭ سەزىندى. قارىنداس باۋىرعا قولىنان كەلگەنشە كومەك قىلدى. جەرگىلىكتى بيلىك  تە قول استىنداعى حالقىنىڭ سۋدان زارداپ شەككەن ازاماتتارىن جەدەلدەتىپ قۇتقارىپ، سۋ قايتقان سوڭ ەلدى-مەكەندەردى قايتا قالپىنا كەلتىرۋگە ۇمتىلىپ، سۋ شايعان اۋىلدى قايتادان سالىپ شىقتى.

ال، جۇرت بولىپ جۇمىلعان ەل جيعان، تەرگەنىنىن قىزىل سۋدىڭ قورشاۋىندا قالعان اۋىلدارعا جونەلتىپ وتىردى. شىعىستا تاۋدىڭ قۋىسىندا، قۇدايدىڭ ۋىسىندا جاتقان ءار جان جاردەمىنەن تىس قالمادى.

سول كەزدەگى مادەني ساياسات جانە ونەرتانۋ ينستيتۋتىنىڭ ديرەكتورى ەرلان سايروۆ جانە باسقا دا ەل ازاماتتارىنىڭ ۇيلەستىرۋىمەن «شىعىسقا كومەك» اكتسياسى جاسالىپ، ءتىلسىز جاۋدىڭ قۇرساۋىندا قالعان اۋىلدارعا اۋقىمدى جاردەم جاسالعانى جۇرتتىڭ جادىندا بولسا كەرەك.

كۇن جىلىنىپ، سۋ  قايتىپ جەر اياعى كەڭىگەن كەزدە اۋىلداردى قالپىنا كەلتىرۋ مەن مۇلدەم سۋ شايىپ كەتكەن ەلدى مەكەندەردى قايتا سالۋ جۇمىسى باستالعان ەدى.

ءسويتىپ، كوكتەمگى تاسقىنان ەڭ كوپ زارداپ تارتقان كوكجىرا اۋىلىندا ءۇش ايدىڭ ىشىندە  210 ءۇي مەن 600 بالاعا ارنالعان مەكتەپ، امبۋلاتوريا جانە  باسقا دا الەۋمەتتىك سالا نىساندارى سالىندى. وسى زامانعى بارلىق دارىگەرلىك جابدىقتار ورناتىلعان امبۋلاتوريادا تەراپيا، پەدياتريا، اكۋشەرلىك بولىمدەرى، كۇندىزگى ستاتسيونارى، زەرتحاناسى، ءتىپتى ءتىس ەمدەۋ كابينەتىنە دەيىن بار. جاڭا امبۋلاتوريا اۋىلدىق وكرۋگكە قاراستى ەلدى مەكەندەردە تۇراتىن ءۇش مىڭعا جۋىق ادامنىڭ دەنساۋلىعىن تەكسەرتىپ، ەم-دوم الاتىن ورنىنا اينالىپتى.

- مەن وسى اۋىلدا، وسى سالادا وتىز بەس جىل ەڭبەك ەتىپ كەلەمىن. بارلىق  جاعدايدىڭ جاسالعانىنا قۋانىشتىمىز. مۇنداي بولادى دەپ ەشكىم كۇتپەگەن ەدى. سوندىقتان، ەلباسىنان باستاپ، وبلىس اكىمىنە، باسقا  باسشىلارعا دەگەن العىسىمىز شەكسىز، - دەيدى امبۋلاتوريا مەڭگەرۋشىسى ءجامىش بيعازينا.

ال جاڭا ۇيلەردىڭ بارلىعىنا تەرەڭنەن سۋ تارتاتىن قۇدىق ورناتىلىپ، ورتالىق كوشە اسفالتتالىپتى. ءار ءۇيدىڭ جەر اۋماعى اتشاپتىرىم دەسە دە بولعانداي - 20 سوتىقتان.

بىلتىر شىعىس قازاقستان وبلىسى بويىنشا 1154 ءۇي زارداپ شەكسە، سونىڭ ىشىندە تولىق 615-ءى جارامسىز بولىپ قالعان ەدى، ءۇش-ءتورت ايدىڭ ىشىندە ءتورت مەكتەپ، 12 كوپىر، 68 شاقىرىم جول سالىندى. سونداي-اق، وسى اۋىلدارداعى مالى قىرىلعان ادامدارعا ەكى پايىزدىق وسىممەن بەس جىلعا 350 ميلليون تەڭگەنىڭ نەسيەسى بوساتىلدى. كوپ بالالى، تۇرمىسى تومەن وتباسىلارىنا دۇنيە-مۇلىكتەن دە كومەك جاسالىپ، جوعارى وقۋ ورىندارىنداعى بالالارى اقىلى وقۋدىڭ تولەمدەرىنەن بوساتىلدى.

مىنە، قالىڭ ەلدىڭ كومەگىنىڭ ارقاسىندا ءھام جايباسارلىققا سالىنباي قاراماعىنداعى حالىقتىڭ جايىن ويلاعان  وبلىستىق اكىمدىك ءتيىستى جۇمىستارىن اتقاردى. ءازىر تارباعاتاي تاۋىن بوكتەرلەپ اتا قونىسىنداعى وتىرعان جۇرت جايى ەل قاتارلى، ەل ءىشى تىنىش.

«اباي-اقپارات»