دۇيسەنبى, 25 ناۋرىز 2019
دەپ جاتىر 4292 19 پىكىر 17 قىركۇيەك, 2018 ساعات 10:04

جەلتوقسانشى. "قاجىگەلديندى ەلگە قايتارۋ كەرەك"

“اۋرۋىن جاسىرعاندى ءولىم اشكەرە  ەتەدى” دەگەن  بار. قازىرگى قازاقستانداعى  جاعداي  مەملەكەتىمىزگە، ونىڭ ىشىندە  مەملەكەت  قۇرۋشى، ياعني وسى  ەل مەن جەردىڭ تىكەلەي يەسى - قازاق  ۇلتىنىڭ  جويىلىپ  كەتۋ جاعدايىندا  تۇرعانى انىق.  بۇگىنگى  ەلىمىزدى  جۇقپالى ىندەتتەي جايلاعان تارتىپسىزدىك، جەڭ ۇشىنان جالعاسقان جەمقورلىق، ىندىنى مەن ارانى اشىلعان تويىمسىز شەن-شەكپەندىلەر قازاقتىڭ  ۇلانعايىر جەرىنىڭ استىنداعى بار بايلىعىن تۇگەل ساتىپ، شەتكە اسىرىپ تاۋىستى.  

ەندى  جەرى مەن ونىڭ  بەتىندە  تۇك  قالدىرماي  ساتۋدا. ۇلتتىق  قۇندىلىق اتاۋلىنى  قۇردىمعا  كەتىرىپ، قازاق   حالقىن  مۇنشا  جەردىڭ  يەسى  بولۋعا جارامسىز  ۇلت ەتىپ كورسەتۋدى  ماقسات  ەتكەن  استىرتىن  جىمىسقى  ۇيىم جۇمىس  ىستەۋدە. مەملەكەت  باسىنداعى  اعالارىمىز ەلدىڭ  ەرتەڭىن  ەمەس، وزدەرىنىڭ قۇلقىنىن عانا ويلاپ  وتىر. مەملەكەتىمىزدىڭ  قاۋىپسىزدىگىن  جان-جاعىمىزداعى  ەكى  ۇلكەن  يمپەريانىڭ  اگەنتىنىڭ  قولىنا  ۇستاتىپ، قۇلدىققا اپارار  جولعا  تۇسىرگەنىن، زار عىپ  ايتىپ  جاتسا دا، قۇلاق قويار ەشكىم جوق. سەبەبى، بيلىك  قازاق  ۇلتىمەن  ساناسۋدى قويدى. بۇل ۇلتتى  كەرەكسىز سانايتىن بولدى.

مەنىڭ  ۇسىنىسىم - قازاق  ۇلتىنىڭ  بارشا  ازاماتتارى ءبىر اۋىزدان  قولداپ، شەت  ەلدە  قۋعىندا  جۇرگەن  عالىم،  ەكونوميست،  بۇرىنعى  پرەمەر-مينيستير، دەموكراتيالىق  ەۋروپانىڭ  بار  وركەنيەتتى  قۇندىلىعىن  بويىنا  سىڭىرگەن، دەموكرات،  شىنشىل  ازامات – اكەجان  ماعجانۇلى قاجىگەلديننىڭ ەلگە كەلۋىن  تالاپ  ەتىپ، 5-10 جىل قازاقستانداعى بيلىك ىسىنە ارالاستىرساق، ۇلت  رەتىندەگى ەسەمىزدى تۇگەندەر مە ەدىك؟

سايلاۋ لەپەسوۆ، جەلتوقسانشى

Abai.kz

 

19 پىكىر