قازاقستاندا حالىق سانى 2018 جىلدىڭ 1 تامىزىندا 18 ملن 292,7 مىڭ ادامعا جەتتى. بۇل 2017 جىلدىڭ 1 تامىزىنداعى كورسەتكىشتەن 238,7 مىڭ ادامعا نەمەسە 1,3% ارتىق.

بۇل مالىمەتتى قر ۇەم ستاتيستيكا كوميتەتى تاراتىپ وتىر.

اتاپ ايتقاندا، ەسەپتىك كەزەڭدە قالا تۇرعىندارىنىڭ سانى 10 ملن 544,3 مىڭ ادام نەمەسە 57,6 پروتسەنت، ال اۋىل حالقىنىڭ سانى 7 ملن 748,4 مىڭ ادام نەمەسە 42,4 پروتسەنت. رەسپۋبليكا حالقىنىڭ تابيعي ءوسىمى ەسەپتىك كەزەڭدە 4,4 مىڭ ادامعا (3,1%) ءوسىپ، 150 مىڭ ادامدى قۇراعان.  قاراستىرىلىپ وتىرعان كەزەڭدە 78 مىڭ ادام قايتىس بولعان، بىلتىرعىدان 1% ارتىق. كوشى-قون ورگاندارىنىڭ ۇسىنعان اقپاراتى بويىنشا، 2018 جىلدىڭ قاڭتار-شىلدە ارالىعىندا ەلىمىزگە كەلىپ تىركەلگەندەر سانى 2017 جىلعى كورسەتكىشتەن 24,8% ازايىپ، 7306 ادام بولعان. ەلىمىزدەن كەتىپ جاتقان ميگرانتتار سانى 12,8% ارتىپ، 21 894 ادامدى قۇراعان. نەگىزگى ميگراتسيالىق الماسۋ تمد ەلدەرىمەن ءجۇرىپ جاتىر.

Abai.kz