قازىرگى زامانعى جىلدام وزگەرەتىن الەمدە قازاقستان الدىندا بارلىق تىنىس-تىرشىلىك سالالارىن جەدەلدەتىلگەن جاڭعىرتۋدى جۇرگىزۋگە، حالىقتىڭ ءال-اۋقاتىن ودان ءارى ارتتىرۋعا بايلانىستى بىرقاتار ماڭىزدى مىندەتتەر تۇر. «اۋىل» حالىقتىق-دەموكراتيالىق پاتريوتتىق پارتياسى وسى مىندەتتەردى شەشۋ ءۇشىن بارلىق كۇش-جىگەرىن سالۋعا ءازىر.

ءبىزدىڭ نەگىزگى ماقساتىمىز -  بارلىق قازاقستاندىقتاردىڭ ءومىر ءسۇرۋ دەڭگەيى جوعارى، تاۋەلسىز، مىقتى جانە ءوسىپ-وركەندەگەن قازاقستاندى قۇرۋ.

ءبىزدىڭ ىرگەلى قۇندىلىقتارىمىز – بۇل تاۋەلسىزدىك، پاتريوتتىق، ادىلەتتىلىك، تەڭ قۇقىقتىق جانە ىنتىماقتاستىق.

تاۋەلسىزدىك – بۇل مەملەكەتىمىز مەن حالقىمىزدىڭ باستى قۇندىلىعى مەن بايلىعى. ەلىمىزدىڭ بولاشاق تابىستى دامۋىنا ونىڭ تاۋەلسىزدىگىن ودان ءارى نىعايتا تۇسكەن جاعدايدا عانا قول جەتكىزۋگە بولادى.

پاتريوتتىق – بۇل ءوز وتانىن، ءوز حالقىن ءسۇيۋ جانە وعان شىن بەرىلگەندىك، ءوز تىلىنە، سالت-ءداستۇرى مەن مادەنيەتىنە دەگەن قۇرمەت، ءوز وتانىنىڭ مۇددەسى جولىندا ەرلىك پەن قۇرباندىققا ءازىر بولۋ.

ادىلەتتىلىك – بۇل تەڭ مۇمكىندىكتەر قوعامى، جەكە ادامدى ناسىلىنە، دىنىنە قاراي كەز كەلگەن كەمسىتۋشىلىكتىڭ بولماۋى. ادىلەتتىلىككە ۇمتىلۋ قازاقستاندىق قوعامنىڭ ۇلتتىق ساناسىندا، مادەنيەت، ءداستۇر، تاريحي جادى ارقىلى ۇرپاقتان ۇرپاققا بەرىلەتىن قۇندىلىقتار جۇيەسىندە بەرىك قالىپتاسقان

تەڭ قۇقىقتىق بىزدىڭ دالا دەموكراتياسىندا، ءاربىر جەكە ادامنىڭ بويىندا تەرەڭ مورالدىق جانە ادامگەرشىلىك ءتۇپ-نەگىزگە يە. تەڭ قۇقىقتىق قوعامدىق دامۋدىڭ ماقساتى عانا ەمەس، بارلىق ادامزاتتىڭ ەڭ وزىق قۇندىلىقتارىنا نەگىزدەلگەن شىنايى ءادىل قوعام قۇرۋ قۇرالى دا.

ىنتىماقتاستىق – بۇل قوعامدىق قارىم-قاتىناستاردى ىزگىلەندىرۋ نەگىزىندە قازاقستاندىق قوعامنىڭ دامۋى ءۇشىن ماڭىزدى شارت. ىنتىماقتاستىق ەرتە عاسىردان كەلە جاتقان سالاۋاتتى، مىقتى قوعامدى دامىتۋدىڭ نەگىزى بولىپ تابىلادى. تەك ىنتىماقتى قوعام عانا ناعىز الەۋمەتتىك مەملەكەتتى قۇرىپ، ادامدارعا لايىقتى ءومىردى قامتاماسىز ەتە الادى.

* * *

«اۋىل» حالىقتىق-دەموكراتيالىق پاتريوتتىق پارتياسى – مەملەكەتشىلەر مەن پاتريوتتار پارتياسى.

ءبىز ارقاشان اگرارلىق قىزمەتكەرلەر مەن اۋىل ەڭبەككەرلەرىنىڭ، بارلىق قازاقستاندىقتاردىڭ مۇددەلەرىن قولداپ كەلدىك جانە قولدايمىز دا.

ءبىز بيلىككە قاتىسۋدى قارا باستىڭ قامى رەتىندە ەمەس، ءوزىمىزدىڭ باعدارلامالىق نۇسقامالارىمىزدى ىسكە اسىرۋ، حالىققا ءتيىمدى قىزمەت ەتۋ  قۇرالى ءارى مۇمكىندىگى رەتىندە قاراستىرامىز.

وسى باعدارلامادا «اۋىل» حالىقتىق-دەموكراتيالىق پاتريوتتىق پارتياسى ەلىمىزدىڭ ومىرىندەگى وزەكتى مىندەتتەردى شەشۋ، قازاقستاننىڭ ودان ءارى وركەندەۋىنە ىقپال ەتەتىن جاڭعىرتۋشى قايتا قۇرۋلاردى جۇرگىزۋ جولدارىن ۇسىنادى.

ناقتى ەڭبەك ءۇشىن ناقتى اقى تولەۋ

ءبىز ناقتى ەڭبەك ءۇشىن ناقتى اقى تولەۋدى نەعۇرلىم ماڭىزدى الەۋمەتتىك-ەكونوميكالىق مىندەت دەپ سانايمىز. ءومىر ءسۇرۋ ءۇشىن ءوز ەڭبەگىمەن تابىس تاۋىپ جۇرگەن ءاربىر ادامنىڭ لايىقتى سىياقى مەن الەۋمەتتىك قورعالۋعا قۇقىعى بار.

ءبىزدىڭ ماقساتىمىز – ەڭبەك كودەكسىندە جانە الەۋمەتتىك سالاعا جاتاتىن باسقا زاڭداردا لايىقتى اقى تولەنەتىن ەڭبەككە جانە جۇمىسپەن قامتۋعا ناقتى قۇقىقتاردى بەكىتۋ.

ءبىز رەسمي تۇردە قابىلدانعان ەڭ تومەن تۇتىنۋ سەبەتىنىڭ كەڭەيتىلۋىن قولدايمىز. بۇل شارا قازاقستان ازاماتتارىنىڭ ءوز دەنساۋلىقتارىن ساقتاپ،  جاقسارتۋىنا جانە الەۋمەتتىك، سونداي-اق كاسىپتىك تۇرعىدا دامۋىنا مۇمكىندىك بەرەدى. تۇتىنۋ سەبەتى ازىق-تۇلىك جانە تاعامدىق ەمەس تاۋارلاردىڭ قۇنىن عانا ەمەس، ءاربىر ازاماتتىڭ ومىرلىك قاجەتتى قىزمەتتەرىنە جۇمسالاتىن شىعىستاردى دا قامتۋعا ءتيىس.

ەڭ تومەنگى كۇنكورىس دەڭگەيى ادامنىڭ بارلىق نەگىزگى قۇندىلىقتارىن ناقتى قاناعاتتاندىرۋعا جانە قازاقستاندا ادامي كاپيتالدىڭ دامۋى ءۇشىن جاعداي جاساۋعا ءتيىس.

حالىقتىق الەۋمەتتىك تۇرعىدان ءالسىز توبىن قولداۋ جۇيەسىنە تولىقتىرۋ ەنگىزۋدىڭ ماڭىزى زور.

وسى ماقساتتا مىنالار قاجەت:

1. زەينەتاقىنى، سالىمداردى جانە الەۋمەتتىك جاردەماقىلاردى حالىقتىڭ الەۋمەتتىك تۇرعىدان ءالسىز توبىنىڭ لايىقتى ءومىر ءسۇرۋىن قامتاماسىز ەتە الاتىنداي دەڭگەيگە دەيىن ۇنەمى يندەكستەپ وتىرۋ;

2. جەتىم بالالار مەن اسىراۋشىسىنان ايرىلعان بالالاردى ناقتى مەملەكەتتىك قامقورلىققا الۋمەن اينالىسۋ;

3. اۋىلدىق ەلدى مەكەندەر ءۇشىن جانە ناقتى اۋىل تۇرعىنى ءۇشىن ەڭ تومەن ستاندارتتاردى ازىرلەۋ جانە بەكىتۋ; اۋىلدىق ەلدى مەكەندەردى اباتتاندىرۋ، تۇرعىن ۇيلەردى، مەكتەپتەردى، اۋرۋحانالاردى، ينفراقۇرىلىمدى، مادەنيەت مەكەمەلەرىن جانە جولداردى سالۋ مەن جوندەۋ ارقىلى اۋىلدا ءومىر سۇرۋگە ساپالى جاعداي جاساۋ.

ءبىز سونداي-اق، زەينەتاقى – الەۋمەتتىك ساداقا جانە قارتايعاندا بەرىلەتىن جاردەماقى ەمەس دەپ سانايمىز. بۇل بۇرىنعى ىستەگەن ەڭبەك ءۇشىن زاڭدى تۇردە كەيىنگە قالدىرىلعان جالاقى. ونىڭ مولشەرى زەينەتكەرلەردىڭ لايىقتى ءومىر ءسۇرۋ دەڭگەيىن قامتاماسىز ەتۋگە ءتيىس. بارلىق جاعدايدا قوسىمشا اقىمەن قوسا، ەڭبەك زەينەتاقىسىنىڭ مولشەرى زاڭدا بەلگىلەنگەن بازالىق ستاندارتتان تومەن بولماۋى كەرەك. اعا بۋىن وكىلدەرى قارتايعان شاعىندا زور قۇرمەتكە جانە مولشىلىقتا ءومىر سۇرۋگە لايىقتى. لايىقتى زەينەتاقى ادال ەڭبەك ەتۋ ءۇشىن ماڭىزدى ىنتالاندىرۋدىڭ ءبىرى بولىپ تابىلادى.

ءبىز ەكونوميكالىق زاڭداردىڭ قاتاڭ ءارى ىرىققا كونبەيتىنىن تۇسىنەمىز. سوندىقتان اسىراۋىندا بولۋشىلىققا قوعامنىڭ تەك شاعىن بولىگىنىڭ – حالىقتىق الەۋمەتتىك تۇرعىدان ءالسىز توبىنىڭ عانا قۇقىعى بار. كومەك اتاۋلى بولۋعا ءتيىس.

جاعدايى جاقسى وتباسى – قوعامدى دامىتۋ نەگىزى

قولدانىستاعى وتباسى زاڭناماسى زاماناۋي جاعداياتتارعا سايكەس بولۋعا ءتيىس. نەكە جانە وتباسى تۋرالى كودەكستى جاڭعىرتۋ قاجەت.

ءبىز وتباسى ينستيتۋتىن نىعايتۋ مەملەكەت پەن قوعامنىڭ دايەكتى جانە شوعىرلاندىرۋشى ستراتەگياسىنا اينالۋعا ءتيىس دەپ سانايمىز. ءبىزدىڭ تاڭداۋىمىز – بىرنەشە بالا ءوسىرىپ وتىرعان وتباسىلاردىڭ مۇددەلەرىن العاشقى ورىنعا قوياتىن بەلسەندى الەۋمەتتىك-دەموگرافيالىق جانە وتباسىلىق ساياسات.

پارتيا مىنالار قاجەت دەپ سانايدى:

«قازاقستان رەسپۋبليكاسىندا وتباسىن مەملەكەتتىك قولداۋ نەگىزدەرى تۋرالى» جەكە زاڭ قابىلداۋ جانە «جاس وتباسى» ۇعىمىن زاڭ جۇزىندە كەڭەيتۋ.

بالالارعا ارنالعان بارلىق بىرجولعى جانە اي سايىنعى جاردەماقىلاردى مۇمكىندىگىنشە ۇلعايتۋ. بۇل اسىرەسە، جانباسىنا شاققانداعى تابىسى ەڭ تومەن كۇنكورىس دەڭگەيىنەن تومەن وتباسىنداعى 16 جاسقا دەيىنگى بالالارعا ارنالعان جاردەماقىعا قاتىستى.

بالا كۇتىمىنە بايلانىستى اقىلى دەمالىستى ۇزارتۋ.

ءۇش جانە ودان كوپ بالا تاربيەسىمەن اينالىسىپ وتىرعان ەرلى-زايىپتىلاردىڭ بىرىنە بازالىق تۇتىنۋ ستاندارتىنان تومەن ەمەس مولشەردە «وتباسىلىق جالاقى» تولەۋ.

ءاربىر وڭىردە كوپبالالى وتباسىلاردىڭ اتا-انالارى ءۇشىن جۇمىس ورىندارىنىڭ الەۋمەتتىك بانكىن قۇرۋ. جۇمىس ورنىن جوعالتقان جاعدايدا،
30 كۇننىڭ ىشىندە ولارعا جۇمىس ورنىن ۇسىنۋ.

جۇمىس ىستەيتىن ايەلدەردىڭ (جۇمىسقا جالداۋ جانە قىزمەتى بويىنشا جوعارىلاۋ كەزىندە، الەۋمەتتىك ساقتاندىرۋ جانە ەڭبەككە جاعداي جاساۋ بويىنشا جەڭىلدىكتەر مەن جاردەماقىلار بەرۋ كەزىندە) قۇقىقتارى مەن كەپىلدىكتەرى تۋرالى زاڭنامانىڭ ساقتالۋىن قوعامدىق باقىلاۋدى كۇشەيتۋ.

بالالىق ينفراقۇرىلىمىن، بالالالارعا ارنالعان جازعى، سپورتتىق، ساۋىقتىرۋ لاگەرلەرىن، بالالار شىعارماشىلىعى ورتالىقتارىن، كوركەم-ونەر جانە مۋزىكا مەكتەپتەرىن دامىتۋ.

جاۋاپتى اتا-انا – بۇل دەنى ساۋ، امان-ەسەن جانە اقىلدى بالالار، دەمەك، بۇكىل حالقىمىزدىڭ ساپاسى. انا مەن اكە بولۋدىڭ بەدەلىن ارتتىرۋ قاجەت!

 

ءبىلىم بەرۋدىڭ يننوۆاتسييالىق جۇيەسى –

زاماناۋي ەل

ءبىلىم بەرۋ سالاسىنداعى پروبلەمالاردى شەشۋ مەملەكەتتىك باسىم مىندەتتەردىڭ ءبىرى دەپ تانىلعان. الايدا وقىتۋ باعدارلاماسىنا جاڭا پاندەردى ەنگىزۋ، وقىتۋ مەرزىمىن، وقۋ ساعاتىنىڭ سانىن ۇلعايتۋ ەسەبىنەن جالپى ءبىلىم بەرۋ ۇدەرىسىنىڭ مازمۇنىن جاڭعىرتۋعا دەگەن جۇيەسىز تالپىنىستار وقۋشىلارعا شامادان تىس اۋىرتپالىق اكەلىپ، ولاردىڭ دەنساۋلىعىنىڭ ناشارلاۋىنا اكەپ سوقتىردى.

وقۋشىلاردىڭ زاماناۋي قۇقىقتىق، پسيحولوگيالىق، ەكونوميكالىق جانە ەكولوگيالىق مادەنيەتىن قالىپتاستىرۋدىڭ زور ماڭىزىن اتاپ وتكەن ءجون.

مەكتەپ تۇلەكتەرىنىڭ جەكە تۇلعاسىن الەۋمەتتەندىرۋدى، ولاردىڭ زاماناۋي قوعامداعى ومىرگە بەيىمدەلىپ كەتۋىن قامتاماسىز ەتۋ قاجەت.

ءبىلىم بەرۋ جاستاردى ەڭبەك نارىعىنا دايارلاۋعا عانا كەلىپ سايمايدى جانە ولاي بولۋعا ءتيىس تە ەمەس. مەكتەپتەردىڭ مىندەتى – جاستاردى قوعامدا ءومىر سۇرۋگە دايارلاۋ، ولارعا الەۋمەتتىك تاجىريبە بەرۋ، الدىڭعى وتكەن ۇرپاقتىڭ رۋحاني جانە مادەني مۇراسىن قالدىرۋ، تاۋەلسىز قازاقستاننىڭ جاس پاتريوتتارىن تاربيەلەۋ.

ءبىز ءبىلىم بەرۋ رەفورماسىنىڭ نەگىز قالاۋشى قاعيداتى ءبىلىم بەرۋدىڭ جالپىعا قولجەتىمدىلىگى مەن ساپالىلىعى عانا ەمەس، ءبىلىم الۋشىلاردىڭ بويىندا بىلىمنەن كوممەرتسيالىق ءونىم الۋعا ىقپال ەتەتىن كاسىپكەرلىك قۇزىرەتتەر مەن ماشىقتاردى قالىپتاستىرۋ دەپ سانايمىز.

وسى ماقساتتا مىنالار ورىندى بولماق:

مەكتەپ وقۋشىلارى اراسىندا كاسىپتىك باعدار بەرۋ جۇمىسىن جولعا قويۋ، جالپى ءبىلىم بەرەتىن مەكتەپتەر بازاسىندا وقۋشىلارعا بولاشاق كاسىبىن تاڭداۋعا مۇمكىندىك بەرۋ، ءوز شەشىمىن قابىلداۋعا مورالدىق-پسيحولوگيالىق داعدىلاردى تاربيەلەۋ قاجەت.

اۋىلدىق جەرلەردەن جانە شاعىن قالالاردان كەلگەن مەكتەپ تۇلەكتەرى ءۇشىن ارنايى كۆوتالار مەن جەڭىلدىكتەر جۇيەسىن ەنگىزە وتىرىپ، ولاردىڭ جوعارى وقۋ ورىندارىنا ءتۇسۋ مۇمكىندىگىن قامتاماسىز ەتۋ.

مەملەكەتتىك ءبىلىم بەرۋ جۇيەسى قىزمەتكەرلەرىنە، ورتا مەكتەپ مۇعالىمدەرىنە جانە جوعارى وقۋ ورىندارىنىڭ وقىتۋشىلارىنا زاڭ جۇزىندە جوعارى الەۋمەتتىك مارتەبە بەكىتىپ بەرۋ.

ستيپەنديالاردىڭ مولشەرىن الەۋمەتتىك تۇتىنۋ ستاندارتى دەڭگەيىنە دەيىن كوتەرۋ.

«جوو – جۇمىس بەرۋشى – ستۋدەنت» قارىم-قاتىناستارىنىڭ بۇكىل جۇيەسىن رەتكە كەلتىرۋ ءۇشىن زاڭدىق جانە قارجىلىق اسپاپتارىن ازىرلەۋ; ستيپەنديالار تاعايىنداۋ، ءبىلىم بەرۋگە ارنالعان كرەديتتەرگە كەپىلدىك بەرۋ بويىنشا بيزنەستى قارجىلىق ۋاجدەمەلەۋدى ارتتىرۋ.

جاڭا اقپاراتتىق-تەحنولوگيالىق نەگىزدە كاسىپتىك-تەحنيكالىق ءبىلىم بەرۋ جۇيەسىن جاڭارتۋ.

مەملەكەتتىك گرانتتار ەسەبىنەن وقيتىن جوو-نىڭ بارلىق تۇلەكتەرىن جۇمىسپەن قامتاماسىز ەتۋ.

جاس مامانداردى، مۇعالىمدەردى، عىلىمي-پەداگوگيكالىق قىزمەتكەرلەردى الەۋمەتتىك تۇرعىن ۇيمەن قامتاماسىز ەتۋ مەملەكەتتىك باعدارلاماسىن قابىلداۋ.

ججو-لار مەن اووو-لاردا تاجىريبە جونىندەگى وقۋ ساعاتتارىن ۇلعايتۋ، ناقتى كاسىپورىندار مەن اۋىل شارۋاشىلىعى قۇرالىمدارىنىڭ قاتىسۋىمەن دۋالدى ءبىلىم بەرۋدى دامىتۋ.

ۇزدىكسىز ءبىلىم بەرۋ جانە قاشىقتىقتان ەلەكتروندى ءبىلىم بەرۋ مودەلىن شالعاي اۋىلداردىڭ تۇرعىندارى، مەرزىمدى قىزمەت سولداتتارى جانە ەلىمىزدە حالىقتىڭ الەۋمەتتىك قورعالماعان بارلىق توپتارى ءۇشىن قولجەتىمدى ەتە وتىرىپ، ونى دايەكتى تۇردە ەنگىزۋ قاجەت. بىرىڭعاي عىلىمي-ءبىلىم بەرۋ كەشەنىندە عانا، عىلىمي ءبىلىمدى ۇنەمى جاڭارتا وتىرىپ، باسەكەگە قابىلەتتى مامانداردى تاربيلەۋگە بولادى.

 

مەديتسينالىق كومەكتىڭ قولجەتىمدىلىگى، ساپاسى جانە ۋاقتىلىلىعى

پارتيا مەديتسيناعا ارنالعان مەملەكەتتىك شىعىستار دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمدارىنا سايكەس بولۋىنا جانە ءجىو-ءنىڭ كەمىندە 5%-ىن قۇراۋىنا قول جەتكىزەتىن بولادى. دەنساۋلىق ساقتاۋدى قارجىلاندىرۋدىڭ، ونىڭ ىشىندە تەمەكى مەن الكوگول ونىمدەرىن ساتۋدان الىناتىن اكتسيزدەردىڭ، ويىن بيزنەسىنىڭ كىرىستەرىنەن تۇسەتىن اۋدارىمداردىڭ ءبىر بولىگى ەسەبىنەن قارجىلاندىرۋدىڭ قوسىمشا كوزدەرىن تارتۋ قاجەت.

مەملەكەتتىك بيلىك پەن ازاماتتىق قوعامنىڭ ءتيىمدى بىرلەسكەن قىزمەتىندە ناقتى ماقساتتارى مەن باعدارلارى بولۋعا ءتيىس: ءولىم-ءجىتىمدى ازايتۋ، تۋدى ارتتىرۋ، اۋرۋشاڭدىقتى ازايتۋ، ءومىر ءسۇرۋ ۇزاقتىعىن ارتتىرۋ، ءومىر ءسۇرۋ دەڭگەيى مەن ساپاسىنىڭ جوعارى كورسەتكىشتەرىنە قول جەتكىزۋ، قورشاعان ورتانىڭ جاي-كۇيىن جاقسارتۋ، ءومىر ءسۇرۋ سالتىندا كەلەڭسىز ۇردىستەردى جويۋ.

پارتيا بارلىق وڭىرلەردە مەملەكەتتىك الەۋمەتتىك ءدارىحانالار جەلىسىن قۇرۋعا ۇمتىلاتىن بولادى.

مەديتسينالىق كومەكتىڭ اۋىل حالقى ءۇشىن قولجەتىمدىلىگىن ارتتىرۋ قاجەت.

سونداي-اق، اۋىلدا تاجىريبەدەن ءوتۋشى دارىگەرلەردى قاشىقتىقتان اقپاراتتىق ينتەرنەت-قولداۋدى جانە ادەۋمەتتىك مەديتسينالىق ساقتاندىرۋدى بەلسەندى تۇردە ەنگىزۋ قاجەت.

الەۋمەتتىك مەديتسينالىق ساقتاندىرۋدى ەنگىزۋدىڭ الەۋمەتتىك ماڭىزىن ەسكەرە وتىرىپ، پارتيا مەديتسينالىق ساقتاندىرۋ شەڭبەرىندە حالىققا مەديتسينالىق قىزمەت كورسەتۋ، قازاقستاندىقتاردىڭ، اسىرەسە اۋىلدىق جەرلەردەگى حالىقتىڭ الەۋمەتتىك وسال توپتارىنا مەديتسينالىق كومەك كورسەتۋ بارىسىنا، ساقتاندىرۋ قورى قاراجاتىنىڭ نىسانالى جۇمسالۋىنا قوعامدىق باقىلاۋ ورناتۋ قاجەت دەپ سانايدى.

ءبىزدىڭ ماقساتىمىز – مۇمكىندىگى شەكتەۋلى ادامداردىڭ قوعامنىڭ ومىرىنە تەڭ قۇقىلى قاتىسۋىن، ولاردىڭ بارلىق جەردە قوعامداعى ورنىن ءوزى بەلگىلەۋ قۇقىعىن قامتاماسىز ەتۋ بولىپ قالا بەرەدى.

وسى ورايدا، پارتيا مىنالار قاجەت دەپ سانايدى:

مۇگەدەكتەردىڭ قۇقىقتارى تۋرالى بۇۇ كونۆەنتسياسىنىڭ ىسكە اسىرىلۋىن ءتيىمدى باقىلاۋدى جۇزەگە اسىرۋ ءۇشىن مۇگەدەكتەردىڭ قۇقىقتارى جونىندەگى ۋاكىلدەر ينستيتۋتىن قۇرۋ;

مۇگەدەكتەرگە ارنالعان ءدارى-دارمەكتەرگە، مەديتسينالىق قىزمەت كورسەتۋگە، پروتەزدەۋگە جانە ارنايى مەديتسينالىق تەحنيكاعا جۇمسالاتىن شىعىنداردى جابۋدى قامتاماسىز ەتۋ;

مۇگەدەكتىكتى بەلگىلەۋ جانە الىپ تاستاۋ قاعيداسىن قايتا قاراۋ، مۇگەدەكتىكتى قايتا كۋالاندىرۋ ءتارتىبىن اشىق، ايقىن، اقىلعا قونىمدى، سىبايلاس جەمقورلىق ءۇشىن جاعدايدى بولدىرمايتىن ەتۋ;

مۇمكىندىگى شەكتەۋلى ادامدار ءۇشىن ەڭبەك كۆوتالارىن بەرمەگەنى جانە ولار ءۇشىن قولجەتىمدى ورتا قۇرۋ قاعيداسىن بۇزعانى ءۇشىن ايىپپۇلدار ەنگىزۋ;

مۇگەدەكتەردى الەۋمەتتىك تۇرعىن ءۇي الۋعا باسىم قۇقىقپەن قامتاماسىز ەتۋ;

حالىقتىڭ بارلىق توبىنا مۇگەدەكتىككە الىپ كەلەتىن اۋرۋلاردى ەرتە دياگنوستيكالاۋدىڭ قولجەتىمدىلىگىنە ەرەكشە كوڭىل ءبولۋ.

مەديتسينالىق كومەكتىڭ قولجەتىمدىلىگى، ساپاسى جانە ۋاقتىلىلىعى، سالاۋاتتى ءومىر سالتى – سالاۋاتتى ۇلتتىڭ نەگىزى!

 

ۇلتتىڭ مادەني الەۋەتى – حالىق يگىلىگى ءۇشىن!

مادەنيەت – مەملەكەتتىڭ بولاشاعى قۇرىلاتىن ىرگەتاس جانە قوعامدى دامىتۋدىڭ ماڭىزدى كوزى.

رۋحاني سالاداعى ۇلتتىق مۇددەلەردى قورعاۋ ءۇشىن پارتيا مىنانى ۇسىنادى:

1. جاس ۇرپاقتىڭ بويىندا ازاماتتىلىقتى تاربيلەۋگە باعىتتالعان   گۋمانيتارلىق بەيىندە وقىتۋ باعدارلامالارىنىڭ، ادىستەرىنىڭ ساپاسىن ارتتىرۋ.

2. اعارتۋشىلىق جانە كوڭىل كوتەرۋ سيپاتىنداعى رەسۋرستاردىڭ: كىتاپتاردىڭ، فيلمدەردىڭ، بالالار ويىندارىنىڭ، كونكۋرستاردىڭ جانە ت.ب.  قولجەتىمدىلىگىن ارتتىرۋ ارقىلى قازاق ءتىلىن كەڭىنەن تانىتۋ.

3. ورتا مەكتەپتەردە قازاق ءتىلىن، قازاقستان تاريحىن جانە قازاق ادەبيەتىن قازاق تىلىندە; اعىلشىن ءتىلى مەن دۇنيەجۇزى تاريحىن اعىلشىن تىلىندە; جانە ورىس ءتىلىن، ورىس ادەبيەتىن ورىس تىلىندە مىندەتتى تۇردە وقىتۋدى ەنگىزۋ;

4. 2020 جىلعا قاراي مەملەكەتتىك قىزمەتكە كىرەتىن جانە قازاقستان رەسپۋبليكاسىنىڭ ازاماتتىعىن الاتىن ادامدار ءۇشىن مەملەكەتتىك ءتىلدى بىلۋگە مىندەتتى ەمتيحان ەنگىزۋ.

5. حالىقپەن، اسىرەسە، جاس ۇرپاقپەن الەمدىك نەگىزگى دىندەر مەن اعىمداردىڭ تاريحىن وقىپ ءبىلۋ بويىنشا اعارتۋ جۇمىسىن،  ءدىندارلار اراسىندا راديكاليزمدى، تەرروريزم مەن ەكسترەميزمدى قابىلداۋعا بولمايتىندىعى تۋرالى ءتۇسىندىرۋ جۇمىسىن جۇرگىزۋ.

6. قازاقستاندىق شىعارماشىل، عىلىمي زيالىلاردىڭ جاڭا بۋىنىن قالىپتاستىرۋدىڭ ماقساتتى، ۇيىمداسقان، يدەولوگيالىق جانە ىنتالاندىرۋشى ساياساتىن جۇرگىزۋ.

ءبىز سونداي-اق، قازاقستان رەسپۋبليكاسىنىڭ پرەزيدەنتى ن.ءا.نازارباەۆ ايتقان «مانگىلىك ەل» يدەياسىن جاقتايمىز. ازاماتتىق قوعام، ەڭبەكقورلىق، ادالدىق، عىلىم مەن بىلىمگە تابىنۋ، زايىرلىلىق جانە توزىمدىلىك سياقتى قۇندىلىقتار رۋحتانعان قوعامدى قۇرۋدىڭ ىرگەتاسى بولىپ تابىلادى.

بەيبىتشىلىك، بارلىق ەتنوستاردىڭ تۇتاستىعى، ءوزارا ءتۇسىنىسۋى – تابىس كەپىلى.

 

جاستار– ەلىمىزدىڭ بولاشاعى

جاستار – قازاقستاننىڭ باستى يننوۆاتسيالىق الەۋەتى. سوندىقتان بىزگە پارمەندى مەملەكەتتىك جاستار ساياساتى قاجەت. دەربەستىكتى، الەۋمەتتىك جاۋاپكەرشىلىكتى، پىسىقتىقتى، جاسامپاز وي-سانانى، بىرۋاقىتتا، حالىقتىڭ داستۇرلەرى مەن رۋحاني قۇندىلىقتارىن جاقتاۋشىلىقتى، ساباقتاستىقتى، تاريحي جادىنى ارتتىرۋعا ىقپال ەتەتىن بولادى.

ءبىز جاس ۇرپاقتى قازاقستاننىڭ الەۋمەتتىك-ەكونوميكالىق جانە ساياسي ومىرىنە كوبىرەك تارتۋعا، ولاردىڭ ءبىلىم الۋ مەن ەڭبەككە، مادەني قۇندىلىقتار مەن بۇقارالىق سپورتقا قۇقىقتارىن قامتاماسىز ەتۋگە مىندەتتىمىز.

پارتيانىڭ جاستار ساياساتى سالاسىنداعى باستى باسىمدىقتارى مىنالار بولىپ تابىلادى:

ءاربىر جاس ازاماتقا ەڭبەك نارىعىندا تالاپ ەتىلۋگە مۇمكىندىك بەرەتىن قولجەتىمدى جانە كوممەرتسيالىق جاعىنان پايدالانىلاتىن ءبىلىم;

اتاۋلى جۇمىسپەن قامتىلۋ – جاستاردى ناقتى جۇمىس ورنىنا باعدارلانعان پەرسپەكتيتۆالى دايارلاۋ;

جاس ۇرپاقتىڭ جوعارى باسەكەگە قابىلەتتىلىگىن، جاس وتباسىندا بالا تۋعا دەگەن جوعارى نۇسقاۋدى ىنتالاندىراتىن الەۋمەتتىك قورعاۋ تەتىكتەرى، تۇرعىن ءۇي جاعدايلارىن جاقسارتۋ;

ۇلتتىق بارابارلىقتى ساقتاۋ جانە جاڭارتۋ;

ءبىزدىڭ ماقساتىمىز – جاستاردىڭ ازاماتتىق قۇقىقتارىنىڭ بارلىق جەردە ساقتالۋىن قامتاماسىز ەتۋ.

ءبىز مىنالار قاجەت دەپ سانايمىز:

ارنايى ورتا جانە جوعارى وقۋ ورىندارىنىڭ تۇلەكتەرى ءۇشىن ءبىرىنشى جۇمىس ورنىن كۆوتالاۋدى قامتاماسىز ەتۋ;

ەسىرتكى تاراتقانى جانە ناسيحاتتاعانى ءۇشىن ءومىر بويى قاماۋعا الۋعا دەيىن قىلمىستىق جاۋاپكەرشىلىكتى قاتاڭداتۋ;

جوو-لارعا مەملەكەتتىك جانە جەكە كاسىپورىندار ءۇشىن ماماندارعا مەملەكەتتىك تاپسىرىس بەلگىلەۋ;

بۇقارالىق سپورت ينفراقۇرىلىمىن جاڭعىرتۋ. ەلىمىزدە حالىقتىڭ بارلىق الەۋمەتتىك توپتارىنىڭ سپورتپەن اينالىسۋى ءۇشىن تەڭ مۇمكىندىكتەردى قامتاماسىز ەتۋ.

ءبىزدىڭ ماقساتىمىز – قازاقستان رەسپۋبليكاسىنىڭ ەرىكتى، ءبىلىمدى، مادەني، پاتريوتتى تۇردە ويلايتىن ازاماتىن تاربيەلەۋ!

يندۋستريالاندىرۋ جانە يننوۆاتسيالار – باسەكەگە قابىلەتتى ەكونوميكانىڭ  نەگىزى

ەلىمىزدە بۇگىنگى تاڭدا ەلدى يندۋستريالاندىرۋدىڭ كەڭ اۋقىمدى باعدارلاماسى ىسكە اسىرىلۋدا جانە ول ءوز جەمىسىن بەرۋدە.

بۇگىننىڭ وزىندە ۇلتتىق ەكونوميكانىڭ ءارتۇرلى سالالارىندا جاڭا تەحنولوگيالار جۇمىس ىستەيدى. ولاردىڭ وڭدەۋشى سالالارعا، اسىرەسە، اۋىل شارۋاشىلىعىنا ءتۇسۋىن قامتاماسىز ەتۋ قاجەت. وسى ماقساتتا مىنالار قاجەت:

جەڭىل جانە تاماق ونەركاسىبىن دامىتۋدا الەمدەگى جەتەكشى ەلدەردىڭ جەتىستىكتەرىن كەڭىرەك پايدالانۋ، قولجەتىمدى، عىلىمدى قاجەت ەتەتىن وندىرىستەن ۇيرەنۋ. مەنشىكتى ستانوكتار مەن جابدىقتار وندىرىستەرىنىڭ جەلىسىن جولعا قويۋ;

اۋىل شارۋاشىلىعى سالاسىنداعى جاڭا تەحنيكاعا، جاڭا تەحنولوگيالار مەن عىلىمي ازىرلەمەلەردى ەنگىزۋگە ارنالعان شىعىنداردى ۇلعايتۋ;

ۇدەمەلى يننوۆاتسيالىق-يندۋستريالىق دامۋ مەملەكەتتىك باعدارلاماسىنىڭ كومەگىمەن عىلىمدى قاجەتسىنەتىن وندىرىستەردى ەكسپورتتىق باعدارلاۋدى ىنتالاندىرۋ;

ۇدەمەلى يننوۆاتسيالىق-يندۋستريالىق دامۋ مەملەكەتتىك باعدارلاماسىنىڭ قاراجاتىن پايدالانا وتىرىپ، ەكونوميكالىق الەۋەت وڭىرلىك اۋماقتىق ۇيىمىنىڭ نەگىزىندە ەكونوميكالىق ءوسۋ ورتالىقتارىن قالىپتاستىرۋ;

يننوۆاتسيالىق بەلسەندى كاسىپورىنداردىڭ ۇلەسىن قولدانىستاعى كاسىپورىندار سانىنىڭ 15%-ىنا دەيىن ارتتىرۋ;

كوپ قاجەتسىنبەيتىن، جىلدام وتەلەتىن جوبالاردى قۇرۋعا ەرەكشە كوڭىل ءبولۋ;

جەكە قوسالقى نەمەسە فەرمەرلىك شارۋاشىلىقتار نەگىزىندە كاپيتالدى جىلىجاي ءوندىرىسى، تامشىلاتا سۋارۋ تەحنولوگيالارىن جانە اۋىل شارۋاشىلىعىنداعى وزگە جاڭالىقتاردى قولدانۋ سالاسىن كەڭەيتۋ;

دايىنداۋ جەلىلەرىن، ونىمدەردى ساقتايتىن جاڭا تەحنولوگيالاردى دامىتۋ، كلاستەرلىك ءوندىرىستى كەڭەيتۋ جانە اۋىل شارۋاشىلىعى ونىمدەرىن قايتا وڭدەۋ جولىمەن اۋىل شارۋاشىلىعى ونىمدەرىن وڭدەۋدى ءوسىرۋ.

بىلىكتىلىگى جوعارى مامانداردى دايارلاۋدا اگرارلىق جوولار مەن كوللەدجدەردىڭ، سونداي-اق اۋىل شارۋاشىلىعى بەيىنىندەگى عزي ءرولىن ەداۋىر ارتتىرۋ. ءبىلىم جانە عىلىم مينيسترلىگىنىڭ جەلىسى بويىنشا اگرارلىق بەيىندەگى ماماندىقتاردى مەملەكەتتىك كرەديت بەرۋدى ەداۋىر كەڭەيتۋ. «بولاشاق» باعدارلاماسى بويىنشا اگرارلىق سەكتوردىڭ جاس ماماندارىنىڭ ۇلەسىن ۇلعايتۋ;

قازاقستان رەسپۋبليكاسى جوعارى اقپاراتتىق تەحنولوگيالاردى ەنگىزۋ، ىرگەلى عىلىممەن دە، ەكونوميكانىڭ وزىق سالالارىنىڭ تۇتىنۋشىلارىمەن دە تىعىز بايلانىستى ءبىلىم بەرۋ جۇيەسىن دامىتۋ نەگىزىندە الدىڭعى قاتارلى  ەلدەردىڭ قاتارىنا كىرۋگە ءتيىس.

ماتەريالدىق ەمەس اكتيۆتەردىڭ قۇنىن ءوسىرۋ كەرەك. زياتكەرلىك مەنشىك نارىعىن دامىتۋ قاجەت.

حالىقتىڭ زياتكەرلىك جانە رۋحاني-ادامگەرشىلىك قۇندىلىقتارىن كۇزەتۋ مەن كوبەيتۋدىڭ ءتيىمدى تەتىكتەرىن قۇرۋ قاجەت.

ەلدى يننوۆاتسيالىق دامىتۋدىڭ ماڭىزدى جۇيەلىك رەسۋرستارىن: قازاقستاندىق عىلىمي مەكتەپتەردى، تەحنوپاركتەردى، تەحنوپوليستەردى، ماڭىزدى تەحنولوگيالاردىڭ «ينكۋباتورلارىن»، وزىق دامىتۋ اۋماقتارىن  قولداۋ باعدارلاماسىن كەڭەيتۋ قاجەت. ءبىلىم بەرۋ مەن عىلىمعا ارنالعان شىعىستاردى ءجىو-ءنىڭ 3%-ى دەڭگەيىندە ۇستاپ تۇرۋ.

قازىرگى زامانعى قوعامدا زياتكەرلىك مەنشىك كاپيتال بولىپ تابىلادى، ال زياتكەرلىك ءونىم بەلسەندى تۇردە كوممەرتسيالىق اينالىمعا تارتىلۋدا. دەمەك، عىلىمي يدەيانى ونى كوممەرتسيالاندىرۋ ساتىسىنا دەيىن جەتكىزۋگە كومەكتەسەتىندەي جاڭا نارىقتىق قۇرىلىمدار قاجەت.

زياتكەرلىك مەنشىك پروبلەماسىنا ءبىزدىڭ قاعيداتتى كوزقاراسىمىز ازىرلەۋشىنىڭ جاڭالىعى پايدالانىلاتىن تۇپكى ءونىمنىڭ ءاربىر بىرلىگىن ساتۋدان تۇسەتىن كىرىستىڭ ءبىر بولىگىن الۋىن وعان بەكىتىپ بەرۋدەن تۇرادى.

ءبىز عىلىم دامىتۋ جانە عىلىمي ازىرلەمەلەردىڭ ناتيجەلەرىن پايدالانۋ ماسەلەلەرى جونىندە ءىرى باسقارۋشىلىق شەشىمدەر قابىلداۋ ەلدىڭ بۇكىل  عىلىمي قوعامداستىعىنىڭ پىرىكىن ەسكەرە وتىرىپ، جۇرگىزىلۋىنە ۇمتىلاتىن بولامىز.

ءبىز مىنالار قاجەت دەپ سانايمىز:

زەرتتەۋلەر مەن ازىرلەمەلەردىڭ ءجىو-دەگى ۇلەسىن 3%-عا ارتتىرۋ.

ەكونوميكانىڭ يننوۆاتسيالىق جانە جوعارى تەحنولوگيالىق سالالارىنا سالىناتىن ينۆەستيتسيالار ۇلەسىن ينۆەستيتسيالاردىڭ جالپى كولەمىنىڭ 50%-ىنا دەيىن ۇلعايتۋ.

يننوۆاتسيالىق تەحنولوگيالاردى يگەرەتىن كاسىپورىندار ءۇشىن سالىقتىق پرەفەرەنتسيالاردى ەنگىزۋ.

«اقىلدىڭ جىلىستاۋىن» توقتاتۋ، ەلدىڭ عىلىمي-تەحنيكالىق كەشەنىنە دارىندى جاستاردى تارتۋ مەن بەكىتىپ بەرۋ ءۇشىن جاعداي جاساۋ.

اسپيرانتتار مەن جاس مامانداردى الەۋمەتتىك تۇرعىن ۇيمەن قامتاماسىز ەتۋ مەملەكەتتىك باعدارلاماسىن قابىلداۋ.

مەملەكەتتىك عىلىمي ستيپەنديالار مەن گرانتتاردىڭ كولەمىن
3 – 5 ەسەگە ۇلعايتۋ.

زياتكەرلىك مەنشىكتى قورعاۋدىڭ سەنىمدى قۇقىقتىق تەكتىكتەرىن قۇرۋ.

پەرسپەكتيۆالى ۇلت – بۇل ءبىلىم مەن يننوۆاتسيالار قوعامى!

ءتيىمدى اۋىل شارۋاشىلىعى –

ەلدىڭ ازىق-تۇلىك قاۋىپسىزدىگى

پارتيا اۋىل پروبلەماسىنا ەرەكشە نازار اۋداراتىن بولادى.

قازىرگى زامانعى مىقتى جانە باسەكەگە قابىلەتتى اۋىل شارۋاشىلىعى ەلىمىزدىڭ وركەندەۋىن قامتاماسىز ەتەدى.

اۋىل شارۋاشىلىعىن دامىتۋ ساياساتىنىڭ باسىم ساياساتى مىنالار بولۋعا ءتيىس:

زاماناۋي اگروتەحنولوگيالار مەن تەحنيكانى پايدالانۋعا كوشۋ;

ازىق-تۇلىك سالاسىندا يمپورتتى الماستىرۋ كەشەندى مەملەكەتتىك باعدارلاماسىن ازىرلەۋ;

شارۋاشىلىق جۇرگىزۋدىڭ ەسكىرگەن ادىستەرىنەن باس تارتۋ;

اۋىل شارۋاشىلىعى كووپەراتسياسىن قولداۋ، اۋىل شارۋاشىلىعىنداعى بولجامداۋدى ارتتىرۋ;

اۋىل شارۋاشىلىعى ونىمدەرىنىڭ نەگىزگى تۇرلەرىنە باعانى تۇراقتاندىرۋ;

شيكىزاتتى تەرەڭدەتە قايتا وڭدەۋدى قارقىندى دامىتۋ;

اۋىل شارۋاشىلىعى ونىمدەرىنىڭ شىعىندارىن ازايتۋ;

اۋىل شارۋاشىلىعى الاپتارىنىڭ اينالىمى جانە ولاردى پايدالانۋ سالاسىندا ءتارتىپ ورناتۋ;

اۋىل شارۋاشىلىعى وندىرۋشىلەرىنىڭ جۇمىس ناتيجەلەرى بويىنشا ولارعا بەرىلەتىن تىكەلەي سۋبسيديالاردى ۇلعايتۋ.

ولاردىڭ كومەگىمەن ونىمدەردىڭ نەعۇرلىم ءوتىمدى تۇرلەرىن شىعارۋدى ىنتالاندىرۋ، ءوندىرىس كولەمدەرىن باقىلاۋ، باعانىڭ اۋىتقۋىن ازايتۋ جانە اۋىل شارۋاشىلىعىنداعى بولجامداۋدى جاقسارتۋ، اۋىل شارۋاشىلىعى ونىمدەرىنىڭ نەگىزگى تۇرلەرىنە باعانى تۇراقتاندىرۋ قاجەت.

اۋىل شارۋاشىلىعى نارىعىنداعى مەملەكەتتىك ساتىپ الۋ تەتىگىن جانە تاۋارلىق ينتەرۆەنتسيالاردى قايتا قاراۋ، اۋىل شارۋاشىلىعى وندىرۋشىلەرى ءۇشىن نارىقتى باعاسى جاعىنان نەعۇرلىم پايدالى جانە ايقىن ەتۋ، اۋىل شارۋاشىلىعى ونىمدەرىن مەملەكەتتىك ساتىپ الۋ بايلانىستى تاۋارلىق كرەديتتەر تۇرىندە ۇسىنىلۋعا ءتيىس.

قازاقستاننىڭ اۋىل شارۋاشىلىعى ونىمدەرىنىڭ ءداندى، مايلى داقىلدارىن جانە باسقا تۇرلەرىن ەكسپورتتايتىن جانە ولاردى قايتا وڭدەۋ ونىمدەرىن يمپورتتايتىن تاجىريبەسىن وزگەرتۋ قاجەت;

اۋىلدىڭ ينجەنەرلىك جانە الەۋمەتتىك ينفراقۇرىلىمى پروبلەمالارىن قىسقا مەرزىمدە شەشۋدى قامتيتىن «اۋىل ينفراقۇرىلىمى» اتتى مەملەكەتتىك باعدارلامانى ازىرلەۋ جانە جۇزەگە اسىرۋ;

ءاربىر ەلدى مەكەندى قۇرامىندا كوشپەلى دارىگەرلەر بريگاداسى قالىپتاستىرىلاتىن بەلگىلى ءبىر مەديتسينالىق ورتالىققا بەكىتىپ بەرۋ;

كەمىندە  مەكتەپ جاسىنا دەيىنگى 100 بالا بار ءاربىر ەلدى مەكەندە مەكتەپكە دەيىنگى ءبىلىم بەرۋ مەكەمەسىن قۇرۋ. شاعىن جيناقتالعان مەكتەپتەردىڭ جابىلۋىنا جول بەرمەۋ.

بارلىق نيەت بىلدىرۋشىلەردىڭ ەلىمىزدەگى حالىقتىق قولونەرمەن، شارۋا مادەنيەتىمەن جانە تابيڭي لاندشافتارىمەن تانىسۋىنا مۇمكىندىك بەرەتىن اۋىلدىق ەكولوگيالىق ءتۋريزمدى دامىتۋ.

ەلىمىزدىڭ اۋماعىندا ەكولوگيالىق تاۋەكەلدەردىڭ ۇلكەن كولەمى جيناقتالىپ قالدى. جەردىڭ، سۋ مەن اۋانىڭ لاستانۋى، ەلىمىزدىڭ بيولوگيالىق جانە ورمان بايلىقتارىنا قاتىستى ايۋاندىق ارەكەت، ەكولوگيالىق قاۋىپسىزدىك نورمالارىن ساقتاماۋ ادام دەنساۋلىعىنا ناقتى قاۋىپ تۋدىرادى.

ەكولوگيالىق قاۋىپسىزدىكتى جاقسارتۋ ءۇشىن جاعداي جاساۋ – وتە ۇزاق ءارى كوپ ەڭبەكتى قاجەتسىنەتىن پروتسەسس جانە كوپتەگەن مەملەكەتتىك قۇرىلىمدار مەن ساياسي كۇشتەر ءىس-قيمىلدارىنىڭ كەلىسىلۋىن جانە دايەكەتىلىگىن تالاپ ەتەدى.

ەكولوگيالىق اپاتتىڭ جولىن كەسۋ ونىڭ سالدارىمەن كۇرەسۋگە قاراعاندا، ارقاشان وڭاي!

پارتيا مىنالار قاجەت دەپ سانايدى:

قازاقستان رەسپۋبليكاسىنىڭ ەكولوگيالىق كودەكسىنە وزگەرىس ەنگىزۋ، مەملەكەتتىك ەكولوگيالىق ساراپتامانىڭ جانە مەملەكەتتىك ەكولوگيالىق باقىلاۋدىڭ بۇكىل جۇيەسىن جاڭعىرتۋ;

وزەندەر مەن توعانداردىڭ سۋ قورعاۋ ايماقتارىن زاڭعا قايشى سالۋدى، ولاردى تۇرمىستىق ناۋالارمەن جانە قوقىسپەن لاستاۋدى توقتاتۋ;

تۇتىنۋ ونىمدەرىنىڭ ساپاسىن ستاندارتتاۋ، سەرتيفيكاتتاۋ جانە ساپاسىن قاداعالاۋ ءتارتىبىن وزگەرتۋ جانە مەملەكەتتىك «ءبيومور» - ازىق-تۇلىك ونىمدەرىنىڭ ەكولوگيالىق ستاندارتتارعا سايكەستىگى بەلگىسىن ەنگىزۋ;

قورشاعان ورتاعا ەكولوگيالىق تاۋەكەلدەردى جانە كەلەڭسىز اسەردى بارىنشا ازايتۋ ماقساتىندا ەنەرگيا تاسىمالداۋشىلاردى جەتكىزۋ باعىتتارىن ءارتاراپتاندىرۋ;

قاتتى تۇرمىستىق جانە ونەركاسىپتىك قالدىقتاردى كادەگە جاراتۋ، قوقىستى بولەك جيناۋ، ونى قايتا وڭدەۋ جانە قايتالاما شيكىزاتتان  جاڭا ونىمدەر شىعارۋ پروبلەمالارىن تۇبەگەيلى شەشۋ; زاماناۋي قوقىس ورتەۋ زاۋىتىن  سالۋ قاجەت;

ءىرى قالالاردىڭ «جاسىل بەلدەۋلەرىن» كۇزەتۋ، تازا تۇششى سۋ كوزدەرىن قورعاۋ، تاماق ونىمدەرىن سەرتيفيكاتتاۋعا قويىلاتىن قوسىمشا تالاپتاردى ۇسىنۋ جونىندەگى قوعامدىق باستامالاردى قولداۋ; قازاقستانعا گەندىك تۇرلەندىرىلگەن تاماقتاردى جەتكىزۋدى شەكتەۋ.

قورشاعان ورتانىڭ ساپاسى ءومىر ءسۇرۋ ساپاسىنىڭ ماڭىزدى ولشەمىنە جانە اۋماقتاردى الەۋمەتتىك-ەكونوميكالىق دامىتۋدىڭ نەگىزگى كورسەتكىشتەرىنىڭ بىرىنە اينالۋعا ءتيىس.

 

قوعام مەن حالىققا قىزمەت ەتۋدەگى بيلىك

زاماناۋي الەمدە وزگەرىسكە دايىن تۇرعان ادام جەڭەدى. ەگەر ساياسي جۇيە ۇلتتىق قاۋىپسىزدىكتىڭ ىقتيمال قاۋىپ-قاتەرلەرىنىڭ الدىن الاتىن بولسا جانە قوعامداعى وزگەرىستەرگە بارابار دەن قويۋعا قابىلەتتى بولسا، مەملەكەت ورنىقتى جانە ىلگەرى داميدى.

بۇل ءۇشىن بيلىك ازاماتتىق قوعاممەن ۇنەمى سۇحباتتا بولۋعا،  دەموكراتيالىق ينستيۋتتاردى نىعايتۋعا ءتيىس.

سونىمەن قاتار، ۇنەمى كونسۋلتاتسيالار بەرىپ وتىرۋ جانە ەلدىڭ ماڭىزدى  پروبلەمالارىن تالقىلاۋ جولىمەن قوعامنىڭ ساياسي مادەنيەتىن ارتتىرۋ قاجەت.

ءبىزدىڭ ماقساتىمىز – مەملەكەتتىك بيلىك ورگاندارى مەن قوعامدىق ۇيىمداردىڭ تىعىز ىنتىماقتاستىعىن قامتاماسىز ەتۋ. قوعامدىق ۇيىمدار مەن بىرلەستىكتەر مەملەكەتتىك جانە مۋنيتسيپالدى باسقارۋ سالاسىندا قابىلداناتىن شەشىمدەردىڭ ساپاسىن ارتتىرۋعا جانە ولاردىڭ ىسكە اسىرىلۋىن باقىلاۋدى نىعايتۋعا ءوز ۇلەسىن قوسۋعا ءتيىس.

پارتيا مىنالار قاجەت دەپ سانايدى:

مەملەكەتتىك رەتتەۋ ورگاندارى الدىندا ەسەپتىلىكتى وڭايلاتۋدى جانە سالىقتىق جەڭىلدىكتەردى قوسا العاندا، قوعامدىق ۇيىمدار مەن ازاماتتىق بىرلەستىكتەر ءۇشىن بارىنشا قولايلى جاعداي جاساۋ رەجيمىن قۇراتىن زاڭنامالىق باستامالاردى قولداۋ;

حالىقتىڭ ءوزىن-ءوزى ۇيىمداستىرۋ جونىندەگى بارلىق نىساندارى – ءۇي كوميتەتتەرى، تۇرعىن ءۇي بىرلەستىكتەرى، كورشى قوعامداستىقتار، كووپەراتيۆتەر، دامىتۋ ورتالىقتارى، وڭىرلىك قوعامدىق پالاتالار جەرگىلىكتى ماسەلەلەردى ءوز كۇشتەرىمەن شەشۋگە ۇمتىلعان كەزدە ولارعا جاردەمدەسۋ;

كوممەرتسيالىق ەمەس بىرلەستىكتەردىڭ الەۋمەتتىك قىزمەتتەر كورسەتۋگە ء(بىلىم بەرۋ، دەنساۋلىق ساقتاۋ، اعارتۋ، مۇگەدەكتەرگە كۇتىم جاساۋ) قاتىسۋىن، ونىڭ ىشىندە مەملەكەتتىك گرانتتاردىڭ كومەگىمەن كوتەرمەلەۋ;

قايىرىمدىلىق ماقساتتارعا باعىتتالاتىن قاراجاتقا ورىندى سالىق سالۋ.

الەۋمەتتىك جەلىلەردە ۇسىنىلعان جاڭا الەۋمەتتىك كۇشتەر قوعام مەن مەملەكەتتىڭ كەرى بايلانىسىنىڭ بىرەگەي قۇرالى بولىپ تابىلادى. پارتيا بارلىق باعىتتاعى الەۋمەتتىك جەلىلەردىڭ بارلىق پايدالانۋشىلارىنا قۇرمەتپەن قارايدى.

سىرتقى ساياسات پەن قاۋىپسىزدىك

قوسىلۋعا نيەتتەنگەن، حالىقارالىق كەلىسىم-شارتتار مەن كونۆەنتسيالاردى جاساۋ كەزىندە، ەڭ الدىمەن ءبىز، ۇلتتىق مۇددەنى باسشىلىققا الۋعا مىندەتتىمىز.

ءبىز قازاقستان رەسپۋبليكاسىنىڭ حالىقارالىق ارەناداعى بەدەلىن دايەكتى تۇردە نىعايتۋدى قولدايمىز.

وسىعان بايلانىستى پارتيا مىنا ارەكەتتەردى قاجەت دەپ سانايدى:

1. تەڭدەستىرىلگەن كوپۆەكتورلى سىرتقى ساياسات جۇرگىزۋ، قازاقستاننىڭ ەۋرازيا، ەۋروپا جانە ازيا كەڭىستىگىندەگى ءارتۇرلى حالىقارالىق ينستيتۋتتارعا قاتىسۋ;

2. ەكونوميكا جانە قاۋىپسىزدىك سالاسىنداعى ءوزارا قولايلى ارىپتەستىك كەلىسىمدەردى تەرەڭدەتۋ;

3. وڭىرلىك جانە الەمدىك پروبلەمالاردى شەشۋدە قازاقستاننىڭ ءرولىن كۇشەيتۋ، ماماندارىمىزدىڭ الەمدىك قاۋىپسىزدىكتى قامتاماسىز ەتۋ، ەكولوگيانى ساقتاۋ مەن دەنساۋلىقتى قورعاۋ  جونىندەگى ميسسيالارعا قاتىسۋ.

*         *        *

«اۋىل» حالىقتىق-دەموكراتيالىق پاتريوتتىق پارتياسى جوعارىدا ايتىلعان باعدارلامالىق نۇسقامالاردى قولداۋ ءۇشىن ونىڭ مۇشەسى بولۋ مىندەتتى ەمەس سانايدى. سوزبەن ەمەس، ىسپەن ءوز وتانىنىڭ ازاماتى بولۋ – ءبىزدىڭ پاتريوتتىعىزدىڭ كورىنىسى.

«اۋىل» حدپپ – قازاقستان رەسپۋبليكاسىندا الەۋمەتتىك باعدارلانعان ءادىل مەملەكەت قۇرۋدى ءوزىنىڭ ماقساتى ەتىپ قويعان زاماناۋي پارتيا.

ءبىز قازاقستان رەسپۋبليكاسىنىڭ بولاشاعى قىمبات دەپ سانايتىن بارلىق ادامدى بىزبەن بىرگە بولۋعا شاقىرامىز!

ءبىز تاۋەلسىز، دەموكراتيالىق، ادىلەتتى، تەڭ قۇقىلى جانە وركەندى قازاقستاندى قولدايمىز!

Abai.kz