سارسەنبى, 4 تامىز 2021
3417 5 پىكىر 25 قىركۇيەك, 2018 ساعات 14:56

«ادىرنا» جۋرنالى ادەبي شىعارمالار بايگەسىن جاريالايدى!

«ادىرنا» ادەبي-كوركەم، كوپشىلىك جۋرنالى ءوزىنىڭ تۇڭعىش سانى شىعا باستاعانىنا ەكى جىل تولۋىنا وراي ادەبي شىعارمالار بايگەسىن جاريالايدى.

بايقاۋعا قازاقتىڭ بارلىق قالامگەرلەرى مەن ادەبيەتكە تالپىنىپ جۇرگەن جاستارى تۇگەل قاتىسا الادى.

بايگەنىڭ ادال مۇراتى — ۇلتتىق ادەبيەتىمىزدىڭ كۇنى بۇگىنگى ەڭ وزىق شىعارمالارىن، ەڭ دارىندى قالامگەرلەرىن انىقتاۋ جانە ۇلىقتاۋ، قازىرگى ادەبيەتتىڭ دامۋىنا، كوركەيە تۇسۋىنە دەمەۋ بولىپ، ادەبيەتتەگى قازىرگى وڭ وزگەرىستەردى، جاڭا، جاسامپاز باعىتتاردى مەيلىنشە قولداۋ، قازاق ادەبيەتىنىڭ قوعامداعى ىزگى اسەرلەرىن نىعايتۋعا سەپ بولۋ، قازاق كوركەم ويىنىڭ ەڭسەسىن بيىكتەتۋ، جاڭارىپ جاتقان قازاقى ۇلتتىق وي-سانانىڭ، شىنايى رۋحاني تۇلەۋدىڭ كۇشەيە تۇسۋىنە ۇلەس قوسۋ.

بايگەنىڭ جۇلدە قورى — 3 000 000 ء(ۇش ميلليون) تەڭگە. باس جۇلدە — 2 000 000 تەڭگە، ارناۋلى سىيلىق. ءبىرىنشى جۇلدە — 1 000 000 تەڭگە، ارناۋلى سىيلىق. ەكىنشى جۇلدە — 500 000 تەڭگە. ءۇشىنشى جۇلدە — 300 000 تەڭگە. ىنتالاندىرۋ سىيلىقتارى (ۇشەۋ) — 100 000 تەڭگەدەن.

بايگە نوميناتسيالارى:

1.ۇزدىك ولەڭدەر توپتاماسى، پوەما.

2.ۇزدىك اڭگىمە، حيكايات، رومان.

3.ۇزدىك ادەبي سىن، ەسسە.

4.ۇزدىك دراما.

بايگە 2018 جىلعى قازان ايىنىڭ 1-نەن 2019 جىلدىڭ 15-ناۋرىزىنا دەيىن وتكىزىلەدى. ماراپاتتاۋ ءراسىمى 2019 جىلدىڭ 20-سى ناۋرىزى كۇنى اقتوبە قالاسىندا وتكىزىلەدى.

بايگەگە قاتىسۋشىلار بيىلعى قازان ايىنىڭ 1-نەن باستاپ شىعارمالارىنىڭ ەلەكتروندى نۇسقاسىن «ادىرنا» جۋرنالىنىڭ ەلەكتروندى پوشتاسىنا (adyrna2016@gmail.com) جىبەرەدى. كوركەمدىككە قويىلاتىن شارتتارمەن قاتار رەداكتسيانىڭ تاعى ءبىر شارتى — رەداكتسياعا اۆتوردىڭ «ادىرنا» جۋرنالىنا 2019 جىلعا تولىق جازىلعاندىعىن راستايتىن، پوچتا بەلگىسى سوعىلعان تۇبىرتەكتى قوسا جولداۋ (ەل. نۇسقاسى مەن تۇپنۇسقا كوشىرمەسى) كەرەك. ونسىز شىعارما بايگەگە جىبەرىلمەيدى.

اbai.kz

5 پىكىر