سارسەنبى, 4 تامىز 2021
كورشىنىڭ كولەڭكەسى 2919 23 پىكىر 26 قىركۇيەك, 2018 ساعات 09:57

قازاقستان بۇۇ-دا قىرىم مەن دونباسس ماسەلەسىن تالقىلاۋعا قارسى

استانا بۇۇ باس اسسامبلەياسىندا "ۋكراينانىڭ ۋاقىتشا باسىپ الىنعان اۋماقتارىنداعى جاعداي" دەگەن تاقىرىپتى كۇن تارتىبىنە ەنگىزۋگە قارسى بولدى.

قازاقستان اتالعان تاقىرىپتى تالداۋعا قارسى بولعان 13 ەلدىڭ ءبىرى بولدى. قازاقستانمەن بىرگە رەسەي، بەلارۋس، ارمەنيا، بۋرۋندي، يران، سيريا، ميانما، نيكاراگۋا، سۋدان، كۋبا، فيليپپين جانە ۆەنەسۋەلا قارسى داۋىس بەرگەن. بىراق ماسەلە ءبارىبىر كۇن تارتىبىنە ەنگىزىلگەن. سەبەبى ماسەلەنى تالقىلاۋدى 68 مەملەكەت قولدادى دەپ حابارلايدى بۇۇ جانىنداعى ۋكراينا وكىلى.

وسىعان دەيىن ۋكراينا سىرتقى ىستەر ءمينيسترى پاۆەل كليمكين كيەۆ باتىس ەلدەرىمەن بىرگە دونباسستاعى جاعدايعا بايلانىستى بۇۇ قاۋىپسىزدىك كەڭەسىنىڭ رەزوليۋتسيۋسىن دايىندادى دەپ مالىمدەگەن. ءمينيستردىڭ سوزىنشە، قۇجات سەپاراتيستەر باقىلايتىن اۋماققا بىتىمگەرلىك ميسسياسى مەن اسكەري كۇشتى كىرگىزۋدى قاراستىرادى.

كيەۆ قىرىم مەن ۋكراينا شىعىسىنداعى كەيبىر اۋماقتاردى ۋاقىتشا باسىپ الىنعان دەپ اتادى. قىرىمدى رەسەي 2014 جىلدىڭ كوكتەمىندە باسىپ العان. سودان بەرى مىڭداعان بەيبىت تۇرعىن مەن ۋكراينا ساربازدارى قازا تاپتى. كيەۆ ماسكەۋدى جاريالانباعان سوعىس جاعدايىن ەنگىزدى دەپ ايىپتايدى. كرەمل بولسا، مۇنىڭ ءبارىن تەرىسكە شىعارادى.

بۇۇ باس اسسامبلەياسىنىڭ 73-سەسسياسى نيۋ-يوركتە 18 قىركۇيەكتە باستالعان.

Abai.kz

23 پىكىر