ەلباسىمىز ن. ءا. نازارباەۆتىڭ «بولاشاققا باعدار: رۋحاني  جاڭعىرۋ» باعدارلاماسى  اياسىندا «وربۇلاق» شايقاسىنداعى ۇلى جەڭىستىڭ 375 جىلدىعىنا وراي الماتى وبلىسىنىڭ پانفيلوۆ اۋدانىنداعى   ەڭبەكشى اۋىلدىق مادەنيەت ۇيىندە  اتالعان مەكەمە قىزمەتكەرلەرى ك. قوقىمباەۆا، ا. كەرىمبەكوۆ، كىتاپحاناشىلار: ك. كەمەلباەۆا، ن. بوزجىگىتوۆانىڭ ۇيىمداستىرۋىمەن  وسى اۋىلدىڭ تۇلەگى  بەلگىلى اقىن،  قازاقستان جازۋشىلار وداعىنىڭ مۇشەسى،   رەسپۋبليكالىق  «ەل-نازار» پەداگوگيكالىق جۋرنالىنىڭ  جانە «وربۇلاق» گازەتىنىڭ باس رەداكتورى، «ءابدىراشتىڭ جاراسقانى» اتىنداعى سىيلىقتىڭ لاۋرەاتى ەرعازى ماناپۇلىمەن  كەلەلى  كەزدەسۋ كەشى بولىپ  ءوتتى.

كەزدەسۋگە اۋىل تۇرعىندارى، مەكتەپ وقۋشىلارى مەن ۇستازدارى قاتىستى.

اقىننىڭ ۇستازى، سىنىپ جەتەكشىسى  قاجىنوۆا جاڭىل  اپاي قالامگەردىڭ مەكتەپتەگى قىزىقتى ساتتەرىنەن  سىر شەرتىپ، ونىڭ ەڭ العاشقى ولەڭدەرىن سىنىپ ساعاتىندا تالقىلاعانىن، كەيىننەن   قازاق ءتىلى مەن ادەبيەتى ءپانىنىڭ مۇعالىمى، ۇلاعاتتى ۇستازى  مارقۇم  ۇزاقباي  ءارىپجانۇلى  ءوز تاربيەسىنە الىپ، باعىت باعدار بەرگەنىن قىزىقتى ەتىپ اڭگىمەلەپ بەردى.  سونداي-اق ءوز شاكىرتىنىنىڭ سوناۋ بالاڭ شاقتا جازعان  شىعارمالارىن  ءالى كۇنگە دەيىن ساقتاپ،  جيناقتاپ  جۇرگەنىن  كوپشىلىككە  جاريا ەتىپ  كورسەتىپ، اقىنعا سىيعا تارتتى.

كەزدەسۋ بارىسىندا مەكتەپ وقۋشىلارى اقىن جىرلارىن ناقىشىنا كەلتىرىپ ورىنداپ، قالامگەر اعالارىنا  وزدەرىن تولعاندىرىپ جۇرگەن سۇراقتارىن قويدى.

كەزدەسۋگە جەرگىلىكتى قالامگەرلەر ب.جاقىباەۆ، ي. ۇركىمبايۇلى، م. نۇرسەيىت، ن. نۇرتىلەۋۇلى قاتىسىپ، اقىن شىعارماشىلىعىنان، ونىڭ ىستەپ جاتقان قىزمەتتەرىنەن سىر شەرتىپ،  كورەرمەندەر تاراپىنان قويىلعان  ۇلتقا، ونەرگە قاتىستى سان  تۇرلى سۇراقتارعا مازمۇندى جاۋاپتار بەردى.

كەشتى جەرگىلىكتى ونەرپازدار  ە. نەسىپبەكوۆ، ن. باتباقباەۆ، ب. نۇراحمەتوۆلار اسەم انمەن ارلەدى.

اقىنمەن تۋعان جەرىندە تارتىمدى وتكەن كەشكە  جەرلەستەرى ءدان ريزا بولىپ تاراستى.

ءنۇرادىل بەگىمبەتوۆ

Abai.kz