سەنبى, 11 ءساۋىر 2020
COVID-19 قازاقستاندا. جۇقتىرعاندار — 812. جازىلعاندار — 64. قايتىس بولعاندار — 10
1042 0 پىكىر 1 قازان, 2018 ساعات 10:31

قىرعىزستان دەپۋتاتتارعا ەكىنشى ازاماتتىق ءۇشىن قىلمىستىق جازا قاراستىرىپ جاتىر

قىرعىزستان پارلامەنتىنىڭ كوميتەتى ەكى ازاماتتىعى بار مەملەكەتتىك قىزمەتكەرلەر مەن دەپۋتاتتاردى قىلمىستىق جازاعا تارتۋدى قاراستىراتىن زاڭ جوباسىن ماقۇلدادى.

زاڭ جوباسى اۆتورلارىنىڭ ءبىرى بۇل قۇجاتتى 2020 جىلى وتەتىن پارلامەنت سايلاۋىنا دەيىن قابىلداۋ كەرەك دەپ ەسەپتەيدى.

"بۇل قۇجات ساياسي لاۋازىمدى قىزمەتكەرلەرگە ارنالعان. ءجاي ازاماتتارعا ەش قاتىسى جوق. ەگەر ەكىنشى ازاماتتىعىن جاسىرعان شەنەۋنىك انىقتالسا، وندا ول مەملەكەتكە 250-300 مىڭ سوم كولەمىندە (3600 دوللار شاماسىندا) ايىپپۇل سالادى", – دەيدى دەپۋتات داستان بەكەشەۆ.

بەكەشەۆتىڭ سوزىنشە، قازىر زاڭ ەكى ازاماتتىق ءۇشىن جازالاي المايدى. مىسالى، باس پروكۋراتۋرا بىشكەكتىڭ ەكس-مەرى كۋبانىچبەك كۋلماتوۆقا (تەرگەۋ ءىسى بويىنشا، وندا ەكى ازاماتتىق – قىرعىز جانە رەسەي ازاماتتىعى بولعان) قارسى تەك كوررۋپتسيا بويىنشا قىلمىستىق ءىس قوزعادى. ​كۋلماتوۆ ​سسسر كەزىندە العان تولقۇجاتىن جوعالتىپ العانىن، كەيىن ونى قىرعىز جەكە كۋالىگىنە ايىرباستاعانىن ايتقان. بىراق سوعان قاراماستان كۋبانىچبەك كۋلماتوۆتا رەسەي ازاماتتىعى بولعان.

قىرعىزستان زاڭىنا سايكەس، شەتەلدىك ازامات دەپۋتات بولىپ سايلانا المايدى ءارى جوعارى لاۋازىمدى قىزمەتكە تاعايىندالا المايدى.

Abai.kz

0 پىكىر