جيىنعا كاسىپوداقتار فەدەراتسياسىنىڭ توراعاسى ب.ءابدىرايىم، ەڭبەك جانە حالىقتى الەۋمەتتىك قورعاۋ ءمينيسترى م.ابىلقاسىموۆا، «اتامەكەن» ۇلتتىق كاسىپكەرلەر پالاتاسىنىڭ، حالىقارالىق ۇيىمداردىڭ وكىلدەرى، قازاقستاننىڭ بارلىق وڭىرىندەگى سالالىق كاسىپوداقتاردىڭ 200-دەن استام دەلەگاتى قاتىستى.

ءىس-شارانىڭ اشىلۋىندا مەملەكەتتىك حاتشى گۇلشارا ابدىقالىقوۆا قازاقستان پرەزيدەنتى نۇرسۇلتان نازارباەۆتىڭ سەزگە قاتىسۋشىلارعا ارنالعان قۇتتىقتاۋىن وقىپ بەردى. وندا: «بۇگىندە كاسىپوداقتار فەدەراتسياسى – 2 ميلليونداي ادامدى بىرىكتىرىپ وتىرعان ەلىمىزدەگى اسا ءىرى قوعامدىق ۇيىم. جۇمىس ىستەپ جاتقان 18 مىڭعا جۋىق باستاۋىش كاسىپوداق ۇيىمدارى ەڭبەك جانجالدارىن شەشۋگە، ەڭبەكشىلەردىڭ قۇقىقتارىن قورعاۋعا، ەڭبەك شارتتارى مەن قاۋىپسىزدىگىن جاقسارتۋعا ىقپال ەتىپ، جۇمىس بەرۋشىلەر مەن جۇمىسكەرلەر اراسىنداعى باستى مەدياتور بولىپ وتىر. ۇشجاقتى الەۋمەتتىك ارىپتەستىك مودەلى دە ءوزىنىڭ تيىمدىلىگىن دالەلدەدى، ونىڭ اياسىندا جۇمىس ورىندارىن ساقتاۋ جونىندەگى 115 مىڭنان استام مەموراندۋمعا قول قويىلعان. كاسىپوداقتاردىڭ قاتىسۋىمەن حالىقارالىق ەڭبەك ۇيىمىنىڭ 24 كونۆەنتسياسى راتيفيكاتسيالاندى. بۇل شارالاردىڭ ءبارى ەڭبەكشىلەردىڭ جۇمىس جاعدايىن جاقسارتىپ، ولاردىڭ ءومىر ءسۇرۋ ساپاسىن ارتتىرۋعا باعىتتالعان.

كاسىپوداقتار فەدەراتسياسى وزىنە ەڭبەك سالاسىن جاڭعىرتۋ جونىندە جاۋاپكەرشىلىك الا وتىرىپ، جۇمىس بەرۋشىلەرمەن بىرگە قازاقستاندىقتاردىڭ ءتورتىنشى ونەركاسىپتىك رەۆوليۋتسيانىڭ جاڭا جاعدايلارىنا الەۋمەتتىك بەيىمدەلۋىمەن شۇعىلداناتىن قوزعاۋشى كۇشكە اينالۋعا ءتيىس»، – دەپ اتاپ وتىلگەن.

مەملەكەت باسشىسى قىزمەت فورمالارى مەن ادىستەرىنىڭ قايتا قارالاتىنىنا، سونىمەن بىرگە ەڭبەك نارىعىنىڭ جاھاندىق ترانسفورماتسياسىن ەسكەرە وتىرىپ، قازاقستان كاسىپوداقتارى قوزعالىسىن ودان ءارى دامىتۋدىڭ جاڭا ستراتەگياسى ازىرلەنەتىنىنە سەنىم بىلدىرگەن.

قازاقستان رەسپۋبليكاسىنىڭ كاسىپوداقتار فەدەراتسياسى 21 سالالىق كاسىپوداقتان جانە 17 اۋماقتىق بىرلەستىكتەن تۇرادى.

Abai.kz