مەملەكەت باسشىسى نۇرسۇلتان نازارباەۆتىڭ جولداۋدا ايتقان ۇسىنىستارى - جۇيەلى سيپاتقا يە دەپ ايتۋعا تولىق نەگىز بار. استانادا ءوتىپ جاتقان «دەموكراتيالىق كۇشتەردىڭ «قازاقستان-2050» جالپىۇلتتىق كوالتسياسىنىڭ وتىرىسىندا «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«ەلباسىنىڭ جولداۋىندا قوعامىمىزدا تالقىلانىپ جۇرگەن ەڭ وزەكتى الەۋمەتتىك ماسەلەلەر قامتىلعان. مەملەكەت باسشىسى سول ماسەلەلەردى شەشۋ ءۇشىن ناقتى شارالاردى ۇسىنىپ وتىر. اتاپ ايتقاندا، قوعامىمىزدا سوڭعى كەزدە كوپ تالقىعا نەگىز بولعان حالىقتىڭ ءال-اۋقاتىن ارتتىرۋ، تۇرمىس-جاعدايىن ارى قاراي كوتەرۋ، سونىمەن قاتار باسپاناعا قولجەتىمدىلىكتى قامتاماسىز ەتۋ، تۇرعىن ءۇي كوممۋنالدىق شارۋاشىلىقتاعى قوردالانعان ماسەلەلەردى شەشۋ، تاريفتەردى شەكتەۋ جانە جولداردى جوندەۋ، قوعامدىق قاۋىپسىزدىك سياقتى ماسەلەلەر كوتەرىلدى»، - دەدى «نۇر وتان» پارتياسى توراعاسىنىڭ ءبىرىنشى ورىنباسارى.

ماۋلەن اشىمباەۆتىڭ ايتۋىنا قاراعاندا، اتالمىش ماسەلەلەردى شەشۋ ءۇشىن ەلباسى ناقتى ۇسىنىستاردى ەنگىزىپ وتىر.

«مەملەكەت باسشىسىنىڭ ۇسىنىستارى - جۇيەلى سيپاتقا يە دەپ ايتۋعا تولىق نەگىز بار. مىسالى، ەڭ تومەنگى جالاقىنى ءبىر جارىم ەسەگە كوبەيتۋ - ميلليونداعان قازاقستاندىقتىڭ تۇرمىس دەڭگەيىن وڭ اسەرىن تيگىزەتىن شارا ەكەنى تۇسىنىكتى. سونىمەن بىرگە، مەديتسينا، دەنساۋلىق ساقتاۋ سالاسىنا، ءبىلىم بەرۋ سالاسىنا بولىنەتىن قاراجات كوبەيەتىن بولادى. بۇل شارالاردىڭ ءبارى جۇيەلى بولىپ، قازاقستانداعى الەۋمەتتىك جاعدايدى ارى قاراي دامىتۋعا سەرپىن بەرەرى ءسوزسىز»، - دەدى ول.

ماۋلەن اشىمباەۆ سوزىندە پرەزيدەنتتىڭ جولداۋىندا الەۋمەتتىك جاڭعىرۋدىڭ نەگىزگى باسىمدىقتارىن ايقىنداپ بەرگەنىن اتاپ ءوتتى.

«وسى باسىمدىقتاردى جۇزەگە اسىرۋ - قازاقستاندا ءومىر ءسۇرۋ دەڭگەيى جاعىنان الەمدەگى ەڭ دامىعان ەلدەردىڭ قاتارىنا قوسۋعا جۇمىس ىستەيتىن بولادى. سوندىقتان، بارلىق ساياسي جانە قوعامدىق كۇشتەر، مەملەكەتتىك ەمەس ۇيىمدار بىرىگىپ، ەلباسىنىڭ كوتەرگەن ۇسىنىستارىن حالىققا تۇسىندىرۋگە كۇشتەرىن بىرىكتىرۋ كەرەك. ەكىنشىدەن، ءبىز ءبارىمىز - باسقا ساياسي پارتيالار بار، مەملەكەتتىك ەمەس ۇيىمدار بار ەلباسىنىڭ ۇسىنىستارىن جۇزەگە اسىرۋدىڭ ءتيىمدى تەتىكتەرىن تالقىلاپ، ۇكىمەتپەن بىرگە ونى جۇزەگە اسىرۋعا ءوزىمىزدىڭ ۇلەسىمىزدى قوسۋدى جوسپارلاپ وتىرمىز. ۇشىنشىدەن، ءبىز ارى قاراي باسقا ساياسي پارتيالارمەن، مەملەكەتتىك ەمەس ۇيىمدارمەن ەلباسىنىڭ ۇسىنىستارىن جۇزەگە اسىرۋدا قوعامدىق مونيتورينگتى جۇزەگە اسىراتىن بولامىز»، - دەدى ماۋلەن اشىمباەۆ.

«نۇر وتان» پارتياسى توراعاسىنىڭ ءبىرىنشى ورىنباسارىنىڭ ايتۋىنشا، مەملەكەت باسشىسىنىڭ ۇسىنىستارىن بارلىق نەگىزگى ساياسي، قوعامدىق كۇشتەر قولداپ وتىر دەپ ايتۋعا تولىق نەگىز بار.

«بۇنى بۇگىنگى ءبىزدىڭ دەموكراتيالىق كۇشتەردىڭ جالپىۇلتتىق كوميسسياسىنىڭ جينالىسى دالەلدەپ وتىر. ءبىز ارى قاراي ءوزىمىزدىڭ ارىپتەستەرىمىزبەن وسى باعىتتا بىرگە جۇمىس ىستەۋ تەتىكتەرىن تالقىلاپ، وسى باعىتتا ناقتى جۇمىستاردى جۇزەگە اسىرۋدى جوسپارلاپ وتىرمىز. جالپى، ەلباسىنىڭ جولداۋى حالىقتىڭ ءال-اۋقاتىن ارى قاراي ءبىرشاما دەڭگەيگە كوتەرۋگە باعىتتالعان. بۇگىنگى بارلىق ساياسي پارتيالاردىڭ، بارلىق قوعامدىق ۇيىمداردىڭ ۇدەسىنەن شىعادى. سوندىقتان، قوعام بولىپ بىرىگىپ، ناقتى ىستەردى جۇزەگە اسىرۋىمىز كەرەك»، - دەدى ماۋلەن اشىمباەۆ.

Abai.kz