«نۇر وتان» پارتياسى الماتى فيليالى توراعاسىنىڭ ءبىرىنشى ورىنباسارى بولىپ ستانيسلاۆ كانكۋروۆ  بەكىتىلدى. ول قازاقستان رەسپۋبليكاسى قوعامدىق دامۋ ۆيتسە-ءمينيسترى بولىپ تاعايىندالعان جۇلدىز وماربەكوۆانىڭ ورنىنا كەلدى، دەپ حابارلايدى الماتى اقشامى.

ستانيسلاۆ كانكۋروۆ 1985 جىلى الماتى وبلىسىندا تۋعان. لومونوسوۆ اتىنداعى ممۋ «ستراتەگيالىق مەنەدجمەنت»، قوناەۆ اتىنداعى ۋنيۆەرسيتەتتى «يۋريسپرۋدەنتسيا» ماماندىقتارى بويىنشا  بىتىرگەن. مەملەكەتتىك، ورىس جانە اعىلشىن تىلدەرىن مەڭگەرگەن.

«نۇر وتان» پارتياسىندا 7 جىلدان استام ۋاقىت بويى جۇمىس ىستەپ كەلەدى. اۋداندىق بولىمنەن قالالىق فيليالعا دەيىنگى جولدان ءوتتى. سوڭعى بىرنەشە جىل ىشىندە قالالىق فيليال توراعاسىنىڭ ورىنباسارى قىزمەتىن اتقاردى.

پارتيانىڭ قوعامدىق كەڭەسى قالالىق  بيۋروسىنىڭ وتىرىسىندا الماتى اكىمى باۋىرجان بايبەك جۇلدىز وماربەكوۆاعا اتقارعان جەمىستى  جۇمىسى ءۇشىن العىس ايتىپ، جاڭا باسشىلىقتىڭ الدىنا پرينتسيپتىلىك پەن جۇيەلىلىكتى قاجەت ەتەتىن بىرقاتار  كەزەك كۇتتىرمەيتىن مىندەتتەر قويدى. ولاردىڭ نەگىزگىلەرى –  پارتيانىڭ قوعامدىق قابىلداۋىن مودەرنيزاتسيالاۋ، دەپۋتاتتىق فراكتسيا مەن «جاس وتان» جاستار قاناتىنىڭ  جۇمىسىن  كۇشەيتۋ.

Abai.kz