استانا. 11 ءساۋىر. قازاقپارات- 9 ساۋىردە رياد قالاسىندا سەمەيدە تۋبەركۋلەزگە قارسى بالالار اۋرۋحاناسىن سالۋ ءۇشىن 7 ملن. اقش دوللارى كولەمىندە قايتارىمسىز گرانت ءبولۋ تۋرالى مەموراندۋمعا قول قويىلدى.

قۇجاتقا ساۋد تاراپىنان ساك قارجى ءمينيسترىنىڭ ورىنباسارى سۇلەيمەن ات-تۇركي، ال قازاقستان تاراپىنان شىعىس قازاقستان وبلىسى اكىمىنىڭ ءبىرىنشى ورىنباسارى سەرىك ابدەنوۆ قول قويدى، دەپ حابارلايدى قر-نىڭ ريادتاعى ەلشىلىگى.

ساك كورولى، قوس كيەلىنىڭ شىراقشىسى ابداللا بەن ابدەل ءازيزدىڭ قايتارىمسىز گرانت ءبولۋ تۋرالى شەشىمى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ 29 تامىزدى بۇكىلالەمدىك يادرولىق قارۋدان باس تارتۋ كۇنى دەپ جاريالاۋ جونىندەگى باستاماسىن قولداۋدىڭ جارقىن كۋاسى، سونداي-اق سەمەي پوليگونىنىڭ جابىلۋىنىڭ 20-جىلدىعىن جالپى حالىقتىق مەرەكەلەۋ قارساڭىندا يادرولىق سىناقتاردان زارداپ شەككەن قازاقستاندىقتارعا ساۋد حالقىنىڭ اعايىندىق سىيى ەكەنىن سالتاناتتى شارا بارىسىندا ساۋد تاراپى اتاپ ءوتتى.

استانا. 11 ءساۋىر. قازاقپارات- 9 ساۋىردە رياد قالاسىندا سەمەيدە تۋبەركۋلەزگە قارسى بالالار اۋرۋحاناسىن سالۋ ءۇشىن 7 ملن. اقش دوللارى كولەمىندە قايتارىمسىز گرانت ءبولۋ تۋرالى مەموراندۋمعا قول قويىلدى.

قۇجاتقا ساۋد تاراپىنان ساك قارجى ءمينيسترىنىڭ ورىنباسارى سۇلەيمەن ات-تۇركي، ال قازاقستان تاراپىنان شىعىس قازاقستان وبلىسى اكىمىنىڭ ءبىرىنشى ورىنباسارى سەرىك ابدەنوۆ قول قويدى، دەپ حابارلايدى قر-نىڭ ريادتاعى ەلشىلىگى.

ساك كورولى، قوس كيەلىنىڭ شىراقشىسى ابداللا بەن ابدەل ءازيزدىڭ قايتارىمسىز گرانت ءبولۋ تۋرالى شەشىمى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ 29 تامىزدى بۇكىلالەمدىك يادرولىق قارۋدان باس تارتۋ كۇنى دەپ جاريالاۋ جونىندەگى باستاماسىن قولداۋدىڭ جارقىن كۋاسى، سونداي-اق سەمەي پوليگونىنىڭ جابىلۋىنىڭ 20-جىلدىعىن جالپى حالىقتىق مەرەكەلەۋ قارساڭىندا يادرولىق سىناقتاردان زارداپ شەككەن قازاقستاندىقتارعا ساۋد حالقىنىڭ اعايىندىق سىيى ەكەنىن سالتاناتتى شارا بارىسىندا ساۋد تاراپى اتاپ ءوتتى.

ءوز كەزەگىندە، شىعىس قازاقستان وبلىسى اكىمىنىڭ ءبىرىنشى ورىنباسارى س.ابدەنوۆ ساۋد باسشىلىعىنىڭ يگى شەشىمى ءۇشىن العىسىن ءبىلدىردى. تۋبەركۋلەز الەمدەگى كەڭ تاراعان اۋرۋلار قاتارىنا جاتادى جانە تۇرعىندار دەنساۋلىعىنا ۇلكەن قاۋىپ ءتوندىرىپ كەلەدى. 1993 جىلى بۇكىلالەمدىك دەنساۋلىق ساقتاۋ ۇيىمى تۋبەركۋلەزدى قوعامدىق دەنساۋلىق ساقتاۋدىڭ عالامدىق پروبلەماسى دەپ جاريالادى. جەر شارى تۇرعىندارىنىڭ شامامەن ۇشتەن ءبىرى وسى اۋرۋعا شالدىققان. جىل سايىن 8,4 ميلليون ادام جۇقتىرسا، شامامەن 2 ميلليون ادام قايتىس بولادى.

ءومىر ءسۇرۋ دەڭگەيىنىڭ ايتارلىقتاي جاقسارۋىنا قاراماستان تۋبەركۋلەز قازاقستانداعى دەنساۋلىق ساقتاۋ سالاسىنىڭ كۇردەلى پروبلەمالارىنىڭ ءبىرى بولىپ وتىر. تۋبەركۋلەزبەن اۋىرعانداردى ەمدەۋگە جانە وڭالتۋعا ارنالعان سەمەي قالاسىنداعى 80 توسەكتىك بالالار اۋرۋحاناسىن سالۋ قاجەتتىلىگى ورتاشا رەسپۋبليكالىق جانە وبلىستىق كورسەتكىشتەردەن ايتارلىقتاي جوعارى بولىپ تۇرعان اۋرۋ مەن ءولىمنىڭ جوعارى كورسەتكىشتەرىنەن تۋىنداعان. جىل سايىن سەمەي وڭىرىندە بالالار مەن جاسوسپىرىمدەر اراسىندا 120-عا دەيىن تۋبەركۋلەزبەن اۋرۋ وقيعالارى تىركەلەدى. ولاردىڭ بارلىعى ستاتسيونار جاعدايىندا 6 ايدان 1 جىلعا دەيىن ۇزدىكسىز ەمدەلۋدى قاجەت ەتەدى.

بۇگىنگى كۇنى سەمەي قالاسىنداعى وڭىرلىك تۋبەركۋلەزگە قارسى ديسپانسەردىڭ بالالار بولىمشەسىنىڭ ماتەريالدىق-تەحنيكالىق بازاسى جۇقپالى پروفيلدەگى ستاتسيونارلار ءۇشىن تالاپ ەتىلەتىن سانيتارلىق نورمالار مەن ەرەجەلەرگە سايكەس كەلمەيدى.

ءتيىمدى ەمدەۋ ءۇردىسىن قامتاماسىز ەتۋ ءۇشىن پاتالوگيالىق باكتەريا بولەتىن جانە ءدارى-دارمەك ارقىلى تۇراقتىلىقتى قامتاماسىز ەتەتىن ناۋقاس بالالار مەن جاسوسپىرىمدەردى وقشاۋلاۋ قاجەت. وسىعان بايلانىستى بۇگىنگى تاڭدا جەكە تۇراتىن تۋبەركۋلەزگە قارسى بالالار اۋرۋحاناسىنىڭ عيماراتىن سالۋ وتە وزەكتى بولىپ تابىلادى.

2010 جىلى قازاقستان رەسپۋبليكاسىنىڭ ريادتاعى ەلشىلىگى مەن ساۋد ارابياسى كورولدىگى قارجى مينيسترلىگىنىڭ اراسىنداعى كەلىسسوزدەر بارىسىندا سەمەي قالاسىندا تۋبەركۋلەزگە قارسى بالالار اۋرۋحاناسىن سالۋعا گرانت ءبولۋ تۋرالى ۋاعدالاستىققا قول جەتكىزىلدى. 2010 جىلعى قاراشا ايىندا ساك قارجى مينيسترلىگىنىڭ دەلەگاتسياسى سەمەي قالاسىندا ساپارمەن بولىپ، قۇرىلىس نىسانىنىڭ ورنالاسۋ ورنىمەن تانىسۋ، جوبانى جۇزەگە اسىرۋ تەتىكتەرى پىسىقتالدى.

قازىرگى ۋاقىتتا اۋرۋحانانى سالۋ ورنى انىقتالدى، جوبالاۋ-سمەتالىق قۇجاتتاماسى، تەحنيكالىق-ەكونوميكالىق نەگىزدەمەسى جانە مەديتسينالىق مەكەمەنىڭ سيپاتتاماسى ازىرلەندى. اۋرۋحانا سانيتارلىق-گيگيەنالىق جانە ەپيدەمياعا قارسى جاعدايدى قاداعالاۋعا مۇمكىندىك بەرەتىن زاماناۋي ساۋلەتتىك-جوسپار شەشىمى نەگىزىندە سالىنباق. ەمدەلۋشىلەر ءۇشىن بارىنشا قولايلى جاعدايلار جاسالادى. جەرتولەسى، تەحنيكالىق قاباتى جانە 2 قاباتتى جاپسارلاس قۇرىلىسى بار التى قاباتتى عيمارات قازىرگى زامانعى 6 ليفتپەن جابدىقتالادى. نەگىزگى بولمە-جايلار فۋنكتسيونالدى سيپاتى بويىنشا توپتاستىرىلىپ، ءبىر-بىرىنەن شليۋزدەرمەن وقشاۋلانادى.

ءبىر اۋىسىمدا 60 قابىلداۋشىعا ەسەپتەلگەن ەمحانا، زاماناۋي مەديتسينالىق قۇرال-جابدىقپەن جاراقتالعان زەرتحانالار شۇعىل دياگنوستيكا وتكىزىپ، بالالار مەن جاسوسپىرىمدەردىڭ ەمدەلۋ ءۇردىسىن باقىلاۋعا الۋعا مۇمكىندىك بەرەدى. 80 توسەك-ورىنعا ارنالعان ستاتسيوناردىڭ ىڭعايلى پالاتالارى ءبىر-ەكى، ەڭ كوبى ءۇش ەمدەلۋشىگە ەسەپتەلگەن. بالالاردىڭ جاستارىنا قاراي وقۋلارىن جالعاستىرۋعا مۇمكىندىكتەر جاسالادى، ول ءۇشىن ءۇش وقۋ سىنىبى، مۋلتيمەديا جانە ادىستەمەلىك كابينەتتەر قاراستىرىلعان.

قازاقستان ەلشىسى قايرات لاما شاريفتىڭ ايتۋىنشا، ەكى ەل اراسىندا ديپلوماتيالىق قارىم-قاتىناس ورناتىلعان 17 جىل ىشىندە ساۋد ارابياسىنىڭ گرانتتارى ەسەبىنەن استاناداعى قر پارلامەنت سەناتىنىڭ عيماراتى (15 ملن. دولل.), استاناداعى كارديولوگيالىق ورتالىق (12 ملن. دولل.), پەتروپاۆلداعى وبلىستىق مەشىت (2 ملن.دولل.) سالىنعان. بۇدان باسقا، باۋىرجان مومىشۇلى اتىنداعى اسكەري مەكتەپتى جابدىقتاۋ ءۇشىن قايتارىمسىز 1 ملن. اقش دوللارى بولىنگەن. ساۋد دامۋ قورى 12 ملن. اقش دوللارى مولشەرىندە وساكاروۆكا-ۆيشنەۆكا تاسجولىنىڭ سالىنۋىن قارجىلاندىردى. قازىرگى ۋاقىتتا ساۋد ارابياسى قازاقستاننىڭ يسلام كونفەرەنتسياسى ۇيىمىندا توراعالىق ەتۋ جىلى بارىسىندا ەلباسىمىزدىڭ حالىقارالىق قىزمەتىن جوعارى باعالاپ وتىر.