22 قازان كۇنى قازاقستان پرەزيدەنتىنىڭ اكىمشىلىگى ەرىك وتەمباەۆ بيۋدجەت قارجىسىن اسا ءىرى كولەمدە جىمقىردى دەگەن كۇدىككە ءىلىنىپ، وزبەكستانداعى ەلشى قىزمەتىن اتقارۋدان ۋاقىتشا شەتتەتىلگەنىن حابارلاعان.
وتكەن اپتادا سىبايلاس جەمقورلىققا قارسى ءىس-قيمىل ۇلتتىق بيۋروسى ەرىك وتەمباەۆ قازاقستاننىڭ وزبەكستانداعى ەلشىلىگى عيماراتىن سالۋ جۇمىستارىنا قاتىستى "جالعان قۇجاتقا بىلە تۇرا" قول قويدى دەگەن كۇدىككە ىلىنگەنىن مالىمدەگەن. سىرتقى ىستەر مينيسترلىگىنىڭ اقپاراتى بويىنشا، تەرگەۋ مينيسترلىكتىڭ بۇرىنعى جاۋاپتى حاتشىسى اناربەك قاراشەۆتىڭ "پارا الدى" دەگەن كۇدىكپەن قاماۋعا الىنۋىمەن بايلانىستى جۇرگىزىلىپ جاتىر.
ء"بىز بارلىق قاداعالاۋشى ورگاندارمەن بەلسەندى جۇمىس ىستەيمىز. مىنا جاعدايدا ۇلتتىق بيۋروعا ءىستى تولىق جانە شىنايى تۇردە تەرگەۋىنە بولىسامىز" دەدى ءابدىراحمانوۆ جۋرناليستەرگە. ونىڭ سوزىنشە، قازىر "بارلىق الدىن الۋ شارالارى" جاسالىپ جاتىر.
"سىرتقى ىستەر مينيسترلىگى مەن ۇكىمەت سىبايلاس جەمقورلىققا قارسى ءىس-قيمىلدا جانە مەملەكەتتىك قىزمەتكەردىڭ زاڭعا قايشى ارەكەت جاساۋىنا جول بەرمەۋ ماسەلەسىندە اشىقتىق تانىتادى. كىناسىزدىك پرەزۋمپتسياسى بارىن دا ۇمىتپاۋعا شاقىرامىن" دەدى مينيستر.
Abai.kz
