بولتون پۋتينمەن كەلىسسوزىنەن سوڭ ماسكەۋدە "ينتەرفاكس" اگەنتتىگىنىڭ ورتالىق كەڭسەسىندە ءباسپاسوز ءماسليحاتىن وتكىزدى. ونىڭ ايتۋىنشا، "كەزدەسۋ بيىل 11 قاراشا - ءبىرىنشى دۇنيەجۇزىلىك سوعىستىڭ اياقتالعانىنا 100 جىل تولعانىن اتاپ وتەتىن كۇنى بولادى".

دجون بولتون ماسكەۋدىڭ "اقش ورتا جانە قىسقا قاشىقتىققا ۇشاتىن زىمىرانداردى جويۋ تۋرالى كەلىسىمنەن شىقسا الەمگە قاۋىپ تونەدى" دەگەن الاڭداۋشىلىعىنا "كەرىسىنشە، رەسەي زىمىراندارىنىڭ ەۋروپا اۋماعىندا ورنالاسقانى قاۋىپتى" دەپ جاۋاپ بەردى.

دجون بولتون اقش-تىڭ بۇل شەشىمىنىڭ سالدارى جەتە تالقىلانباعانىن ايتتى. "ۆاشينگتون رەسەي كەلىسىمدى بۇزىپ وتىر دەپ سانايتىندىقتان، ودان شىعۋ تۋرالى شەشىم قابىلدادى" دەپ مالىمدەدى بولتون.

Reuters اگەنتتىگىنىڭ حابارلاۋىنشا، امەريكالىق ساياساتكەر ماسكەۋدىڭ اقش-تاعى پرەزيدەنت سايلاۋىنا كيلىگۋى رەسەيدىڭ وزىنە كەرى اسەر ەتكەنىنە نازار اۋدارتقان. ونىڭ سوزىنشە، كرەمل "اقش سايلاۋىنا كيلىگۋگە بولمايدى" دەگەن ساباق العان. بولتون رەسەيدىڭ 2016 جىلى اقش-تاعى پرەزيدەنت سايلاۋىنا كيلىككەنىنەن سايلاۋعا ايتارلىقتاي كەرى اسەرى تيگەنىنە ۆاشينگتوندا دالەل جوعىن ايتتى. دەگەنمەن، بۇل كيلىگۋ رەسەيگە دەگەن سەنىمسىزدىك تۋدىرعان. ماسكەۋ اقش-تاعى سايلاۋعا كيلىككەنىن جوققا شىعارادى.

Abai.kz