جۇما, 29 ناۋرىز 2024
4515 2 پىكىر 29 قازان, 2018 ساعات 18:57

شىڭعىسxان تۋرالى جازىلعان تاريxي كىتاپتىڭ تۇساۋكەسەرى وتەدى

2018 جىلدىڭ 31 قازانى كۇنى ساعات 16:00-دە قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا الەمگە ايگىلى تاريحشى راشيد اد-دين ءحامادانيدىڭ تۇڭعىش رەت قازاق تىلىنە اۋدارىلعان «جاميع ات-تاۋاريح» 5 تومدىعىنىڭ تۇساۋكەسەر ءراسىمى وتەدى.

عۇلاما عالىم راشيد اد-دين فازلۋللاح ءحامادانيدىڭ 1316 جىلى پارسى تىلىندە جارىق كورگەن «جاميع ات-تاۋاريح» («تاريحتار جيناعى») اتتى شىعارماسى تۇپنۇسقادان تۇڭعىش رەت قازاق تىلىنە تولىق اۋدارىلىپ، وقىرمان قاۋىمنىڭ نازارىنا ۇسىنىلىپ وتىر.

بۇل كىتاپتا ۇلى دالادا عاسىرلار بويى ءومىر ءسۇرىپ، تىرشىلىك ەتكەن حالىقتاردىڭ پايدا بولۋى، ولاردىڭ ءتۇرلى تايپالارعا ءبولىنۋى، سولاردىڭ ىشىنەن كەيىننەن قازاق حالقىنىڭ قۇرامىنا كىرگەن رۋ-تايپالاردىڭ شىعۋ تەگى، تاريحى، ومىرلىك سالت-داستۇرلەرى، اتا قونىستارى، ءبىر-بىرىمەن قارىم-قاتىناستارى تولىق باياندالعان.

سونداي-اق، وسى تايپالاردىڭ اراسىنان شىققان ۇلى قاعان شىڭعىس حاننىڭ ءومىربايانى، شەجىرەسى، ونىڭ اتا-بابالارىنىڭ، داڭقتى ۇلدارى مەن ۇرپاقتارىنىڭ تاريحى، جورىقتارى، ناقىل سوزدەرى مەن وسيەتتەرى، ولار بيلىك جاساعان ۋاقىتتارىندا ورىن العان ەرەكشە وقيعالار جانە كورشىلەس ەلدەردىڭ بيلەۋشىلەرىنىڭ تاريحى جازىلعان.

راشيد اد-ءديننىڭ «جاميع ات-تاۋاريح» شىعارماسى سول كەزدەگى شىڭعىس قاعاننىڭ مۇراگەرلەرى مەن كۋاگەرلەردىڭ، شەجىرەشى تاريحشىلاردىڭ تالقىسى مەن كومەگى ارقىلى بەكىتىلگەن بىردەن-ءبىر شىنايى تۇپنۇسقا دەرەككوزى بولىپ سانالادى. ياعني، كىتاپتان شىڭعىس حان جانە ونىڭ ۇرپاقتارى تۋرالى شىنايى مالىمەتتەرمەن تانىسۋعا بولادى.

شىعارمانى قازاق تىلىنە تىكەلەي اۋدارعان – اراب، پارسى تىلدەرىنىڭ بىلگىر مامانى، قازاقستان مۇسىلماندارى ءدىني باسقارماسى جانىنداعى عۇلامالار كەڭەسىنىڭ مۇشەسى، وڭتۇستىك قازاقستان مەملەكەتتىك ۋنيۆەرسيتەتىنىڭ «تۇركىتانۋ» عىلىمي-زەرتتەۋ ورتالىعىنىڭ اعا عىلىمي قىزمەتكەرى ءزارىپباي جۇمانۇلى ورازباي.

تۋىندى ەۋرازيالىق توپتىڭ (ERG) قارجىلاي قولداۋىمەن جارىق كوردى.

كىتاپتىڭ تۇساۋكەسەر راسىمىنە ەلىمىزگە بەلگىلى مەملەكەت جانە قوعام قايراتكەرلەرى، تاريحشىلار جانە زيالى قاۋىم وكىلدەرى قاتىسادى.

 وتەتىن جەرى: قر تۇڭعىش پرەزيدەنتى – ەلباسى كىتاپحاناسى

استانا قالاسى، ءا. بوكەيحان كوشەسى 1,

باستالۋى: ساعات 16:00

بايلانىس نومەرى: +7 7017074010 (اقبەرەن ەلگەزەك)

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553