جۇما, 29 ناۋرىز 2024
بارەكەلدى! 4081 0 پىكىر 30 قازان, 2018 ساعات 17:09

تالدىقورعاندا ونەر تويى باستالدى

تالدىقورعاندا زاماناۋي جاڭا تەاتر عيماراتى اشىلدى، - دەپ حابارلايدى اباي-اقپارات.

جاڭا تەاتردىڭ شىمىلدىعىن  جاڭا شاڭىراققا قونىستانعان بيكەن ريموۆا اتىنداعى تەاتر ۇجىمى قازاق كلاسسيكاسىنىڭ جاۋھارى - مۇحتار اۋەزوۆتىڭ «ايمان-شولپان» كومەدياسىمەن اشتى.

وبلىس بيۋدجەتىنەن 6 ملرد تەڭگەگە جۋىق قارجى بولىنگەن قۇرلىس نىسانىن پايدالانۋعا بەرۋ ورتا ازيا ەلدەرىنىڭ  7-ءشى حالىقارالىق تەاتر فەستيۆالىمەن تۇسپا-تۇس كەلدى.

بۇگىن، سونداي-اق، تالدىقورعاندا اتالعان حالىقارالىق تەاتر فەستيۆالى ءوز جۇمىسىن باستادى.

حالىقارالىق دودا  6 قاراشاعا دەيىن جالعاسادى. وسى ارالىقتا حاسان اجار وندىرىستىك تەاترى (تۇركيا رەسپۋبليكاسى)  «پيرايە» قويىلىمىن، الپ ارسلان اتىنداعى تۇركىمەن ۇلتتىق جاستار تەاترى (تۇركىمەنستان رەسپۋبليكاسى) «كوروعلى جانە اگايۋنۋس» قويىلىمدى، م.گافۋري اتىنداعى باشقۇرت مەملەكەتتىك اكادەميالىق دراما تەاترى (رەسەي فەدەراتسياسى، باشقۇرتستان رەسپۋبليكاسى) «ىزدەپ تاپتىم سەنى...»، ب.قىدىكەەۆا اتىنداعى قىرعىز مەملەكەتتىك جاسوسپىرىمدەر تەاترى (قىرعىزستان رەسپۋبليكاسى) «قاسقىر ۇلىعان ءتۇن» سىندى وسى جانە وزگە دە ەلدەردىڭ قويىلىمدارى ساحنالانادى.

سالتاناتتى شارانىڭ  اشىلۋىمەن كسرو حالىق ءارتىسى، مەملەكەتتىك سىيلىقتىڭ لاۋرەاتى، قازاقستان تەاترلارى اسسوتساتسياسىنىڭ توراعاسى ءاسانالى ءاشىموۆ قۇتتىقتاپ،  جىلى لەبىزىن ءبىلدىردى.

سونىمەن قاتار، تالدىقورعان تەاترىنىڭ رەسمي اشىلۋ سالتاناتىندا ونەر سالاسىندا جۇرگەن ەلىمىزگە بەلگىلى بىرقاتار جاستارعا "سەرپەر" جاستار سىيلىعى تابىستالدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621