ارينە، بۇل قانداي اقماعي سۇراق دەپ ويلارسىزدار. وكىنىشكە وراي، XXI عاسىردىڭ باسىندا وسى سۇراق عىلىمي تالقىعا ءتۇسىپ وتىر.

ءتىل دەگەن نە؟ ءتىل – بايلانىس قۇرالى. ونىڭ بەس فۋنكتسياسى بار. ولار: وتباسى، وشاق قاسى; بيزنەس; ساياسات; ەكونوميكا; عىلىم جانە تەحنولوگيا. ادامنىڭ ون ەكى مۇشەسى بار بولاتىن بولسا، سول ون ەكى مۇشەنىڭ ءبارى جۇمىس جاساۋ كەرەك.

قازاقتا مىقتى پوەزيا بار، ادەبيەت بار. بىراق باسقا جاعىندا تۇك تە جوق. مەنىڭ ويىمشا ءبىزدىڭ ساياسات بىلاي بولۋى كەرەك: ءسىز كومەكتەسپەي-اق قويىڭىز، بىراق كەدەرگى جاساماي-اق قويىڭىز.

سوڭعى كەزدە قازاقتىڭ ءتىلى دامىپ كەلە جاتىر. ءبىزدىڭ مينيستر قازاق بالالارىنىڭ ءبىلىمى تومەن دەپ ايتادى. بوس ءسوز.

كەشەگى وتكەن ۇبت-دا ەڭ جاقسى ناتيجە كورسەتكەن قازاق مەكتەبىنىڭ بالالارى.

قۇداي بىلەدى، «بولاشاقپەن» شەتەلگە وقۋعا كەتكەندەردىڭ 80 پايىزى قازاق مەكتەبىن بىتىرگەن بالالار. قازاقشا مەكتەپتە وقۋ مەتوديكاسى قالىپتاستى.

قازاق تىلىندە باستاۋىشقا، ورتا مەكتەپكە لايىق جەتكىلىكتى ءتىل بار. ءبىز قازاقتىڭ ءتىلى باي دەيمىز. سول باي ءتىلىمىز ورتا مەكتەپكە ءبىلىم بەرۋگە جارامايتىن بولسا، ول ءتىلدىڭ نە كەرەگى بار؟! مينيسترلىكتىڭ وكىلدەرى «قازاق تاريحىن قازاق تىلىندە وقىتاتىن بولدىق» دەپ جەتىستىك رەتىندە ايتىپ وتىر. بۇل جەتىستىك ەمەس، كۇلكىلى نارسە. بۇكىل عىلىمنىڭ بارلىعى انا تىلىندە وقىتىلۋى كەرەك.

اسقار جۇمادىلداەۆ، اكادەميك

Abai.kz