120 ساربازدىڭ ليۆانعا كەتۋى قاۋىپتى سياقتى
قازاقستاننىڭ 120 ساربازى ليۆانعا اتتاندى. ولار بۇۇ-نىڭ نەگىزىندە بىتىمگەرلىك قىزمەتىن اتقارماق. ءۇندىستاننىڭ "يندبات" ارنايى بولىمشەسىمەن بىرگە، ءبىزدىڭ جاۋىنگەرلەر اسا قاۋىپتى ايماقتا اتىس-شابىس بولىپ كەتپەۋىن قاداعالايدى. امان قايتۋىن تىلەيمىز!
ءبىزدىڭ بىتىمگەرلىك كۇشتەر ءبىراز سوعىس ايماقتارىنا بارىپ قايتتى. تاجىكستانداعى 1992-1997 جىلدارداعى سوعىستا بولدى. 1995 جىلى، 7 ساۋىردە ساربازدارىمىزتاۋ شاتقالىندا قورشاۋدا قالىپ، 17 جاۋىنگەر وققا ۇشتى. جالپى جيىنتىعى تاجىكستانعا ون مىڭعا جۋىق جاۋىنگەر بارىپ قايتتى.
2003 جىلى يراكتا سوعىس باستالىپ، قازاق ساربازدارى "باعدات قايداسىڭ" دەپ، تارتىپ كەتتى. بىتىمگەرلىك كۇشتەرىمىز 6 ميلليوننان استام مينانى تازالادى، ءبىر سارباز قازا تاپتى.
قازىر دە قازاقتىڭ قايسار جىگىتتەرى قارا قۇرلىقتاعى قىرقىستا بىتىمگەرلىك قىزمەتىن اتقارىپ ءجۇر.
الايدا 120 ساربازدىڭ ليۆانعا كەتۋى قاۋىپتىرەك سياقتى. ليۆان تەررورلىق توپتاردىڭ ءبىر ورداسى، تۇراقسىز، جان-جاعىن سوعىس وتى شارپىعان، ال وزىندە انە-مىنە تۇتانايىن دەپ تۇرعان مەملەكەت. 120 جىگىتتىڭ ءبارى ساۋ قايتسا يگى. سولاردىڭ ىشىندە ءبىر بيىك مىنبەردەگى شەنەۋنىكتىڭ بالاسى بار ما ەكەن؟! ۇلىبريتانيا حانزاداسى اۋعانستانعا بارىپ، تاليبتەرمەن سوعىسىپ كەلدى عوي...
ءبىزدىڭ دوكەيلەر ءوز بالالارىن ەشقاشان وندايعا جىبەرمەس
اسحات قاسەنعاليدىڭ facebook پاراقشاسىنان
Abai.kz
