جۇما, 29 ناۋرىز 2024
46 - ءسوز 6285 1 پىكىر 8 قاراشا, 2018 ساعات 14:31

ول كىم؟... ول... جاقسى ادام...

كوپتەن بەرى ويلانىپ ءجۇرمىن. ءبارىمىز دە ادامبىز عوي. ال، بىراق، «جاقسى ادام» بولۋ قانداي عاجاپ؟!

كىسىنىڭ ادامي بولمىسىن ايقىنداۋ ءۇشىن وسى ءسوزدىڭ ءوزى جەتىپ جاتادى. تەك ءبىز بۇل تىركەستى كىم كورىنگەنگە ايتىپ، قۇنىن ءتۇسىرىپ العانبىز عوي. ويلاڭىزشى، ول-جاقسى ادام.

ول بارىنە اقىل ايتىپ، جول نۇسقاپ وتىراتىن كوسەم دە، كورىنگەن ورتادا ەش قىسىلماي ءسوز باستاپ كەتە بەرەتىن شەشەن دە، ەلدەن اسقان ەرەكشە، جۇرتتان اسقان جومارت تا ەمەس. ول جاي عانا جاقسى ادام. ونى ءبارى جاقسى كورەدى، دوس-جاراندارى دا سىيلايدى. ونى ءبارى ىزدەپ تۇرادى، ونىمەن ءبارى سويلەسكىسى كەلەدى، ونى ءبارى ساعىنادى. ويتكەنى، ول جان-جاعىنا كۇندەي شۋاق شاشىپ تۇرادى، ونىمەن تىلدەسكەن ادام رۋحاني كۇش-قۋات الىپ، جادىراپ شىعا كەلەدى.
ءيا، ونىڭ دا پەندەلىك كەمشىلىكتەرى بار. بىراق، ونى ەشكىم كورمەيدى، كورسە دە كورمەگەن بولادى. ونىڭ بويىنان تەك ىزگىلىك پەن مەيىرىم، جاناشىرلىق پەن تەكتىلىك ىزدەپ تۇرادى. سەبەبى، ول–جاقسى ادام.

ءۇندى فيلوسوفى وشونىڭ «سەنىمەن كەزدەسكەن ادام كۇلىمسىرەپ، ال سويلەسكەنى باقىتتىڭ ءبىر ۇشقىنىن سەزىنەتىندەي ءومىر ءسۇر» دەگەن ءسوزى بار.  مىنە، جاقسى ادامنىڭ ۇستانىمى دا وسىنداي. ونىڭ باسقا ادامداردان قانداي ارتىقشىلىعى بار دەپ ويلايتىن بولارسىز. ءيا، دۇرىس سۇراق.

ءبىز، كوبىمىز، باسقادان بۇرىن ءوز پايدامىزعا جۇگىرىپ، ءوز پروبلەمالارىمىزعا باس اۋىرتىپ جۇرەمىز عوي. ال، جاقسى ادام وزىنەن بۇرىن جان -جاعىنداعىلاردىڭ جايىن ويلاپ تۇرادى. ونىڭ جانى دا، ءتانى دە پەندەشىلىك اۋىلىنان الىستاۋ. سول ءۇشىن ونى ءبارى جاقسى كورەدى.

تاڭ قالماڭىز، ونداي ادامدار بار. مەن كوردىم. مۇمكىن، ءسىز دە كورىپ ءجۇرسىز. تەك بايقاماعان بولارسىز. ايتقان كەزدە وپ-وڭاي ەكى-اق اۋىز ءسوز... جاقسى ادام.

بىراق ول اتتى الۋ شە؟! بىلمەدىم...

اسەم قۇلمانوۆانىڭ facebook پاراقشاسىنان

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563